പിണറായിയുടെ ജന്മദിനാഘോഷമായതിനാലാണോ അന്ന് മാധ്യമങ്ങളെ പുറത്താക്കിയത്?;ബ്രിട്ടാസിന് രാജേഷിന്റെ മറുപടി
തിരുവനന്തപുരം; കേന്ദ്രമന്ത്രിയെന്ന നിലയിലുള്ള ഔദ്യോഗിക വാര്ത്ത സമ്മേളനത്തില് നിന്നും ഏഷ്യാനെറ്റ് ന്യൂസിനെ ഒഴിവാക്കിയ മന്ത്രി വി മുരളീധരനെ വിമർശിച്ച് ജോൺ ബ്രിട്ടാസ് എംപി കഴിഞ്ഞ ദിവസം രംഗത്തെത്തിയിരുന്നു. കേന്ദ്രമന്ത്രിക്ക് ഔദ്യോഗിക വാർത്താസമ്മേളനത്തിൽ നി്നന് മാധ്യമങ്ങളെ വിലക്കാൻ അധികാരമില്ലെന്നും മന്ത്രിയുടേത് സത്യപ്രതിജ്ഞാ ലംഘനമാണെന്നുമായിരുന്നു വിമർശനം.ഇപ്പോഴിതാ എംപിയ്ക്ക് മറുപടിയുമായി രംഗത്തെത്തിയിരിക്കുകയാണ് ബിജെപി നേതാവ് വിവി രാജേഷ്.
മുഖ്യമന്ത്രി എന്ന ഔദ്യോഗിക പദവി ഉപയോഗിച്ച് വിളിച്ച പ്രധാനപ്പെട്ട ഒരു യോഗം റിപ്പോര്ട്ട് ചെയ്യാനെത്തിയ മാധ്യമപ്രവര്ത്തകരെ കടക്കുപുറത്ത് എന്നാക്രോശിച്ച് ആട്ടിപ്പുറത്താക്കിയ പിണറായി വിജയന്റെ നടപടി സത്യപ്രതിജ്ഞാ ലംഘനമായിരുന്നോ എന്ന് രാജേഷ് ചോദിച്ചു. രാജേഷിന്റെ ഫേസ്ബുക്ക് കുറിപ്പ് വായിക്കാം
കടക്ക് പുറത്തെന്ന് പറഞ്ഞ മുഖ്യൻ
ശ്രീ ജോൺ ബ്രിട്ടാസിന്,
കേന്ദ്രമന്ത്രി ശ്രീ വി.മുരളീധരനെ നീണ്ടകാലത്തെ മാധ്യമപ്രവര്ത്തന അനുഭവംവച്ച് താങ്കള് ചില കാര്യങ്ങള് പഠിപ്പിച്ചതായി കണ്ടു...മാധ്യമ ഉപദേഷ്ടാവെന്ന നിലയിലുള്ള താങ്കളുടെ അനുഭവ പരിചയം വച്ച് ചില സംശയങ്ങള് ഉന്നയിക്കുകയാണ്...മുഖ്യമന്ത്രി എന്ന ഔദ്യോഗിക പദവി ഉപയോഗിച്ച് വിളിച്ച പ്രധാനപ്പെട്ട ഒരു യോഗം റിപ്പോര്ട്ട് ചെയ്യാനെത്തിയ മാധ്യമപ്രവര്ത്തകരെ കടക്കുപുറത്ത് എന്നാക്രോശിച്ച് ആട്ടിപ്പുറത്താക്കിയ പിണറായി വിജയന്റെ നടപടി സത്യപ്രതിജ്ഞാ ലംഘനമായിരുന്നോ ?
പിണറായിയുടെ പിറന്നാൾ ആഘോഷമായിരുന്നോ
സ്നേഹമോ വിദ്വേഷമോ കൂടാതെ ചുമതല നിറവേറ്റണം അന്ന് പിണറായിയെ താങ്കള് ഓര്മിപ്പിച്ചിരുന്നോ ?കാഞ്ഞങ്ങാട് പിണറായി സര്ക്കാരിന്റെ രണ്ടാം വാര്ഷികാഘോഷവേദിയില് നിന്ന് പിണറായി വിജയന് തന്നെ മാധ്യമപ്രവര്ത്തകരെ പുറത്താക്കിയത് അത് അദ്ദേഹത്തിന്റെ ജന്മദിനാഘോഷമായതിനാലാണോ?
