• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

അയ്യോ സാറേ തൃശൂർ എടുക്കല്ലേ സാറേ.. സുരേഷ് ഗോപിയെ ട്രോളുന്ന ഫോൺ സംഭാഷണം വൈറൽ!

cmsvideo
    തൃശൂർ മുഴുവൻ കൊണ്ടുപോകല്ലേ അച്ഛനെ അടക്കിയ മണ്ണ് തരണേ

    തൃശൂര്‍: സംസ്ഥാനത്തെ ലോക്‌സഭാ തിരഞ്ഞെടുപ്പ് പ്രചാരണ സമയത്ത് സോഷ്യല്‍ മീഡിയയില്‍ ട്രോളന്മാര്‍ക്ക് ചാകരയൊരുക്കിയ സ്ഥാനാര്‍ത്ഥികളിലൊരാള്‍ തൃശൂരിലെ എന്‍ഡിഎ സ്ഥാനാര്‍ത്ഥി സുരേഷ് ഗോപിയായിരുന്നു. തൃശൂര്‍ ഞാനിങ്ങെടുക്കുവാ എന്നുളള സുരേഷ് ഗോപിയുടെ പ്രസംഗത്തെ ട്രോളന്മാര്‍ കൊന്ന് കൊല വിളിക്കുകയുണ്ടായി.

    സുരേഷ് ഗോപി എടുത്ത് കൊണ്ട് പോയ തൃശൂരിനെ ഓര്‍ത്ത് നിലവിളിക്കുന്ന യുവാവിന്റെ വീഡിയോയും അതിനിടെ വൈറലായിരുന്നു. ഏറ്റവും ഒടുവിലായി സുരേഷ് ഗോപിയുടെ ശബ്ദത്തില്‍ ഒരു ഓഡിയോ പ്രചരിക്കുകയാണ്. വിഷയം കാണാതെ പോയ തൃശൂര്‍ തന്നെ.

    വൈറലായി ഫോൺ കോൾ

    വൈറലായി ഫോൺ കോൾ

    തൃശൂര്‍ എടുത്ത് കൊണ്ട് പോയതില്‍ സുരേഷ് ഗോപിയോട് ഒരാള്‍ പരാതിപ്പെടുന്ന രൂപത്തിലുളള ഫോണ്‍ സംഭാഷണമാണ് സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്നത്. ഈ ഫോണ്‍ സംഭാഷണത്തെ ശബ്ദം സുരേഷ് ഗോപിയുടേതിന് സമാനമാണ്. എന്നാലത് സുരേഷ് ഗോപി തന്നെയാണോ എന്നത് വ്യക്തമല്ല.

    തൃശൂർ സാറെടുത്തോ

    തൃശൂർ സാറെടുത്തോ

    രസകരമായ ആ സംഭാഷണം ഇങ്ങനെയാണ്. സുരേഷ് ഗോപി സാറല്ലേ എന്ന ചോദ്യത്തോടെയാണ് ഫോണ്‍വിളിയുടെ തുടക്കം. സുരേഷ് ഗോപി മത്സരിച്ച തൃശൂരിലെ പേരമ്പ്ര എന്ന സ്ഥലത്ത് നിന്നാണ് വിളിക്കുന്നതെന്ന് ആള്‍ പറയുന്നു. തൃശൂര് സാര്‍ എടുത്തു എന്നാണ് എല്ലാവരും പറയുന്നത്.

    അച്ഛനെ അടക്കിയ സ്ഥലം

    അച്ഛനെ അടക്കിയ സ്ഥലം

    അതിനിടെ ആരാണ് വിളിക്കുന്നത് പേരെന്താണ് എന്ന് സുരേഷ് ഗോപിയുടെ ശബ്ദത്തിലുളള ആള്‍ ചോദിക്കുന്നു. ആനന്ദ് എന്ന് മറുവശത്തുളള വ്യക്തി പ്രതികരിക്കുന്നു. തന്റെ അച്ഛനെ അടക്കിയിരിക്കുന്ന പേരാമ്പ്രയിലാണ്. അമല ഹോസ്പിറ്റലിന് അടുത്തുളള സ്ഥലമാണത്.

    കളിയാക്കാന്‍ വിളിക്കുകയാണോ

    കളിയാക്കാന്‍ വിളിക്കുകയാണോ

    നിങ്ങളെന്നെ കളിയാക്കാന്‍ വിളിക്കുകയാണോ എന്ന് മറുവശത്ത് നിന്നും ചോദ്യമുണ്ട്. അല്ലെന്നും താന്‍ 25 വര്‍ഷമായി അച്ഛനെ അടക്കിയ സ്ഥലത്ത് പോയി മെഴുകുതിരി കത്തിക്കുന്നുണ്ടെന്ന് ആനന്ദ് മറുപടി കൊടുക്കുന്നു. അടുത്ത രണ്ട് മാസം കഴിഞ്ഞ് ചെല്ലുമ്പോ അവിടെ തൃശൂര്‍ ഉണ്ടാകത്തില്ല.

