ലക്ഷ്മി നായരെ വെറുതെ വിടരുത്! കേസെടുക്കണമെന്ന് വിഎസ്...സര്ക്കാര് ഭൂമി തിരിച്ചുപിടിക്കണം...
ലോ അക്കാദമി വിഷയത്തില് കഴിഞ്ഞ ദിവസവും വിഎസ് സര്ക്കാരിനെതിരെ രംഗത്തെത്തിയിരുന്നു.
തിരുവനന്തപുരം: ലോ അക്കാദമി പ്രിന്സിപ്പല് ലക്ഷ്മി നായര്ക്കെതിരെ കേസെടുക്കണമെന്ന് വിഎസ് അച്യുതാനന്ദന്. ലോ അക്കാദമിക്ക് നല്കിയ ഭൂമിയുടെ പാട്ടം റദ്ദാക്കി അത് സര്ക്കാര് തിരിച്ചുപിടിക്കണമെന്നും വിഎസ് ആവശ്യപ്പെട്ടു. ലോ അക്കാദമി വിഷയത്തില് കഴിഞ്ഞ ദിവസവും വിഎസ് സര്ക്കാരിനെതിരെ രംഗത്തെത്തിയിരുന്നു.
ലോ അക്കാദമിയില് സമരം ചെയ്യുന്ന വിദ്യാര്ത്ഥികളുടെ ആവശ്യങ്ങള് ന്യായമാണെന്നും വിഎസ് അഭിപ്രായപ്പെട്ടു. ലക്ഷ്മി നായരെ പുറത്താക്കണമെന്ന കാര്യത്തില് തീരുമാനം സര്ക്കാരിന് വിട്ടത് പിന്നാലയാണ് വിഎസിന്റെ പ്രതികരണം. അക്കാദമിക്ക് മുന്നില് സമരം ചെയ്യുന്ന വിദ്യാര്ത്ഥികളെ വിഎസ് കഴിഞ്ഞ ദിവസം സന്ദര്ശിച്ചിരുന്നു.
ലക്ഷ്മി നായരെ പരീക്ഷാ ചുമതലകളില് നിന്നും വിലക്കാന് കേരള സര്വ്വകലാശാലയുടെ സിന്ഡിക്കേറ്റ് യോഗത്തില് തീരുമാനമെടുത്തിരുന്നു. എന്നാല് പ്രിന്സിപ്പല് സ്ഥാനത്ത് നിന്ന് മാറ്റുന്നത് സംബന്ധിച്ചും, ഭൂമി തിരിച്ചെടുക്കല്, അഫിലിയേഷന് എന്നിവയില് തീരുമാനമെടുക്കുന്നത് സര്ക്കാരിന് വിടാനാണ് സിന്ഡിക്കേറ്റ് യോഗത്തില് ധാരണയായത്.
Click it and Unblock the Notifications
Sign in with Google