Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ഗായകൻ എംജി ശ്രീകുമാറും നിയമക്കുരുക്കിൽ! വിജിലൻസ് അന്വേഷണത്തിന് കോടതി ഉത്തരവിട്ടു...
പിന്നണി ഗായകനായ എംജി ശ്രീകുമാറിനും കായൽ കൈയേറ്റം തന്നെയാണ് പണികൊടുത്തത്.
കൊച്ചി: വിവിധ കേസുകളിലായി ഒട്ടേറെ സിനിമാ പ്രവർത്തകരാണ് ഈ വർഷം നിയമക്കുരുക്കിൽപ്പെട്ടത്. നടിയെ ആക്രമിച്ച കേസിൽ ദിലീപും, സുരേഷ് ഗോപി, അമലാപോൾ, ഫഹദ് ഫാസിൽ എന്നിവർ നികുതി വെട്ടിപ്പ് കേസിലും അകപ്പെട്ടു. ഇതിനു പുറമേ കായൽ കൈയേറിയെന്ന പരാതിയിൽ നടൻ ജയസൂര്യയ്ക്കെതിരെയും കേസെടുത്തിരുന്നു.
പിന്നണി ഗായകനായ എംജി ശ്രീകുമാറിനും കായൽ കൈയേറ്റം തന്നെയാണ് പണികൊടുത്തത്. എറണാകുളം മുളവുകാട് വില്ലേജിലുള്ള 11.5 സെന്റ് സ്ഥലത്ത് ചട്ടങ്ങൾ മറികടന്ന് കെട്ടിട നിർമ്മാണം നടത്തിയെന്നാണ് എംജി ശ്രീകുമാറിനെതിരെയുള്ള കേസ്.
കളമശേരി സ്വദേശി....
എറണാകുളം കളമശേരി സ്വദേശിയായ ഗിരീഷ് ബാബുവാണ് എംജി ശ്രീകുമാറിനെതിരെ വിജിലൻസ് കോടതിയിൽ പരാതി നൽകിയത്. മുളവുകാടുള്ള സ്ഥലത്ത് ചടങ്ങൾ മറികടന്ന് കെട്ടിട നിർമ്മാണം നടത്തിയെന്നാണ് പരാതിക്കാരന്റെ ആരോപണം.
കെട്ടിടനിർമ്മാണം...
എറണാകുളം ജില്ലയിലെ മുളവുകാട് വില്ലേജിൽ ബോൾഗാട്ടി പാലസിന് സമീപം എംജി ശ്രീകുമാറിന്റെ പേരിൽ 11.5 സെന്റ് സ്ഥലമുണ്ട്. 2010ലാണ് എംജി ശ്രീകുമാർ ഈ സ്ഥലം വാങ്ങിയത്. പിന്നീട് ഇവിടെ കെട്ടിടം നിർമ്മിക്കുകയും ചെയ്തു.
അനധികൃത നിർമ്മാണം...
എന്നാൽ കായൽക്കരയിലുള്ള സ്ഥലത്ത് കെട്ടിടം നിർമ്മിച്ചിരിക്കുന്നത് അനധികൃതമായാണെന്നാണ് പരാതിക്കാരന്റെ ആരോപണം. കെട്ടിടം നിർമ്മിച്ചപ്പോൾ തീരദേശ പരിപാലന ചട്ടവും കേരള പഞ്ചായത്ത് രാജ് നിർമ്മാണചട്ടവും ലംഘിച്ചുവെന്നും പരാതിക്കാരൻ ചൂണ്ടിക്കാണിക്കുന്നു.
നടപടിയില്ല...
മുളവുകാട് പ‍ഞ്ചായത്തിലെ അസിസ്റ്റന്റ് എൻജീനിയറാണ് അനധികൃത കെട്ടിട നിർമ്മാണത്തിന് അനുമതി നൽകിയതെന്നും, ഇതിനെതിരെ പഞ്ചായത്ത് സെക്രട്ടറി നടപടിയെടുത്തില്ലെന്നും കളമശേരി സ്വദേശിയുടെ പരാതിയിൽ പറയുന്നുണ്ട്.
കേസ്...
ഗിരീഷ് ബാബുവിന്റെ പരാതി സ്വീകരിച്ച വിജിലൻസ് കോടതി സംഭവത്തിൽ അന്വേഷണം നടത്താനും ഉത്തരവിട്ടു. എംജി ശ്രീകുമാറിനെതിരായ കേസിൽ അന്വേഷണം നടത്തി ഫെബ്രുവരി 19ന് റിപ്പോർട്ട് സമർപ്പിക്കാനാണ് മൂവാറ്റുപുഴ വിജിലൻസ് കോടതി ഉത്തരവിട്ടത്. വിജിലൻസിന്റെ എറണാകുളം യൂണിറ്റിനാണ് അന്വേഷണചുമതല.
കായൽ തന്നെ...
കളമശേരി സ്വദേശിയായ ഗിരീഷ് ബാബു തന്നെയാണ് നടൻ ജയസൂര്യയ്ക്കെതിരെയും നേരത്തെ പരാതി നൽകിയത്. ജയസൂര്യ ചിലവന്നൂർ കായൽ പുറമ്പോക്ക് കൈയേറി നിർമ്മാണപ്രവർത്തനം നടത്തിയെന്നായിരുന്നു പരാതി. ഈ സംഭവത്തിലും വിജിലൻസ് കോടതി അന്വേഷണത്തിന് ഉത്തരവിട്ടിരുന്നു.
ഫഹദ് ഫാസിലും സുരേഷ് ഗോപിയും...
സിനിമാ താരങ്ങളായ ഫഹദ് ഫാസിൽ, സുരേഷ് ഗോപി എംപി, അമലാപോൾ എന്നിവരും അടുത്തിടെ കേസിൽപ്പെട്ടിരുന്നു. പോണ്ടിച്ചേരി വാഹന രജിസ്ട്രേഷനിലൂടെ നികുതി വെട്ടിപ്പ് നടത്തിയെന്നതാണ് ഇവർക്കെതിരെയുള്ള കേസ്. ക്രൈംബ്രഞ്ചാണ് കേസ് മൂവർക്കെതിരെയും കേസെടുത്തത്.
