വേങ്ങരയിൽ ലീഗിനെക്കാൾ ഭയം കോൺഗ്രസിന്! കെപിസിസി സെക്രട്ടറി ലീഗ് വിമതനോട് ചെയ്തത്.... അത്ര പേടിയോ?
മുസ്ലീം ലീഗ് വിമത സ്ഥാനാർത്ഥിയുടെ വെളിപ്പെടുത്തൽ വേങ്ങരയിൽ പുതിയ വിവാദത്തിന് തിരികൊളുത്തി.
മലപ്പുറം: മൂന്നു മുന്നണികളും അരയും തലയും മുറുക്കി പ്രചാരണത്തിനിറങ്ങിയതോടെ വേങ്ങരയിൽ ആവേശം കൊട്ടിക്കയറുകയാണ്. യുഡിഎഫ്, എൽഡിഎഫ്, എൻഡിഎ സ്ഥാനാർത്ഥികൾക്കൊപ്പം സ്വതന്ത്രരും പ്രചാരണ രംഗത്ത് സജീവമായി.
ഇതിനിടെ, മുസ്ലീം ലീഗ് വിമത സ്ഥാനാർത്ഥിയുടെ വെളിപ്പെടുത്തൽ വേങ്ങരയിൽ പുതിയ വിവാദത്തിന് തിരികൊളുത്തി. മുസ്ലീം ലീഗ് വിമത സ്ഥാനാർത്ഥിയായ കെ ഹംസയാണ് പുതിയ വെളിപ്പെടുത്തൽ നടത്തിയിരിക്കുന്നത്. വേങ്ങര ഉപതിരഞ്ഞെടുപ്പിൽ നിന്നും പിന്മാറാൻ തനിക്കുമേൽ കനത്ത സമ്മർദ്ദമുണ്ടായെന്നാണ് കെ ഹംസ മാധ്യമങ്ങളോട് പറഞ്ഞത്. ഒരു കെപിസിസി സെക്രട്ടറി ഉൾപ്പെടെയുള്ളവരായിരുന്നു സമ്മർദ്ദത്തിന്റെ പിന്നിലെന്നും അദ്ദേഹം വ്യക്തമാക്കി.
സമ്മർദ്ദവും ഭീഷണിയും...
വേങ്ങര ഉപതിരഞ്ഞെടുപ്പിൽ നിന്ന് പിന്മാറാൻ തനിക്കുമേൽ കനത്ത സമ്മർദ്ദവും ഭീഷണിയുമുണ്ടായിരുന്നുവെന്നാണ് ലീഗ് വിമത സ്ഥാനാർത്ഥി മാധ്യമങ്ങളോട് പറഞ്ഞത്.
കെപിസിസി സെക്രട്ടറി...
കെഎൻഎ ഖാദറിനെ വേങ്ങരയിൽ സ്ഥാനാർത്ഥിയായി പ്രഖ്യാപിച്ചതിൽ പ്രതിഷേധിച്ചാണ് കെ ഹംസ വിമതനായി മത്സരിക്കാൻ തീരുമാനിച്ചത്. ഇതിനുപിന്നാലെയാണ് കെപിസിസി സെക്രട്ടറി അടക്കമുള്ള ചിലർ മത്സരത്തിൽ നിന്ന് പിന്മാറാൻ ഭീഷണിപ്പെടുത്തിയത്.
മുസ്ലീം ലീഗിൽ നിന്നും ആരുമില്ല...
ചില കോൺഗ്രസ് നേതാക്കൾ തനിക്കുമേൽ സമ്മർദ്ദം ചെലുത്തിയെങ്കിലും, മുസ്ലീം ലീഗ് നേതാക്കളാരും ഈ ആവശ്യവുമായി തന്നെ സമീപിച്ചിരുന്നില്ലെന്നും ഹംസ വ്യക്തമാക്കി.
മഹാനായ നേതാവ്....
വേങ്ങരയിൽ മുസ്ലീം ലീഗ് വിമതനായി മത്സരിക്കുന്ന കെ ഹംസയ്ക്ക് പക്ഷേ ലീഗിനോടോ മറ്റു നേതാക്കളോടോ പ്രത്യേകിച്ച് പരിഭവമൊന്നുമില്ല. പികെ കുഞ്ഞാലിക്കുട്ടി ഏറ്റവും മഹാനായ നേതാവാണെന്നാണ് അദ്ദേഹത്തിന്റെ അഭിപ്രായം.
സമ്മർദ്ദതന്ത്രം...
