കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വെള്ളാപ്പള്ളിക്കൊപ്പമോ? രാജന്‍ ബാബുവിനെതിരെ വിഎം സുധീരന്‍

  • By Anwar Sadath
Google Oneindia Malayalam News

തിരുവനന്തപുരം: ജെഎസ്എസ്സും യുഡിഎഫും തമ്മിലുള്ള രാഷ്ട്രീയ അകലം വര്‍ധിക്കുന്നു. യുഡിഎഫിനൊപ്പം നില്‍ക്കുകയും വെള്ളാപ്പള്ളി നടേശന്റെ സഹായിയി നടക്കുകയും ചെയ്യുന്ന ജെഎസ്എസ് അദ്ധ്യക്ഷന്‍ രാജന്‍ബാബുവിനെതിരെ യുഡിഎഫില്‍ അമര്‍ഷം പുകഞ്ഞുതുടങ്ങി. നേരത്തെതന്നെ രാജന്‍ബാബുവിന്റെ നിലപാടില്‍ വിരുദ്ധാഭിപ്രായമുണ്ടായെങ്കിലും തിങ്കളാഴ്ച വെള്ളാപ്പള്ളിക്കൊപ്പം പോലീസ് സ്‌റ്റേഷനിലെത്തിയതോടെ അത് പുര്‍ണമായി.

എസ്എന്‍ഡിപിക്കൊപ്പം സഹകരിച്ചിരുന്നയാളാണ് രാജന്‍ ബാബു. എസ്എന്‍ഡിപി രാഷ്ട്രീയ പാര്‍ട്ടി രൂപീകരിച്ചതോടെ രാജന്‍ ബാബുവിന്റെ വെള്ളാപ്പള്ളി ബന്ധം തുടരുന്നതാണ് യുഡിഎഫിലെ അമര്‍ഷത്തിന് കാരണമായത്. വെള്ളാപ്പള്ളിയുടെ പാര്‍ട്ടിയുടെ ഭരണഘടന തയ്യാറാക്കുന്നത് എ.എന്‍ രാജന്‍ബാബുവാണെന്നും റിപ്പോര്‍ട്ടുണ്ട്.

vm-sudheeran

രാജന്‍ ബാബു വെള്ളാപ്പള്ളിക്കൊപ്പം പോലീസ് സ്‌റ്റേഷനില്‍ ഹാജരായതിനെ യൂത്ത് കോണ്‍ഗ്രസ് വിമര്‍ശിച്ചതിന് പിന്നാലെ സുധീരനും രംഗത്തെത്തിയത്. രാജന്‍ ബാബു എവിടെയാണ് നില്‍ക്കുന്നതെന്ന് വ്യക്തമാക്കണമെന്ന് സുധീരന്‍ ആവശ്യപ്പെട്ടു. യുഡിഎഫില്‍ എവിടെയാണ് തങ്ങളുടെ സ്ഥാനം വ്യക്തമാക്കണമെന്ന് ജെഎസ്എസ് അദ്ധ്യക്ഷന്‍ രാജന്‍ബാബുവും കെ.വി ഷാജുവും കഴിഞ്ഞ യുഡിഎഫ് യോഗത്തില്‍ ആവശ്യപ്പെട്ടതിന് മറുപടിയെന്നോണമാണ് സുധീരന്റെ പരാമര്‍ശം.

രാജന്‍ ബാബുവിനെ യുഡിഎഫില്‍ നിന്നും പുറത്താക്കണമെന്നാണ് യൂത്ത് കോണ്‍ഗ്രസിന്റെ ആവശ്യം. യുഡിഎഫിന്റെ ചിലവില്‍ വെള്ളാപ്പള്ളിയെ രക്ഷപ്പെടുത്താന്‍ രാജന്‍ ബാബു ശ്രമിക്കേണ്ടെന്ന് യൂത്ത്‌കോണ്‍ഗ്രസ് അധ്യക്ഷന്‍ ഡീന്‍ കുര്യാക്കോസ് പറഞ്ഞു.

English summary
VM Sudheeran against JSS leader Rajan Babu
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X