മകനെ സർക്കാർ സ്കൂളിൽ ചേർത്ത് വിടി ബൽറാമിന്റെ വക ഫേസ്ബുക്ക് ലൈവ് പ്രവേശനോത്സവം.. വിടി മരണ മാസാണല്ലോ!!
ജൂണ് മാസം തുടങ്ങിയതോടെ സ്കൂള് പ്രവേശനോത്സവമാണ് എവിടെയും ചർച്ചാവിഷയം. മൂന്നരലക്ഷത്തോളം കുരുന്നുകളാണ് അറിവിന്റെ ആദ്യാക്ഷരം തേടി ഇന്ന് ആദ്യമായി സ്കൂളിലേക്കെത്തുന്നത്. സംസ്ഥാനത്തെ ചെറുതും വലുതുമായ സ്കൂളികളെല്ലാം തുടക്കക്കാരെ മധുരം നൽകി സ്വീകരിക്കുന്ന തിരക്കിലാണ്. സ്കൂൾ പ്രവേശനത്തിന്റെ ഭാഗമായി എല്ലാ സ്കൂളുകളിലും പ്രവേശനോത്സവം നടക്കുന്നുണ്ട്.
സോഷ്യൽ മീഡിയയിൽ തന്റെ നിലപാടുകൾ വ്യക്തമായി അവതരിപ്പിക്കാറുളള വി ടി ബൽറാം എം എൽ എയാണ് സ്കൂൾ പ്രവേശനോത്സവത്തിലും താരമായിരിക്കുന്നത്. അരീക്കാട് സർക്കാർ എൽ പി സ്ക്കൂളിലെ പ്രവേശനോത്സവ പരിപാടി ഉദ്ഘാടനം ചെയ്യുന്നതോടൊപ്പം മകൻ അദ്വൈത് മാനവിനെ ഇതേ സ്കൂളിൽ ചേർത്താണ് ബൽറാം കയടി നേടിയത്. ബൽറാമിന്റെ വീടിന് തൊട്ടടുത്തുള്ള സ്കൂളാണ് അരീക്കാട് സർക്കാർ എൽ പി സ്കൂൾ.
ജനപ്രതിനിധികളും പൊതുപ്രവര്ത്തകരും മക്കളെ പൊതുവിദ്യാലയങ്ങളിൽ അയച്ച് മാതൃകയാകണമെന്നും ബൽറാം അഭ്യർഥിക്കുന്നു. പതിനായിരക്കണക്കിന് ആളുകളാണ് വി ടി ബൽറാമിന്റെ ഈ ഫേസ്ബുക്ക് ലൈവ് വീഡിയോ കണ്ടത്. ആയിരക്കണക്കിന് പേർ ലൈക്ക് ചെയ്തു. ജനപ്രതിനിധികള് ഇങ്ങനെയായിരിക്കണമെന്ന ആഗ്രഹം പങ്കുവെക്കുന്നതോടൊപ്പം അദ്വൈത് മാനവിനും ഇന്ന് ആദ്യമായി സ്കൂളിലെത്തുന്ന മറ്റ് കുട്ടികൾക്കും ആശംസ അറിയിക്കുകയാണ് സോഷ്യൽ മീഡിയ.