ഞാന് 'പാര്ട്ടി വിരുദ്ധന്' ; സമ്മേളനത്തില് പങ്കെടുക്കില്ലെന്ന് വിഎസിന്റെ പത്രക്കുറിപ്പ്
തിരുവനന്തപുരം: ആലപ്പുഴയില് നടക്കുന്ന സിപിഎം സംസ്ഥാന സമ്മേളനത്തിന്റെ സമാപന സമ്മേളനത്തില് പങ്കെടുക്കില്ലെന്ന് വിഎസ് അച്യുതാനന്ദന് വ്യക്തമാക്കി. ഇക്കാര്യം അറിയിച്ച് അദ്ദേഹം പത്രക്കുറിപ്പ് പുറത്തിറക്കി.
തന്നെ പാര്ട്ടി വിരുദ്ധനായി ചിത്രീകരിക്കുന്ന പ്രമേയം നിലനില്ക്കുന്നതിനാല് പാര്ട്ടി സമ്മേളനത്തില് പങ്കെടുക്കുന്നത് ശരിയല്ല എന്ന ബോധ്യം കൊണ്ടാണ് സമ്മേളനത്തില് നിന്ന് വിട്ട് നിന്നത് എന്ന് വിഎസ് വ്യക്തമാക്കുന്നു. ആ സഹചര്യം ഇപ്പോഴും നിലനില്ക്കുന്നുണ്ടെന്നും അദ്ദേഹം പത്രക്കുറിപ്പിലൂടെ അറിയിച്ചു.
വിഎസിന്റെ പത്രക്കുറിപ്പിന്റെ പൂര്ണരൂപം
തിരുവനന്തപുരം,
23-02-2015
പ്രതിപക്ഷ നേതാവ് വിഎസ് അച്യുതാനന്ദന്റെ പത്രക്കുറിപ്പ്.
സി.പി.ഐ.എം സംസ്ഥാന സമ്മേളന പ്രവര്ത്തന റിപ്പോര്ട്ടില് എനിക്കെതിരെ ചേര്ത്തിരു വാസ്തവവിരുദ്ധമായ പരാമര്ശങ്ങളില് ചിലത് ഒഴിവാക്കിയതായി ഞാന് മനസ്സിലാക്കുന്നു. അത്രത്തോളം നല്ലത്. പിബി പരിശോധനക്ക് ശേഷം ബാക്കി ഭാഗങ്ങളും ഒഴിവാക്കപ്പെടുമെന്ന് ഞാാന് ആശിക്കുന്നുു.
അതേ പോലെ ടിപി ചന്ദ്രശേഖരന് വധക്കേസില് കുറ്റക്കാരാണെന്ന് കോടതി കണ്ടെത്തി മൂന്നു പാര്ട്ടി മെമ്പര്മാരെ ജീവപര്യന്തം തടവിന് ശിക്ഷിച്ചു. ഇവര്ക്കെതിരെ നടപടി വേണമെന്നു ഞാന് നിരന്തരം ആവശ്യപ്പെട്ടുകൊണ്ടിരുന്നതാണ്. കേന്ദ്രനേതൃത്വത്തിന്റെ ഇടപെടല് മൂലം ഇതില് ഒരാള്ക്കെതിരെ പാര്ട്ടി നപടിയെടുത്തു. മറ്റ് രണ്ടുപേര്ക്കെതിരെ നടപടിയെടുത്തില്ല എന്നു മാത്രമല്ല, അവരെ പാര്ട്ടി കമ്മിറ്റികളില് നേതാക്കന്മാരായി അവരോധിച്ചിരിക്കുകയുമാണ്. ഇവരെ പാര്ട്ടിയില്നിന്നു പുറത്താക്കുകയും പാര്ട്ടിക്കുണ്ടായ ദുഷ്പ്പേര് ഇല്ലാതാക്കുകയും ചെയ്യണമെും ഞാന് ആവശ്യപ്പെട്ടിട്ടുണ്ട്.
ഞാന് പാര്ട്ടിിവിരുദ്ധനാണ്എന്ന സംസ്ഥാന സെക്രട്ടറിയേറ്റിന്റെ ഒരു പ്രമേയം നിലനില്ക്കുന്നു. ഈ സാഹചര്യത്തില് പാര്ട്ടി സംസ്ഥാന സമ്മേളനത്തില് ഞാന് പങ്കെടുക്കുന്നത് ശരിയല്ല എന്ന ബോദ്ധ്യംകൊണ്ടാണ് ഞാന് സമ്മേളനത്തില്നിന്നു വിട്ടുനിന്നത്. ആ സഹചര്യം ഇപ്പോഴും നിലനില്ക്കുന്നു.
മേല്പ്പറഞ്ഞ കാരണങ്ങളാല് എനിക്ക് ഇന്നത്തെ സമ്മേളനത്തില് പങ്കെടുക്കാന് കഴിയാതെവന്നിരിക്കുകയാണ്. എന്റെ ഈ നിസ്സഹായാവസ്ഥ ഞാന് ജനറല് സെക്രട്ടറിയെ ഇന്നും രേഖാമൂലം അറിയിച്ചിട്ടുണ്ട്.
വി.എസ്. അച്യുതാനന്ദന്
Click it and Unblock the Notifications
Sign in with Google