വിജയുടെ ഫ്ളക്സില് പാലഭിഷേകം നടത്തുന്നതിനിടെ ആരാധകന് വീണുമരിച്ചു
പാലക്കാട്: വിജയ് നായകനായ കത്തിയുടെ റിലീസ് ദിനത്തില് ആരാധകന് ദാരുണ അന്ത്യം. ചിത്രത്തിന്റെ ഫ്ളക്സ് ബോര്ഡില് പാലഭിഷേകം നടക്കാന് മുകളില് കയറിയ യുവാവാണ് താഴെ വീണ് മരിച്ചത്.
വടക്കാഞ്ചേരി സ്വദേശിയായ ഉണ്ണി (24) ആണ് ഫ്ളക്സ് ബോര്ഡില് പാലഭിഷേകം നടത്താന് ശ്രമിയ്ക്കുന്നതിനിടെ വീണ് മരിച്ചത്. വിജയുടെ കത്തി കണ്ടിറങ്ങിയ ശേഷമാണ് ഫ്ളക്സ് ബോര്ഡില് പാലഭിഷേകം നടത്താന് ഉണ്ണി ശ്രമിച്ചത്.
വിവാദങ്ങള്ക്കൊടുവിലാണ് കത്തി പുറത്തിറങ്ങിയത്. ചിത്രത്തിന്റെ നിര്മ്മാതാക്കള്ക്കുള്ള ശ്രീലങ്കന് ബന്ധം തമിഴ്നാട്ടില് കത്തിയുടെ റിലീസിനെ അനിശ്ചിതത്വത്തിലാക്കിയിരുന്നു.
തുടര്ന്ന് നിര്മ്മാണ കമ്പനിയുടെ പേരില്ലാതെയാണ് ചിത്രം തമിഴ്നാട്ടില് റിലീസ് ചെയ്തത്.
എന്നാല് കേരളത്തില് നിര്മ്മാതാക്കളുടെ പേര് ഉള്പ്പടെയാണ് ചിത്രം റിലീസ് ചെയ്തത്. വിജയ് ആരാധകരെ നിരാശപ്പെടുത്താത്ത ചിത്രമാണ് കത്തിയെന്നാണ് ആദ്യ റിപ്പോര്ട്ടുകള്.
എ ആര് മുരുഗദോസ് സംവിധാനം ചെയ്ത ചിത്രത്തില് സമാന്തയാണ് വിജയുടെ നായിക.