'ദളിത് പെണ്കുട്ടിക്ക് വാഹനം വാങ്ങി നല്കിയാല് ആർത്തി, ആക്രാന്തം, അഹങ്കാരം'.. വിമര്ശനവുമായി വിടി
പാലക്കാട്: ആലത്തൂര് എംപി രമ്യ ഹരിദാസിന് യൂത്ത് കോണ്ഗ്രസ് പ്രവര്ത്തകര് പിരിവിട്ട് കാര് വാങ്ങുന്നത് വലിയ വിവാദങ്ങള്ക്കും ചര്ച്ചകള്ക്കുമാണ് വഴിവെച്ചിരിക്കുന്നത്. യൂത്ത് കോണ്ഗ്രസ് ആലത്തൂര് പാര്ലമെന്റ് കമ്മിറ്റിയുടെ നേതൃത്വത്തില് പ്രവര്ത്തകരില് നിന്ന് മാത്രം പണം പിരിച്ച് 14 ലക്ഷം രൂപയുടെ കാറ് വാങ്ങി നല്കാനാണ് തിരുമാനം. എന്നാല് നടപടിക്കെതിരെ രാഷ്ട്രീയ എതിരാളികള് ഉള്പ്പെടെ കനത്ത വിമര്ശനമാണ് ഉയര്ത്തിയിരിക്കുന്നത്. സംഭവത്തില് രൂക്ഷ പ്രതികരണവുമായി രംഗത്തെത്തിയിരിക്കുകയാണ് വിടി ബല്റാം എംഎല്എ. ബല്റാമിന്റെ ഫേസ്ബുക്ക് കുറിപ്പ് ഇങ്ങനെ
"ഈ കത്തുമായി വരുന്ന കുട്ടി എന്റെ മകൾ മാലതിയാണ്. അവൾക്ക് രണ്ടു വോയിൽ സാരി കൊടുക്കുക. അൽപ്പം ബുദ്ധിമുട്ടിലാണ്. അടുത്ത മാസത്തെ ശമ്പളത്തിൽ നിന്ന് കടം തീർത്തു കൊള്ളാം" എന്ന് സംസ്ഥാന മുഖ്യമന്ത്രി സ്ഥാനത്തിരുന്ന് ഒരു നമ്പൂതിരിപ്പാട് പറഞ്ഞാൽ അത് ലാളിത്യം, വിനയം, സുതാര്യത, അഴിമതിയില്ലായ്മ.
മുഖ്യമന്ത്രിയുടെ ശമ്പളവും ആനുകൂല്യങ്ങളും ലിസ്റ്റ് നിരത്തി രണ്ട് സാരി വാങ്ങാൻ അദ്ദേഹത്തിന് ഗതിയില്ലേ എന്നാരും ചോദിക്കില്ല. കാരണം ഒന്നാമത് അദ്ദേഹം ബ്രാഹ്മണനാണ്. അതിലുപരി അദ്ദേഹം കമ്മ്യൂണിസ്റ്റ് താത്വികാചാര്യനുമാണ്.
എന്നാൽ, കേരളത്തിലെ ഏറ്റവും ദരിദ്രയായ പാർലമെന്റംഗമായ, നിരവധി കടബാധ്യതകളുള്ള ഒരു ദലിത് പെൺകുട്ടിക്ക് സ്വന്തം സഹപ്രവർത്തകർ പിരിവിട്ട് ഒരു വാഹനം വാങ്ങിക്കൊടുത്താൽ അത് ആർത്തി, ആക്രാന്തം, അഹങ്കാരം, അട്ടയെ പിടിച്ച് മെത്തയിൽക്കിടത്തൽ.
മഹാനായ അംബേദ്കർ "എ ബഞ്ച് ഓഫ് ബ്രാഹ്മിൺ ബോയ്സ്" എന്ന് വിശേഷിപ്പിച്ച കമ്മ്യൂണിസ്റ്റുകാർക്കിടയിൽ പ്രിവിലിജിന്റെ അങ്ങേത്തലക്കലുള്ള സവർണ്ണന്റെ പ്രച്ഛന്ന ദാരിദ്ര്യത്തിനേ ഇന്നും മാർക്കറ്റുള്ളൂ.
വിമതര് തലവേദനയാകില്ല!! മെരുക്കാന് ബിജെപിയുടെ 'പ്ലാന്'.. യെഡ്ഡിയുടെ നീക്കങ്ങള് ഇങ്ങനെ
കോണ്ഗ്രസില് ട്രെന്ഡ് മാറി; പ്രിയങ്കാ ഗാന്ധി അധ്യക്ഷയാകണം; കൂടുതല് പ്രമുഖര് രംഗത്ത്!!
ഫോണില്ല, സഞ്ചാര സ്വാതന്ത്രമില്ല; വിമതര് അസംതൃപ്തര്, അവസരം മുതലെടുക്കാന് നോതാക്കള് മുംബൈയിലേക്ക്