വാളയാര്‍ കേസ്; സിബിഐ അന്വേഷണം ഇപ്പോള്‍ പരിഗണിക്കാനാവില്ലെന്ന് ഹൈക്കോടതി

കൊച്ചി: വാളയാറില്‍ ദളിത് സഹോദരികള്‍ മരിച്ച സംഭവത്തില്‍ ഉടന്‍ സിബിഐ അന്വേഷണം പ്രഖ്യാപിക്കാനാകില്ലെന്ന് ഹൈക്കോടതി. വിധിക്കെതിരെ അപ്പീല്‍ നല്‍കാന്‍ നിലവില്‍ സാഹചര്യമുണ്ടെന്ന് വ്യക്തമാക്കിയ കോടതി വിചാരണക്കോടതി ഉത്തരവ് റദ്ദാക്കിയാൽ മാത്രമേ, പുനരന്വേഷണത്തിന് സാധ്യതയുള്ളൂവെന്നും അറിച്ചു. ഹര്‍ജി വീണ്ടും ഉച്ചയ്ക്ക് ശേഷം കോടതി പരിഗണിക്കും.

കേസില്‍ സിബിഐ അന്വേഷണം ആവശ്യപ്പെട്ട് മലയാള വേദി പ്രസിഡന്‍റ് ജോര്‍ജ്ജ് വട്ടുകുളയാണ് ഹൈക്കോടതിയെ സമീപിച്ചത്. എന്നാല്‍ പത്രവാര്‍ത്തകളുടെ അടിസ്ഥാനത്തിലാണോ സിബിഐ അന്വേഷണം ആവശ്യപ്പെടുന്നതെന്ന് കോടതി ഹര്‍ജിക്കാരനോട് ചോദിച്ചു. വിചാരണ സമയത്ത് താങ്കള്‍ എവിടെയായിരുന്നുവെന്നും കോടതി ചോദിച്ചു.

അതേസമയം പ്രതികളെ വെറുതേ വിട്ട വിചാര കോടതി വിധിക്കെതിരെ സര്‍ക്കാരിന് അപ്പീല്‍ നല്‍കാമല്ലോയെന്ന് കോടതി പറഞ്ഞു. ഇതിന് നിയമ സാധുതയുണ്ടെന്നും കോടതി പറഞ്ഞു. വിചാരണ കോടതി ഉത്തരവ് റദ്ദാക്കിയാല്‍ മാത്രമേ പുനരന്വേഷണത്തിന് സാധ്യത ഉള്ളൂവെന്ന് സിബിഐ ഹൈക്കോടതിയെ അറിയിക്കുകയായിരുന്നു. അതേസമയം അപ്പീലിന് പോകുമെന്നും അതിനുള്ള നടപടി ക്രമങ്ങള്‍ ആരംഭിച്ചിട്ടുണ്ടെന്നും സര്‍ക്കാര്‍ കോടതിയെ അറിയിച്ചിട്ടുണ്ട്.

English summary

Walayar case; CBI probe cannot be considered says High Court