തറവാട്ടുസ്വത്തായതിനാലായിരുന്നോ
...സര്ക്കാര് പണം ചിലവിട്ട് നടത്തുന്ന പരിപാടിയില് നിന്ന് മാധ്യമപ്രവര്ത്തകരെ പുറത്താക്കാമോയെന്ന് ഉപദേശകന് എന്ന നിലയില് താങ്കള് ചോദിച്ചിരുന്നോ ?
എറണാകുളം ഗസ്റ്റ് ഹൗസില് കാത്തു നിന്ന മാധ്യമപ്രവര്ത്തകരെ ആട്ടിപ്പായിച്ചത് ഗസ്റ്റ് ഹൗസ് പിണറായി വിജയന്റെ തറവാട്ടുസ്വത്തായതിനാലായിരുന്നോ, അത് തറുതല രീതിയായിരുന്നോ ?
പിണറായി ശഠിക്കുന്നത്
മുഖ്യമന്ത്രിയെന്ന നിലയിൽ നടത്തുന്ന വാർത്താസമ്മേളനത്തിൽ 'വലത് മാധ്യമങ്ങൾ ' എന്ന് പേരിട്ട് ചില മാധ്യമങ്ങളെ പിണറായി വിജയൻ അധിക്ഷേപിക്കുന്നത് സത്യപ്രതിജ്ഞാ ലംഘനമാണോ ?നിശ്ചയിച്ച സമയം കഴിഞ്ഞാൽ ഒരു മിനിറ്റുപോലും മാധ്യമപ്രവർത്തകരോട് ഉത്തരം പറയില്ല എന്ന് പിണറായി ശഠിക്കുന്നത് തികഞ്ഞ ജനാധിപത്യ ബോധ്യത്തിലൂന്നിയുള്ളതാണോ ?
ബഹിഷ്കരിച്ചത്
ഇതെല്ലാം പോകട്ടെ, ബഹിഷ്ക്കരണമെന്ന മഹാപാതകത്തെക്കുറിച്ച് താങ്കള് പറഞ്ഞല്ലോ, ഇപ്പോള് ഞങ്ങള് നിസ്സഹകരിക്കുന്ന ഏഷ്യാനെറ്റ് ന്യൂസ് ചാനലിനെ ഏതാനും മാസങ്ങള്ക്ക് മുമ്പല്ലേ താങ്കളുടെ പാര്ട്ടിയായ സിപിഎം ബഹിഷ്ക്കരിച്ചത്.....?സിപിഎമ്മിന്റെ ഏഷ്യാനെറ്റ് ബഹിഷ്കരണം തികഞ്ഞ ജനാധിപത്യബോധ്യത്തിന്റെ പ്രകടനമായിരുന്നോ ?
ചാനൽ ചർച്ചയിൽ
സിപിഎമ്മുകാരെല്ലാം കൊല്ലപ്പെടേണ്ടവരാണെന്ന് പറഞ്ഞതിനാണോ ഏഷ്യാനെറ്റിനെ ബഹിഷ്ക്കരിച്ചത് ?അഡ്വ.ജയശങ്കറും, കെ.എം ഷാജഹാനും ജോസഫ് സി മാത്യുവുടമക്കം നിങ്ങള്ക്ക് അപ്രിയ നിലപാടുകള് എടുക്കുന്ന വ്യക്തികളെ സിപിഎമ്മുകാര് ചാനല് ചര്ച്ചകളില് ബഹിഷ്ക്കരിക്കുന്നില്ലേ ?
ബ്രിട്ടാസ് ഉപദേശിച്ചിരുന്നോ ?
അധികാരമദം പൊട്ടിയിട്ടാണോ അഡ്വ.ജയശങ്കര് പങ്കെടുത്ത ചര്ച്ചയില് നിന്ന് എ.എന് ഷംസീര് എംഎല്എ ഇറങ്ങിപ്പോയത് ?വനിതാമാധ്യമപ്രവര്ത്തകരടക്കം സര്ക്കാരിന്റെ കൊള്ളരുതായ്മകളെ ചോദ്യം ചെയ്ത മാധ്യമപ്രവര്ത്തകരെ മുഖ്യമന്ത്രിയുടെ പ്രസ് സെക്രട്ടറിയടക്കം സമൂഹമാധ്യമങ്ങളിലൂട അധിഷേപിച്ചത് ശരിയായില്ല എന്ന് ബ്രിട്ടാസ് ഉപദേശിച്ചിരുന്നോ ?
