വൻ പടയൊരുക്കം അനിവാര്യം; സംഘപരിവാറിനെതിരെ രൂക്ഷ വിമർശനവുമായി വിഎസ്, ഒരുമിച്ച്നിന്ന് പ്രതിരോധിക്കണം
തിരുവനന്തപുരം: സംഘപരിവാര് ഫാഷിസ്റ്റുകള്ക്കെതിരെ പ്രതിരോധത്തിന്റെ വന് പടയൊരുക്കം തന്നെ അനിവാര്യമായിരിക്കുന്നുവെന്ന് മുതിർന്ന സിപിഎം നേതാവ് വിഎസ് അച്യുതാനന്ദൻ. ഫാസിസ്റ്റുകളുടെ ഈ ഉന്മൂലന പ്രക്രിയയെ ഇന്ത്യയിലെ മുഴുവന് ജനാധിപത്യ വിശ്വാസികളും ഒരുമിച്ചു നിന്നു പ്രതിരോധിക്കേണ്ടതുണ്ട്. ഈ ഉന്മൂലന വ്യവസ്ഥയ്ക്കെതിരെ വിശാലമായ പ്രതിരോധ മുന്നണിയുണ്ടാക്കാന് കഴിയണമെന്നും അദ്ദേഹം പറഞ്ഞു.
മുതിർന്ന മാധ്യമപ്രവർത്തക ഗൗരി ലങ്കേഷിന്റെ കൊലപാതകത്തിനെതിരെ പ്രതികരിക്കുകയായിരുന്നു ഭരണ പരിഷ്കരണ കമ്മീഷന് അധ്യക്ഷന് വിഎസ് അച്യുതാനന്ദന് . ഗൗരി ലങ്കേഷിന്റെ കൊലപാതകത്തിനെതിരെ രാജ്യവ്യാപകമായി പ്രതിഷേധമുയര്ത്തിക്കൊണ്ടുവരാന് ജനാധിപത്യ മതനിരപേക്ഷവാദികള് തയ്യാറാവണമെന്ന് അദ്ദേഹം പറഞ്ഞു.
ഗാന്ധിജിയെ കൊന്ന ഗോഡ്സേയ്ക്ക് മഹത്വം കല്പ്പിക്കുന്നതില് തുടങ്ങി, ഭരണകൂട സംവിധാനങ്ങളെ ഉപയോഗിച്ചും തുടരുന്ന ഫാസിസ്റ്റ് കൊലപാതക പരമ്പരയിലെ ഒടുവിലത്തെ ഇരയാണ് ഗൗരി ലങ്കേഷ് എന്ന് അദ്ദേഹം പറഞ്ഞു. തങ്ങളെ അംഗീകരിക്കാത്തവരെ കൊന്നു കളയുകയെന്നുള്ളതാണ് ഫാസിസം കാലങ്ങളായി ചെയ്തുവരുന്നതെന്നും അദ്ദേഹം വിമർശിച്ചു.
Click it and Unblock the Notifications
Sign in with Google