വിഴിഞ്ഞം തുറമുഖത്തിന്റെ രണ്ടാംഘട്ടത്തിന് തുടക്കം; ലോജിസ്റ്റിക്സില് കേരളം പ്രധാന ശക്തി
തിരുവനന്തപുരം: വിഴിഞ്ഞം പദ്ധതിയുടെ രണ്ടാംഘട്ട വികസനപ്രവര്ത്തങ്ങള്ക്ക് തുടക്കം. നിര്മ്മാണ പ്രവര്ത്തനങ്ങളുടെ ഉദ്ഘാടനം മുഖ്യമന്ത്രി പിണറായി വിജയന് നിര്വഹിച്ചു. ചരക്കു നീക്കത്തിനായി നാം മറ്റുള്ളവരെ ആശ്രയിച്ചിരുന്ന കാലം അവസാനിച്ചിരിക്കുന്നു എന്ന മുഖ്യമന്ത്രി പറഞ്ഞു. ഇന്ത്യയുടെ ലോജിസ്റ്റിക് മേഖലയില് കേരളം ഇന്ന് ഒരു പ്രധാന ശക്തിയായി മാറുകയാണെന്നും അദ്ദേഹം വ്യക്തമാക്കി.
പ്രതിവര്ഷം 10 ലക്ഷം ടിയുഇ ആയിരുന്നു ആദ്യഘട്ടത്തില് വിഴിഞ്ഞത്തിന്റെ ശേഷി. എന്നാല് വെറും 10 മാസം കൊണ്ട് നമ്മള് ഈ ലക്ഷ്യം മറികടന്നു. ആദ്യ വര്ഷം തന്നെ 615 കപ്പലുകളും 1.32 ദശലക്ഷം കണ്ടെയ്നറുകളും വിഴിഞ്ഞം കൈകാര്യം ചെയ്തു. ലോകത്തിലെ ഏറ്റവും വലുതും ഏറ്റവും ഡ്രാഫ്റ്റ് കൂടിയതുമായ കപ്പലുകള് വിഴിഞ്ഞത്ത് നങ്കൂരമിട്ടു. അതുവഴി ഈ തുറമുഖത്തിന്റെ കരുത്ത് ലോകം തിരിച്ചറിഞ്ഞു.
പ്രതിമാസം 50 ലേറെ കപ്പലുകള് ഈ തുറമുഖത്ത് വന്നുപോകുന്നു. ചുരുങ്ങിയ സമയംകൊണ്ട് 1,000 കപ്പലുകള് എന്ന നേട്ടം നമ്മുടെ കയ്യെത്തും ദൂരത്തുണ്ട്. വിഴിഞ്ഞത്തിന് മുന്പു പ്രവര്ത്തനം തുടങ്ങിയ പല തുറമുഖങ്ങളെയും പിന്നിലാക്കിയാണ് വിഴിഞ്ഞത്തിന്റെ ഈ കുതിപ്പ്. നമ്മുടെ നാടിനാകെ അഭിമാനകരമായ കാര്യമാണിത്.
ഇന്ത്യയില് ആദ്യമായി വനിതകളെ ഓട്ടോമേറ്റഡ് ക്രെയിന് ഓപ്പറേറ്റര്മാരായി നിയമിച്ചതിന്റെ ഖ്യാതിയും വിഴിഞ്ഞത്തിനാണ്. വിഴിഞ്ഞം സ്വദേശികളായ സ്ത്രീകളെ കണ്ടെത്തി പരിശീലിപ്പിച്ചാണ് മാതൃകാപരമായ ഈ നേട്ടം കൈവരിച്ചത്. വിഴിഞ്ഞം തുറമുഖത്തെ ഇമിഗ്രേഷന് ചെക്ക്പോസ്റ്റായി കേന്ദ്ര സര്ക്കാര് അംഗീകരിച്ചിട്ടുണ്ട്. ആഡംബര ക്രൂയിസ് കപ്പലുകള്ക്കും ഇനിമുതല് വിഴിഞ്ഞത്ത് എത്തിച്ചേരുവാന് സാധിക്കും. ഇത് ടൂറിസം മേഖലയ്ക്ക് നല്കുന്ന ഉത്തേജനം ചെറുതല്ല.