ലേശം ഉളുപ്പ്….?
എന്തിനേറെ, മാധ്യമസ്വാതന്ത്ര്യത്തെയാകെ അടിച്ചമര്ത്തുന്ന 118 എ എന്ന കരിനിയമം നടപ്പാക്കാനിറങ്ങിയ സര്ക്കാരിന്റെ ഉപദേശകനായിരുന്ന മാധ്യമപ്രവര്ത്തകനല്ലേ താങ്കള്?
മുരളീധരനെ ജനാധിപത്യം പഠിപ്പിക്കാനിറങ്ങുന്ന താങ്കളോട് ചോദിക്കാനുള്ളത് ശങ്കരാടിയുടെ ഡയലോഗാണ്,....ലേശം ഉളുപ്പ്....?
ഞങ്ങള്ക്ക് വിഷയമല്ല
ഏതായാലും മാധ്യമപ്രവര്ത്തകന് മാത്രമായിരുന്ന ( ശമ്പളം പറ്റാത്ത ഉപദേശകനും) ജോണ് ബ്രിട്ടാസിന് എങ്ങനെയാണ് മരടിലും മയൂര്വിഹാറിലും ( ഡല്ഹി)കണ്ണൂരിലും കവടിയാറിലും പേരൂര്ക്കടയിലുമെല്ലാം സ്വന്തമായി വസ്തുവകകളും ലക്ഷങ്ങളുടെ ബാങ്ക് ബാലന്സും ഉണ്ടായതെന്നും ( നാമനിര്ദേശപത്രികയില് കണ്ടത്) ഞങ്ങള് ചോദിക്കുന്നില്ല. അതെല്ലാം ജനാധിപത്യത്തില് ഊന്നിയുള്ള മാധ്യമപ്രവര്ത്തനത്തിലൂടെ സമ്പാദിച്ചതാണോ 'പച്ചക്കറി മൽസ്യ മൊത്ത വ്യാപാരത്തിലൂടെ ' ഉണ്ടാക്കിയതാണോ എന്നതൊന്നും തൽക്കാലം ഞങ്ങള്ക്ക് വിഷയമല്ല.
സ്റ്റൈലിഷായി നടി പ്രിയ ആനന്ദ്, ചിത്രങ്ങൾ
Recommended Video
-
മുഖ്യമന്ത്രിയുടെ 'ചെറ്റത്തരം' പരാമർശം: മറുപടിയുമായി ജി. സുധാകരൻ; വിവാദം പുകയുന്നു -
തുടര്ച്ചയായ മൂന്ന് തവണ ഇടതിനെ തുണച്ച 51 മണ്ഡലങ്ങള്; ഒരിക്കലും കൂറുമാറാതെ ‘24 പേർ’ -
സ്വര്ണത്തിന് റെക്കോഡ് ഇടിവ്, 17% വില കുറഞ്ഞു..! വെള്ളിക്ക് കുറഞ്ഞത് 42%; ഇപ്പോള് വില്ക്കല്ലേ..! -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഒന്നാം സ്ഥാനത്ത് ബെംഗളൂരു തന്നെ; ഹൈദരാബാദും മുംബൈയും പിന്നില്; ആഗോള കമ്പനികളുടെ ഇഷ്ടനഗരങ്ങള് -
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
തൊഴിലില് അപ്രതീക്ഷിത മാറ്റങ്ങള്, സാഹസികമായി പ്രവര്ത്തിക്കും, സര്ക്കാര് ആനുകൂല്യം ലഭിക്കും, നാൾഫലം -
ബെംഗളൂരുവിൽ ഇനി എത്ര മഴ വന്നാലും പേടിക്കേണ്ട; നടപടികൾ ശക്തമാക്കി ജിബിഎ, 2000 കോടിയുടെ പദ്ധതി -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
ബുധനും സൂര്യനും ചേർന്നാൽ നല്ല കാലം; ഈ രാശിക്കാരുടെ പ്രണയജീവിതം സുഖകരം, കൈകളിൽ പണം നിറയും! -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
1 ലക്ഷം രൂപയിൽ താഴെ വിലയ്ക്ക് സ്വർണം വേണോ? ഇപ്പോൾ വാങ്ങുന്നത് ബുദ്ധിയല്ല, കുറച്ച് കൂടി ക്ഷമിക്കൂ
Click it and Unblock the Notifications
Sign in with Google