സമ്മർദ്ദതന്ത്രത്തിലൂടെ വേങ്ങര സീറ്റിൽ കെഎൻഎ ഖാദർ മത്സരിക്കുന്നതിലാണ് ഹംസയ്ക്ക് വിയോജിപ്പ്. ജനാധിപത്യ രീതിയിലല്ല കെഎൻഎ ഖാദറിനെ സ്ഥാനാർത്ഥിയായി തിരഞ്ഞെടുത്തതെന്നും, വേങ്ങരയിൽ മത്സരിക്കാൻ അദ്ദേഹം യോഗ്യനല്ലെന്നുമാണ് ഹംസയുടെ നിലപാട്.
വോട്ട് കുറയുമോ...
എസ്ഡിപിഐയ്ക്ക് പുറമേ, ലീഗ് വിമതനും മത്സരിക്കാനിറങ്ങിയതോടെ മുസ്ലീം ലീഗിലെ ആശങ്ക വർദ്ധിച്ചിട്ടുണ്ട്. പ്രാദേശിക തലത്തിൽ മോശമില്ലാത്ത സ്വാധീനമുള്ള വിമത സ്ഥാനാർത്ഥി പരമാവധി വോട്ടുകൾ നേടാൻ തുനിഞ്ഞിറങ്ങിയാൽ ലീഗ് ശരിക്കും വിയർക്കുമെന്ന് തീർച്ചയാണ്.
ഒപ്പത്തിനൊപ്പം...
നാമനിർദേശ പത്രിക പിൻവലിക്കാനുള്ള അവസാന തീയതിയും കഴിഞ്ഞതോടെ വേങ്ങരയിലെ സ്ഥാനാർത്ഥി ചിത്രം വ്യക്തമായി. മൂന്നു മുന്നണികളും പ്രചാരണത്തിൽ ഒപ്പത്തിനൊപ്പം മുന്നേറിക്കൊണ്ടിരിക്കുമ്പോൾ, സംസ്ഥാന-ദേശീയ നേതാക്കളും മണ്ഡലത്തിൽ സജീവമാണ്.
-
ചെറിയ പെരുന്നാളിന് സ്വര്ണം ഉയര്ന്നു! ഇന്ന് കൂടിയത് ഇത്ര; ഏറ്റവും കുറഞ്ഞ വിലയില് നിന്ന് കയറി -
1 ലക്ഷം രൂപയിൽ താഴെ വിലയ്ക്ക് സ്വർണം വേണോ? ഇപ്പോൾ വാങ്ങുന്നത് ബുദ്ധിയല്ല, കുറച്ച് കൂടി ക്ഷമിക്കൂ -
ഒന്നാം സ്ഥാനത്ത് ബെംഗളൂരു തന്നെ; ഹൈദരാബാദും മുംബൈയും പിന്നില്; ആഗോള കമ്പനികളുടെ ഇഷ്ടനഗരങ്ങള് -
ജയിച്ചാല് നാല് സ്വതന്ത്രര് യുഡിഎഫിനൊപ്പം നില്ക്കുമെന്ന് സതീശന്; സിപിഎം നേതാക്കളും പിന്തുണക്കും -
മനസില് കാണുന്നത് നടന്നിരിക്കും.. ശിവയോഗത്തിന്റെ ഒരു പവറേ..! ഈ രാശിക്കാരാണോ? -
യുഎസിനെ ഇറാൻ സംഘർഷത്തിലേക്ക് വലിച്ചിഴച്ചത് ഇസ്രായേൽ അല്ലെന്ന് നെതന്യാഹു; 'യുദ്ധം വേഗം അവസാനിക്കും' -
ഇറാന് യുദ്ധം സൗദികളെ സമ്പന്നരാക്കും.. എന്നാലും സന്തോഷിക്കാന് വകയില്ല; കാരണമിത് -
ജി സുധാകരന് പിന്തുണ അറിയിച്ച് കോൺഗ്രസ്; ഇന്ന് മുതൽ പ്രചാരണത്തിന് കൂടെയിറങ്ങും, നേരിടാൻ ഇടതും -
ടിവികെയ്ക്ക് തിരിച്ചടി; പ്രമുഖ വനിതാ നേതാവ് പാർട്ടിവിട്ട് ഡിഎംകെയിൽ, വിജയ്ക്ക് നേരെ രൂക്ഷ വിമർശനവും -
ഇടത് മാറി, വലത് തിരിഞ്ഞ്... അഞ്ച് വർഷം കൊണ്ട് ഗ്രാമങ്ങളിലും നഗരങ്ങളിലും സംഭവിച്ചത്... -
50000 ത്തില് താഴെയാണോ അടിസ്ഥാന ശമ്പളം.! 15 ലക്ഷം വരെ ശമ്പള കുടിശ്ശിക ലഭിക്കും, എങ്ങനെയെന്നോ? -
സ്വര്ണം വില്ക്കാനുള്ള സമയമല്ല.. ഇപ്പോഴാണ് വാങ്ങിവെക്കേണ്ടത്..! വില കൂടാന് ഇനിയും സമയമുണ്ട്
Click it and Unblock the Notifications
Sign in with Google