നിലവിലെ 800 മീറ്റര് കണ്ടെയ്നര് ബെര്ത്ത് 2,000 മീറ്റര് ആയി വികസിപ്പിക്കുകയാണ്. ഇത് പൂര്ത്തിയാകുന്നതോടു കൂടി രാജ്യത്തെ ഏറ്റവും നീളം കൂടിയ കണ്ടെയ്നര് ബെര്ത്ത് എന്ന നേട്ടവും വിഴിഞ്ഞം തുറമുഖം സ്വന്തമാക്കും. അതേപോലെ, നിലവിലുള്ള 2.96 കിലോമീറ്റര് പുലിമുട്ട് 3.88 കിലോമീറ്റര് ആയും വര്ദ്ധിപ്പിക്കും. രണ്ടാംഘട്ട വികസന പ്രവര്ത്തനങ്ങള്ക്കായി ഭൂമിയൊന്നും ഏറ്റെടുക്കേണ്ടി വരുന്നില്ല. പകരം കടല് നികത്തിയാണ് ആവശ്യമായ ഭൂമി കണ്ടെത്തുന്നത്.
നിലവിലുള്ളവയ്ക്കു പുറമെ 12 പുതിയ ഷിപ്പ് ടു ഷോര് ക്രെയിനുകള്, 27 പുതിയ യാര്ഡ് ക്രെയിനുകള് എന്നിവ സ്ഥാപിക്കും. തുടര്ഘട്ടങ്ങള് കൂടി പൂര്ത്തിയാകുന്നതോടെ, 28,840 ടിഇയുവരെ ശേഷിയുള്ള നെക്സ്റ്റ് ജെന് കണ്ടെയ്നര് കപ്പലുകളെയും കൈകാര്യം ചെയ്യാന് ഈ തുറമുഖം സജ്ജമാകും. മറ്റൊരു പ്രധാന കാര്യം, ഒരേസമയം 5 മദര്ഷിപ്പുകള് വരെ കൈകാര്യം ചെയ്യാന് പാകത്തില് തുറമുഖം വികസിക്കും എന്നതാണ്.
ഇന്ന് ആരംഭിക്കുന്ന രണ്ടാംഘട്ട വികസനം സമയബന്ധിതമായി തന്നെ പൂര്ത്തീകരിക്കും. 2028 ല് തന്നെ മൂന്ന് ഘട്ടങ്ങളും സംയോജിപ്പിച്ച് വിഴിഞ്ഞത്തിന്റെ തുടര്വികസനം പൂര്ത്തിയാക്കും. 2035 മുതല് സംസ്ഥാന സര്ക്കാരിന് വരുമാന വിഹിതം ലഭിച്ചു തുടങ്ങും. വിഴിഞ്ഞത്ത് ഇതുവരെ ട്രാന്ഷിപ്മെന്റ് മാത്രമാണ് നടത്തിവന്നിരുന്നത്. ഇപ്പോള് റോഡു വഴിയുള്ള ചരക്കുനീക്കത്തിന് നമ്മള് തയാറായിക്കഴിഞ്ഞു എന്നും മുഖ്യമന്ത്രി പറഞ്ഞു.
-
100 വയസ്സ് കഴിഞ്ഞ 1,555 വോട്ടര്മാര്; വീട്ടിലിരുന്നും വോട്ട് ചെയ്യാം -
ആർക്കും തെരഞ്ഞെടുപ്പ് നിരീക്ഷകനാകാം, 100 മിനിറ്റിനുള്ളിൽ നടപടി ഉറപ്പാക്കി ‘സി-വിജിൽ’ -
പ്രചാരണ ചൂടേറി; തൃശൂരിൽ മോദിയുടെ മെഗാ റോഡ് ഷോ, മലപ്പുറം ഇളക്കിമറിക്കാൻ പിണറായി! -
സ്വര്ണം വന്തോതില് ഒഴുകും; അമേരിക്ക ഇളവ് പ്രഖ്യാപിച്ചു, യുഎഇ, തുര്ക്കി എന്നിവര്ക്ക് നേട്ടം -
ഈ രാശിക്കാരാണോ? രണ്ടാഴ്ചയ്ക്കുള്ളില് അളവറ്റ ധനം കൈയിലെത്തും, ഇനി സൗഭാഗ്യനാളുകള് -
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..! -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്?
Click it and Unblock the Notifications
Sign in with Google