ചൈനയിൽ നിന്ന് ഇറക്കുമതി ചെയ്ത ബക്കറ്റുമായി വിടി ബൽറാം! എകെജിയും സരിതയും ഓർമ്മിപ്പിച്ച് സഖാക്കൾ...
കോടിയേരിയുടെ മകനെതിരായ സാമ്പത്തിക തട്ടിപ്പ് കേസിൽ വിവാദം കത്തിനിൽക്കെയാണ് വിടി ബൽറാമിന്റെ പരിഹാസം കലർന്ന ഫേസ്ബുക്ക് പോസ്റ്റ്.
Recommended Video

തിരുവനന്തപുരം: സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകൻ ബിനോയ് കോടിയേരിക്കെതിരെ ഉയർന്ന സാമ്പത്തിക തട്ടിപ്പ് കേസിൽ കലക്കൻ ട്രോളുമായി വിടി ബൽറാം എംഎൽഎ. 13 കോടി രൂപ തട്ടിയെടുത്ത സംഭവത്തിൽ സിപിഎമ്മിനെ രൂക്ഷമായി വിമർശിക്കുന്നതും പരിഹസിക്കുന്നതുമായ ഫേസ്ബുക്ക് പോസ്റ്റുമായാണ് വിടി ബൽറാം രംഗത്തെത്തിയിരിക്കുന്നത്.
ഒരു വലിയ ബക്കറ്റിന്റെ ചിത്രവും, അതോടൊപ്പം ''ചില അടിയന്തര സാഹചര്യങ്ങളെ നേരിടാൻ വേണ്ടി ചൈനയിൽ നിന്ന് ഇറക്കുമതി ചെയ്ത് പാർട്ടി ഓഫീസിലെത്തിച്ച ബക്കറ്റ്'' എന്ന വാചകവും ചേർത്താണ് വിടി ബൽറാം ഫേസ്ബുക്ക് പോസ്റ്റിട്ടിരിക്കുന്നത്.

വിടി ബൽറാം...
കോടിയേരിയുടെ മകനെതിരായ സാമ്പത്തിക തട്ടിപ്പ് കേസിൽ വിവാദം കത്തിനിൽക്കെയാണ് വിടി ബൽറാമിന്റെ പരിഹാസം കലർന്ന ഫേസ്ബുക്ക് പോസ്റ്റ്. അടുത്തിടെ കോടിയേരി നടത്തിയ ചൈന അനുകൂല പ്രസ്താവനയും, സിപിഎമ്മിന്റെ പതിവു ധനസമാഹരണ രീതിയായ ബക്കറ്റ് പിരിവുമെല്ലാം സംയോജിപ്പിച്ചുള്ള കലക്കൻ ട്രോൾ തന്നെയായിരുന്നു എംഎൽഎ പോസ്റ്റ് ചെയ്ത ചിത്രവും അതിനോടൊപ്പം ചേർത്ത വാചകവും.

അടിയന്തര സാഹചര്യം നേരിടാൻ...
''ചില അടിയന്തര സാഹചര്യങ്ങളെ നേരിടാൻ വേണ്ടി ചൈനയിൽ നിന്ന് ഇറക്കുമതി ചെയ്ത് പാർട്ടി ഓഫീസിലെത്തിച്ച ബക്കറ്റ്'' എന്ന വാചകത്തോടൊപ്പമാണ് ഒരു വലിയ ബക്കറ്റിന്റെ ചിത്രവും വിടി ബൽറാം ഫേസ്ബുക്കിൽ പോസ്റ്റ് ചെയ്തിരിക്കുന്നത്.

ട്രോളുകൾ...
വിടി ബൽറാമിന്റെ പോസ്റ്റിന് താഴെ അദ്ദേഹത്തെ അനുകൂലിച്ചും സിപിഎമ്മിനെ കളിയാക്കിയും നിരവധി കമന്റുകളാണ് പ്രത്യക്ഷപ്പെട്ടത്. മിക്ക കമന്റുകളിലും സിപിഎമ്മിനെ കണക്കിന് കളിയാക്കുന്ന ട്രോളുകളും പ്രത്യക്ഷപ്പെട്ടു.

എകെജി വിവാദം...
അതിനിടെ വിടി ബൽറാമിനെ പഴയ ചില കാര്യങ്ങൾ ഓർമ്മിപ്പിച്ചുള്ള കമന്റുകളും കാണാമായിരുന്നു. എകെജിക്കെതിരായ വിവാദ പരാമർശത്തിൽ വ്യക്തമായ പ്രതികരണം നൽകാതെ മുങ്ങിയ എംഎൽഎ 'പറഞ്ഞിട്ടേ പോകാവൂ' എന്ന കമന്റുകൾ ബക്കറ്റ് പോസ്റ്റിനുമുണ്ടായി.