    തൃശൂര്‍ എനിക്ക് വേണം

    തൃശൂര്‍ എനിക്ക് വേണം

    സര്‍ തൃശൂര്‍ എടുക്കുകയാണ് എന്നൊക്കെയാണല്ലോ പറയുന്നത്. തൃശൂര്‍ എനിക്ക് വേണം എന്നാണ് സുരേഷ് ഗോപിയുടെ ശബ്ദം മറുപടി നല്‍കുന്നു. പേരാമ്പ്രയിലെ ആറടി മണ്ണ് മാത്രം വിട്ട് ബാക്കിയെല്ലാം സാറേടുത്തോ എന്നാണ് ആനന്ദ് എന്നയാളുടെ മറുപടി. തൃശൂര്‍ എന്നത് പേരാമ്പ്ര കൂടി ചേര്‍ന്നിട്ടുളളതായത് കൊണ്ട് താനത് എടുത്തു എന്നാണ് സുരേഷ് ഗോപിയുടെ മറുപടി.

    അയ്യോ സാറേ എടുക്കല്ലേ സാറേ..

    അയ്യോ സാറേ എടുക്കല്ലേ സാറേ..

    അയ്യോ സാറേ എടുക്കല്ലേ സാറേ.. ബാക്കിയെല്ലാം എടുത്തോ സാറേ.. ആ ആറടി മണ്ണ് മാത്രം ബാക്കി വെച്ചോ എന്നും ആനന്ദന്‍ പറയുന്നു. അതൊന്നും പറ്റില്ലെന്നും തനിക്ക് തൃശൂര്‍ വേണമെന്നും ഞാനതിങ്ങ് എടുക്കുവാ എന്നും താനല്‍പ്പം തിരക്കിലാണ് എന്നും പറഞ്ഞാണ് ഫോണ്‍ സംഭാഷണം അവസാനിക്കുന്നത്. ഇത് സോഷ്യല്‍ മീഡിയ വൈറലാക്കിയിരിക്കുകയാണ്.

    വൈറലായ ട്രോൾ വീഡിയോ

    വൈറലായ ട്രോൾ വീഡിയോ

    സുരേഷ് ഗോപിയെ ട്രോളി നേരത്തെ വീഡിയോയും പുറത്ത് വന്നിരുന്നു. ഈ വീഡിയോയില്‍ തൃശൂര്‍ കാണാനില്ലെന്നും കണ്ട് പിടിച്ച് തരണം എന്നും ആവശ്യപ്പെട്ട് കൊണ്ട് യുവാവ് പൊട്ടിക്കരയുകയാണ്. ഇയാളുടെ വാക്കുകള്‍ ഇങ്ങനെയാണ്: ആര്‍ക്കെങ്കിലും അറിയുമെങ്കില്‍ ഒന്ന് പറഞ്ഞ് തരണം. ഇപ്പോ ഞാന്‍ അറിഞ്ഞതാണ്. ഞാന്‍ അത്യാവശ്യമായിട്ട് തൃശൂര്‍ വരെ ഒന്ന് പോകാനിരിക്കുകയായിരുന്നു. അപ്പോഴാണ് പറയുന്നത് തൃശൂര്‍ സുരേഷ് ഗോപി കൊണ്ട് പോയെന്ന്.

    കേരളത്തിന് പുറത്താണോ

    കേരളത്തിന് പുറത്താണോ

    തൃശൂര്‍ സുരേഷ് ഗോപി എടുത്തെന്നാണ് ഞാന്‍ അറിയുന്നത്. എങ്ങോട്ടാണ് കൊണ്ട് പോയത് എന്നെനിക്ക് അറിയില്ല. കേരളത്തില്‍ തന്നെയാണോ അതോ കേരളത്തിന് പുറത്താണോ അതോ ഇന്ത്യയില്‍ തന്നെ ഉണ്ടോ എന്നെനിക്ക് അറിയില്ല. നിങ്ങളാരെങ്കിലും തൃശൂര്‍ എവിടാണ് എന്ന് ഒന്നറിയിക്കണം പ്ലീസ്..

    ഈ തൃശൂര്‍ ഞാനിങ്ങ് എടുക്കുവാ

    ഈ തൃശൂര്‍ ഞാനിങ്ങ് എടുക്കുവാ

    ഈ വീഡിയോയ്ക്ക് സോഷ്യല്‍ മീഡിയയില്‍ വലിയ സ്വീകാര്യതയാണ് ലഭിച്ചത്. തൃശൂര്‍ എനിക്ക് വേണം, നിങ്ങളെനിക്ക് ഈ തൃശൂര്‍ തരണം, ഈ തൃശൂര്‍ ഞാനിങ്ങ് എടുക്കുവാ, എനിക്ക് വേണം ഈ തൃശൂര്‍ എന്നായിരുന്നു സുരേഷ് ഗോപിയുടെ വൈറൽ പ്രസംഗത്തിലെ വാക്കുകൾ. തനിക്ക് നെറ്റിപ്പട്ടം ചാര്‍ത്തി തന്നാല്‍ ഗുരുവായൂര്‍ കേശവനായി, തെച്ചിക്കോട്ട് രാമചന്ദ്രനായി പാര്‍ലമെന്റിലുണ്ടാകും എന്നും സുരേഷ് ഗോപി പ്രസംഗിക്കുകയുണ്ടായി.

    ബിജെപി ഒളിച്ച് വെച്ചിരിക്കുന്ന ആയുധങ്ങൾ, 23ന് ശേഷം വൻ ട്വിസ്റ്റ്! മായാവതിയേയും ജഗനേയും നോട്ടം

    ബിജെപിയെ ഞെട്ടിച്ച് അരുൺ ജെയ്റ്റ്ലി, ഈ തിരഞ്ഞെടുപ്പിൽ 2014 ആവർത്തിക്കില്ലെന്ന് കേന്ദ്രമന്ത്രി

    English summary
    Phone Call trolling Suresh Gopi goes Viral in Social Media

    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more