Click it and Unblock the Notifications
Just In
Don't Miss
-
ആ പ്രണയം തകർന്നത് നന്നായി, പ്രസന്നയെ പോലൊരു ഭർത്താവിനെ കിട്ടി; ആ വർഷം കഠിനമായിരുന്നെന്നും സ്നേഹ -
IPL 2024: 36 ബോളില് വേണ്ടത് 96! നാലു വിക്കറ്റ് മാത്രം, 'തോറ്റ' കളി റോയല്സ് ജയിച്ചതെങ്ങനെ? നോക്കാം -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
വി എസ് അച്യുതാനന്ദന്റെ ആരോഗ്യനിലയില്‍ പുരോഗതി
തിരുവനന്തപുരം: കൊവിഡ് ബാധിതനായി ചികിത്സയില്‍ കഴിയുന്ന മുന്‍ മുഖ്യമന്ത്രി വി എസ് അച്യുതാനന്ദന്റെ ആരോഗ്യനിലയില്‍ പുരോഗതിയുണ്ടെന്ന് മകന്‍ വി എ അരുണ്‍കുമാര്‍. ഫേസ്ബുക്ക് പോസ്റ്റിലൂടെയാണ് അരുണ്‍ ഇക്കാര്യം അറിയിച്ചത്. അതേസമയം വി എസ് അച്യുതാനന്ദന്റെ ഭാര്യ വസുമതിയ്ക്കും കൊവിഡ് പോസിറ്റീവിയിട്ടുണ്ട്.
വി എസ് ആശുപത്രിയില്‍ തന്നെ തുടരുകയാണെന്ന് അരുണ്‍കുമാര്‍ അറിയിച്ചു. അദ്ദേഹത്തിന് മോണോ ക്ലോണല്‍ ആന്റിബോഡി നല്‍കിയിട്ടുണ്ടെന്ന് ഡോക്ടര്‍മാര്‍ കഴിഞ്ഞ ദിവസം അറിയിച്ചിരുന്നു. ചെറിയ പനിയല്ലാതെ മറ്റ് അസ്വസ്ഥതകള്‍ ഒന്നും വി എസിനില്ലെന്ന് ആശുപത്രി അധികൃതര്‍ സൂചിപ്പിച്ചു. തിരുവനന്തപുരത്തെ സ്വകാര്യ ആശുപത്രിയിലാണ് വി എസ് ചികിത്സയിലുള്ളത്.
വാര്‍ധക്യസഹജമായ അസുഖങ്ങളെ തുടര്‍ന്ന് വിശ്രമജീവിതം നയിക്കുന്ന വി എസിനെ പരിചരിക്കാനെത്തുന്ന നഴ്സിന് രണ്ടു ദിവസം മുമ്പ് കൊവിഡ് സ്ഥിരീകരിച്ചിരുന്നു. തുടര്‍ന്ന് നടത്തിയ പരിശോധനയിലാണ് വി എസിനും കോവിഡ് സ്ഥിരീകരിച്ചത്. ഇതോടെ ആരോഗ്യവിദഗ്ധരുടെ നിര്‍ദേശം പാലിച്ചാണ് വി എസിനെ ആശുപത്രിയിലാക്കുകയായിരുന്നു.
കഴിഞ്ഞ വര്‍ഷം ഒക്ടോബറില്‍ ഉദര, വൃക്ക സംബന്ധമായ രോഗങ്ങളും വി എസിനെ അലട്ടിയിരുന്നു. അക്യൂട്ട് ഗ്യാസ്‌ട്രോഎന്റൈറ്റിസ്, ഡിസെലെക്ട്രോലെമിയ എന്നിങ്ങനെയായിരുന്നു അസുഖങ്ങളായി മെഡിക്കല്‍ ബുള്ളറ്റിനില്‍ പറഞ്ഞിരുന്നത്. നിലവില്‍ 98 വയസാണ് വി എസിന് പ്രായം. ശാരീരിക ബുദ്ധിമുട്ടുകള്‍ മൂലം പൊതു പരിപാടികളില്‍ നിന്നും ഏറെ നാളായി വിട്ട് നില്‍ക്കുകയാണ് വി എസ്.
തിരുവനന്തപുരത്ത് മകന്‍ വി എ അരുണ്‍ കുമാറിനൊപ്പം ബാര്‍ട്ടണ്‍ഹിലിലെ വസതിയിലാണ് വി എസ് താമസിക്കുന്നത്. ഇതിനിടെയുണ്ടായ പക്ഷാഘാതം മൂലം നിരവധി ആരോഗ്യ പ്രശ്‌നങ്ങള്‍ വി എസ് ഇപ്പോള്‍ നേരിടുന്നുണ്ട്. കഴിഞ്ഞ എല്‍ ഡി എഫ് സര്‍ക്കാരിന്റെ സമയത്ത് വി എസ് അച്യുതാനന്ദന്‍ ഭരണ പരിഷ്‌ക്കാര കമ്മീഷന്‍ അധ്യക്ഷനായി പ്രവര്‍ത്തിച്ചിരുന്നു. എന്നാല്‍ ആരോഗ്യം അനുവദിക്കാതായതോടെ ജനുവരിയില്‍ ഈ പദവിയില്‍ നിന്നും ഒഴിയുകയായിരുന്നു.
2019 ലാണ് വി എസ് അവസാനമായി ഒരു പൊതു പരിപാടിയില്‍ പങ്കെടുത്തത്. അന്ന് പുന്നപ്ര വയലാര്‍ രക്തസാക്ഷിത്വ ദിനാചരണത്തില്‍ വി എസ് അച്യുതാനന്ദന്‍ പങ്കെടുത്തിരുന്നു. എന്നാല്‍ അതിന് ശേഷം തിരുവനന്തപുരത്ത് മടങ്ങിയെത്തിയ അദ്ദേഹത്തെ ആരോഗ്യ വഷളായതിനെ തുടര്‍ന്ന് ആശുപത്രിയില്‍ പ്രവേശിപ്പിക്കുകയായിരുന്നു. കൊവിഡ് സാഹചര്യത്തില്‍ സന്ദര്‍ശകരെ പിന്നീട് അനുവദിക്കാറുണ്ടായിരുന്നില്ല.
Recommended Video
