കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വെള്ളാപ്പള്ളിക്ക് സുരക്ഷ ഏര്‍പ്പെടുത്തിയത് സ്ത്രീകളെ പേടിച്ചാണെന്ന് വി എസ്

  • By Anwar Sadath
Google Oneindia Malayalam News

തിരുവനന്തപുരം: സിപിഎമ്മിന്റെ നേതൃത്വത്തില്‍ നടത്തിയ നവ കേരള മാര്‍ച്ചില്‍ വെള്ളാപ്പള്ളി നടേശനെയും രാഹുല്‍ ഗാന്ധിയെയും പരിഹസിച്ച് വിഎസ് അച്യുതാനന്ദന്‍. വെള്ളാപ്പള്ളി നടേശന് പാര്‍ട്ടിയുടെ പേരുപോലും കടലാസില്‍ നോക്കി വായിക്കേണ്ട അവസ്ഥയാണെന്ന് വിഎസ് പരിഹസിച്ചു.

രാഹുല്‍ ഗാന്ധി കേരളത്തിലെത്തിയത് സിപിഎമ്മിന്റെ മദ്യനയം ചോദിക്കാനാണെങ്കില്‍ ഇതിനായി വിമാനം വാടകയ്ക്ക് എടുത്തു വരേണ്ടിയിരുന്നില്ല. കോടിയേരി ബാലകൃഷ്ണനോട് വിളിച്ചു ചോദിച്ചാല്‍ മതിയായിരുന്നു. കോണ്‍ഗ്രസിലെ തമ്മിലടി മാറ്റാനും സിപിഎമ്മിന്റെ മദ്യനയം അറിയുവാനും വേണ്ടി മാത്രമായി വിമാനം വാടകയ്‌ക്കെടുത്തതെന്നും വിഎസ് പറഞ്ഞു.

vs

വെള്ളാപ്പള്ളി നടേശന്റെ പാര്‍ട്ടിയുടെ പേരുപോലും ഇറക്കുമതിയാണ്. വെള്ളാപ്പള്ളി സ്വന്തം പാര്‍ട്ടിയുടെ പേരു വായിക്കുന്നത് കടലാസില്‍ നോക്കിയാണ്. വെള്ളാപ്പള്ളിയുടെ മകന്‍ തുഷാര്‍ വെള്ളാപ്പള്ളിയെ പാര്‍ട്ടിയുടെ നേതൃസ്ഥാനത്തുനിന്നും മാറ്റിയത് ദുരൂഹമാണ്. കമ്മീഷന്‍ സ്വത്ത് വിവരം ചോദിച്ചപ്പോഴാണ് തുഷാറിനെ മാറ്റിയതെന്നും വിഎസ് പറയുന്നു.

മൈക്രോഫിനാന്‍സ് തട്ടിപ്പിന്റെ സൂത്രധാരന്‍ തുഷാര്‍ വെള്ളാപ്പള്ളിയാണ്. ലക്ഷക്കണക്കിന് അമ്മമാരേയും സഹോദരിമാരേയും മൈക്രോഫിനാന്‍സിന്റെ പേരില്‍ തട്ടിപ്പിന് ഇരയാക്കിയിരിക്കുകയാണ്. തട്ടിപ്പിന് ഇരയായ സ്ത്രീകള്‍ വീടു വളയുമെന്ന വസ്തുത മനസിലാക്കിയാണ് ഇപ്പോള്‍ പോലീസ് സംരക്ഷണം നല്‍കിയിരിക്കുന്നതെന്നും വിഎസ് പറഞ്ഞു.

English summary
VS Achuthanandan speech at Nava Kerala March
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X