Click it and Unblock the Notifications
Just In
Don't Miss
-
ബിഗ് ബോസിന്റെ ടാസ്ക് ചെയ്യാന് അനുവദിക്കില്ലെന്ന് പറഞ്ഞ് പൂട്ടിയിട്ടത് മോശമായി! പവര് ടീമിനെതിരെ വിമര്ശനം -
10,000 ശതമാനം ലാഭം നൽകിയ ഓഹരി, 1 ലക്ഷം രൂപ ഇന്ന് 1 കോടിയാണ്, മുന്നേറ്റം തുടരും, കൂടെക്കൂട്ടുന്നോ -
ഏതെങ്കിലും 'വേദനിക്കുന്ന' കോടീശ്വരൻ്റേതാവാനാണ് സാധ്യത! കോടികൾ വിലയുളള ബെൻ്റലി ഉപേക്ഷിക്കപ്പെട്ട നിലയിൽ -
രാത്രിയിലെ ഇടക്കിടെയുള്ള മൂത്രമൊഴിക്കല് ഒട്ടും നിസ്സാരമാക്കല്ലേ: ഗുരുതരാവസ്ഥ ശ്രദ്ധിക്കണം -
IPL 2024: ദൂബെ ലോകകപ്പ് കളിക്കും, ഗുണം ചെയ്ത് ആ തന്ത്രം; ചെന്നൈ താരത്തെ പുകഴ്ത്തി ഡിവില്യേഴ്സ് -
ഇപ്പോഴത്തെ പിള്ളേരുടെ ട്രെൻഡിന് ബെസ്റ്റാ! ഉത്സവപ്പറമ്പിലെ 'കളിപ്പാട്ടം' പോലെ ബോറിങ് ഫോൺ ദേ എത്തി -
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ
'ഈ പ്രായത്തിലും എനിക്ക് ആത്മവിശ്വാസമുണ്ട്'; ദുരന്തങ്ങളെ അതിജീവിച്ചവരാണ് നമ്മളെന്ന് വിഎസ്
തിരുവനന്തപുരം: ദുരന്തങ്ങളെ അതിജീവിച്ച നമ്മള്‍ കൊവിഡിനേയും അതിജീവിക്കുമെന്ന് മുന്‍ മുഖ്യമന്ത്രിയും ഭരണപരിഷ്‌ക്കാര കമ്മീഷന്‍ ചെയര്‍മാനുമായ വിഎസ് അച്യുതാനന്ദന്‍. അനാരോഗ്യം കാരണം പൊതുരംഗത്ത് നിന്ന് വിട്ട് നില്‍ക്കുകയായിരുന്ന വിഎസ് അടുത്തിടെയാണ് സോഷ്യല്‍ മീഡിയയിലേക്ക് തിരികെ എത്തിയത്. തൊട്ട് പിറകെ കൊവിഡ് വ്യാപനത്തിന് എതിരെ എല്ലാവരും ജാഗ്രത പാലിക്കണമെന്ന് വിഎസ് ഫേസ്ബുക്കിലൂടെ ആവശ്യപ്പെട്ടിരുന്നു.
വിഎസിന്റെ പുതിയ ഫേസ്ബുക്ക് കുറിപ്പിങ്ങനെ: ''കൊറോണ വൈറസ് ദേശാതിര്‍ത്തികള്‍ ലംഘിച്ച് പടരുകയാണ്. തല്‍ക്കാലം വൈറസില്‍ നിന്ന് ഒളിച്ചോടുകയല്ലാതെ മാര്‍ഗമില്ല. വ്യക്തിശുചിത്വം കര്‍ശനമായി പാലിച്ചും, സാമൂഹ്യ ഉത്തരവാദിത്വം സ്വയം ഏറ്റെടുത്തും, വൈറസ് കടന്നുവരാവുന്ന വാതിലുകള്‍ അടച്ചുപൂട്ടുകയല്ലാതെ വേറെ മാര്‍ഗങ്ങളില്ല. സ്വയം നിര്‍മ്മിച്ച തടവറകളില്‍ കഴിയേണ്ടി വരുന്നത് ദുഃസഹമാണെന്നറിയാം. പക്ഷെ, വേറെ നിവൃത്തിയില്ല.
പേടിയല്ല, ആത്മവിശ്വാസവും ശാസ്ത്ര വിശ്വാസവുമാണ് കൈവിടാതിരിക്കേണ്ടത്. രോഗാവസ്ഥയിലാണെങ്കില്‍ പോലും, ഈ പ്രായത്തിലും എനിക്ക് ആത്മവിശ്വാസമുണ്ട്. ദുരന്തങ്ങളെ അതിജീവിച്ചവരാണ് നമ്മള്‍. കോവിഡിനെയും നാം അതിജീവിക്കും. പക്ഷെ, നിങ്ങള്‍ ഒപ്പമുണ്ടാവണമെന്ന് മാത്രം''.
നെഞ്ചിലെ കഫക്കെട്ട് അടക്കമുളള ആരോഗ്യ പ്രശ്‌നങ്ങള്‍ കാരണം വിഎസ് ആശുപത്രിയില്‍ ചികിത്സയില്‍ ആയിരുന്നു. പൊതുപരിപാടികളില്‍ പങ്കെടുക്കുന്നതും സന്ദര്‍ശകരെ കാണുന്നതും ഉള്‍പ്പെടെ ഡോക്ടര്‍മാര്‍ വിലക്കിയിരുന്നു. നവംബര്‍ മുതല്‍ വിഎസ് വീട്ടില്‍ വിശ്രമത്തിലായിരുന്നു. മാര്‍ച്ച് പകുതിയോടെയാണ് വിഎസ് സോഷ്യല്‍ മീഡിയയിലേക്ക് തിരിച്ചെത്തിയത്. അനാരോഗ്യം കാരണം വിഎസിന് നിയമസഭയില്‍ നിന്നും അവധി അനുവദിച്ചിരുന്നു.
അതിനിടെ സംസ്ഥാനത്ത് ഇന്ന് 9 പേർക്ക് കൂടി കൊവിഡ് 19 ബാധ സ്ഥിരീകരിച്ചു. ഇന്ന് രോഗം സ്ഥിരീകരിച്ചവരിൽ 2 പേർ പാലക്കാടുകാരും 3 പേർ എറണാകുളകാരും 2 പേർ പത്തനംതിട്ടക്കാരുമാണ്. കോഴിക്കോടും ഇടുക്കിയിലും ഓരോ കേസുകൾ കൂടി സ്ഥിരീകരിച്ചിട്ടുണ്ട്. ഇന്ന് രോഗം സ്ഥിരീകരിച്ചവരിൽ നാല് പേർ ദുബായിൽ നിന്ന് വന്നവരാണ്. ഒരാൾ യുകെയിൽ നിന്നും ഒരാൾ ഫ്രാൻസിൽ നിന്നും വന്നവരാണ്. മൂന്ന് പേർക്ക് രോഗം പകർന്നത് സമ്പർക്കത്തിലൂടെയാണെന്നും മുഖ്യമന്ത്രി പറഞ്ഞു. ഇന്ന് മാത്രം 122 പേരെയാണ് ആശുപത്രിയില്‍ പ്രവേശിപ്പിച്ചിരിക്കുന്നത്.