സരിത നായരും...
അതിനിടെ പാർട്ടിക്കെതിരെ ഒരു ആരോപണമുണ്ടായാൽ അതിനെ പ്രതിരോധിക്കേണ്ടത് സൈബർ സഖാക്കളുടെ കടമയാണല്ലോ. അതിനാൽ കോൺഗ്രസിനെ വേട്ടയാടിയ സരിതയും സോളാർ തട്ടിപ്പുമെല്ലാം കമന്റുകളിൽ നിറഞ്ഞുനിന്നു. എംഎൽഎയുടെ പോസ്റ്റിന് നിലവാരമില്ലെന്നും ചിലർ അഭിപ്രായപ്പെട്ടു.

സാമ്പത്തിക തട്ടിപ്പ്...
കോടിയേരി ബാലകൃഷ്ണന്റെ മകൻ ബിനോയ് കോടിയേരി ദുബായിലെ ടൂറിസം മേഖലയിൽ പ്രവർത്തിക്കുന്ന കമ്പനിയിൽ നിന്ന് രണ്ട് തവണയായി 13 കോടി രൂപ തട്ടിയെടുത്തെന്നാണ് കമ്പനി അധികൃതരുടെ ആരോപണം.

പൊളിറ്റ് ബ്യൂറോയെ
പണം തിരിച്ചടക്കാതെ മുങ്ങിയ ബിനോയ്ക്കെതിരെ കമ്പനി അധികൃതർ പൊളിറ്റ് ബ്യൂറോയെ സമീപിച്ചതോടെയാണ് സംഭവത്തെക്കുറിച്ച് പുറംലോകമറിഞ്ഞത്.

പണം തിരികെ നൽകണം
സംഭവവുമായി ബന്ധപ്പെട്ട് ദുബായിലെ കോടതിയിൽ നടപടികൾ ആരംഭിച്ചുവെന്നാണ് റിപ്പോർട്ട്. ഇതിനിടെയാണ് പണം ലഭിക്കാനുള്ള അവസാനശ്രമവുമായി കമ്പനി അധികൃതർ പൊളിറ്റ് ബ്യൂറോയെ സമീപിച്ചത്. ഒന്നുകിൽ പണം തിരികെ നൽകണം, അല്ലെങ്കിൽ കേസുമായി ബന്ധപ്പെട്ട് കോടതിയിൽ ഹാജരാകണമെന്നുമാണ് കമ്പനിയുടെ ആവശ്യം. പരാതിയിൽ നടപടിയില്ലെങ്കിൽ ഇന്റർപോളിനെ സമീപിക്കുമെന്നും ഇവർ വ്യക്തമാക്കിയിട്ടുണ്ട്.

കേസില്ലെന്ന്...
എന്നാൽ തന്റെ മകനെതിരെ സാമ്പത്തിക തട്ടിപ്പ് കേസില്ലെന്നും, കേസുണ്ടെങ്കിൽ അതിനെ സംബന്ധിച്ച് മകൻ തന്നെ വ്യക്തമാക്കുമെന്നാണ് കോടിയേരി മാധ്യമങ്ങളോട് പറഞ്ഞത്.

ഇടപെടില്ല...
ബിനോയ് കോടിയേരിക്കെതിരായി ഉയർന്നുവന്ന വിവാദം പാർട്ടി പ്രശ്നമല്ല. അതിനാൽ തന്നെ വിഷയത്തിൽ പാർട്ടി ഇടപെടേണ്ടതുമില്ല. എന്തെങ്കിലും നിയമനടപടി ഉണ്ടാകുകയാണെങ്കിൽ അതിനു വിധേയനാകാൻ മകൻ തയ്യാറാണെന്നും, കാര്യങ്ങൾ മനസിലാക്കി വേണം മാധ്യമങ്ങൾ വാർത്ത റിപ്പോർട്ട് ചെയ്യേണ്ടതെന്നും കോടിയേരി കഴിഞ്ഞദിവസം പ്രതികരിച്ചിരുന്നു.
-
'അഡ്രസ് പോലും വ്യാജം; ചെയ്തത് ക്രിമിനല് കുറ്റം' ശ്രീനാദേവി കുഞ്ഞമ്മക്കെതിരേ ആരോപണങ്ങളുമായി ഷഹനാസ് -
നിയമസഭ തിരഞ്ഞെടുപ്പിൽ മത്സരിക്കാനില്ല, ഊഹാപോഹങ്ങൾ പ്രചരിപ്പിക്കരുത്; ഷാഫി പറമ്പിൽ -
സ്വർണ വില കണ്ണ് തള്ളിക്കും വിധം കുതിക്കും; ചൈന തരുന്നത് എട്ടിൻ്റെ പണി..സ്വർണം വാങ്ങിക്കൂട്ടുന്നു -
'ദിലീപിനേയും മഞ്ജുവിനേയും വിളിച്ചുവരുത്തി, കാരണം ആ സംശയം;രണ്ട് പേർക്കും അത് മനസിലായില്ല' -
'മമ്മൂട്ടി 75 വയസായ ആളാണ്, അസുഖം ഉള്ളയാളാണ്, തെറി പറഞ്ഞാൽ യുഡിഎഫ് സീറ്റ് 110 ന് മുകളിലേക്ക്' -
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ?












Click it and Unblock the Notifications