പ്രതിപക്ഷ പാർട്ടികൾക്ക് സ്ഥാനാർത്ഥി നിർണ്ണയത്തിൽ പാളിച്ച പറ്റി;എങ്കിലും വീരന്റെ വോട്ട് മീരക്ക് തന്നെ
കോഴിക്കോട്: രാഷ്ട്രപതി തിരഞ്ഞെടുപ്പിൽ പ്രതിപക്ഷ പാർട്ടികൾക്ക് സ്ഥാനാത്ഥി നിർണ്ണയത്തിൽ വീഴ്ച പറ്റിയെന്ന് എംപി വീരേന്ദ്ര കുമാർ എംപി. നേരത്തെ സ്ഥാനാർത്ഥിയെ പ്രഖ്യാപിക്കേണ്ടതായിരുന്നെന്നും അദ്ദേഹം പറഞ്ഞു. എങ്കിലും പ്രതിപക്ഷ പാർട്ടികളുടെ പൊതുസ്ഥാനാർത്ഥി മീര കുമാറിന് വോട്ട് ചെയ്യുമെന്നും അദ്ദേഹം പറഞ്ഞു.
ദേശീയ തലത്തില് ജെഡിയു, എന്ഡിഎ സ്ഥാനാര്ത്ഥി രാം നാഥ് കോവിന്ദിന് പിന്തുണ പ്രഖ്യാപിച്ചിരുന്നു. എന്നാൽ കേരളാ ഘടകം അതിൽ എതിര്പ്പ് അറിയിക്കുകയും ചെയ്തിരുന്നു. ബീഹാര് മുഖ്യമന്ത്രി നിതീഷ് കുമാറിന്റെ നേതൃത്വത്തില് ജെഡിയു ബിജെപിയെ പിന്തുണയ്ക്കുമ്പോള് തന്റെ വോട്ട് മീരാ കുമാറിനായിരിക്കുമെന്നാണ് വീരേന്ദ്ര കുമാര് പറഞ്ഞത്.
എന്ഡിഎയ്ക്ക് പുറത്തുള്ള പാര്ട്ടികളുടെ പിന്തുണയും നരേന്ദ്ര മോഡിക്കും കൂട്ടര്ക്കും ഉറപ്പിക്കാനായ സാഹചര്യത്തിലാണ് വീരേന്ദ്ര കുമാറിന്റെ വിമര്ശനം. സ്ഥാനാര്ത്ഥിയെ നേരത്തെ തീരുമാനിച്ചിരുന്നെങ്കില് അത് കൂടുതല് ഗുണം ചെയ്തേനെയെന്നും വീരേന്ദ്ര കുമാര് പറഞ്ഞു.