വാളയാര്: രണ്ട് പെണ്കുട്ടികളുടെ ജീവന് മേല് സര്ക്കാര് രാഷ്ട്രീയം കളിക്കുന്നുവെന്ന് ചെന്നിത്തല
തിരുവനന്തപുരം: വാളയാര് കേസില് രണ്ട് പെണ്കുട്ടികളുടെ ജീവന് മേല് പിണറായി സര്ക്കാര് രാഷ്ട്രീയം കളിക്കുകയാണെന്ന് പ്രതിപക്ഷ നേതാവ് രമേശ് ചെന്നിത്തല. ഒൻപതും പതിമൂന്നും വയസ്സുള്ള കുഞ്ഞുങ്ങൾ ആത്മഹത്യ ചെയ്തതാണെന്ന പോലീസ് ഭാഷ്യം മാതാപിതാക്കളുടെ മൊഴിയിൽ തിരുകികയറ്റാൻ ശ്രമിക്കുകയാണ് അന്വേഷണ ഉദ്യോഗസ്ഥർ ആദ്യം ചെയ്തത്. കീഴ്കോടതി പ്രതികളെ വെറുതെവിടാനിടയായ സാഹചര്യം സൃഷ്ടിച്ചത് കേസ് അന്വേഷിച്ച പോലീസാണെന്നും അദ്ദേഹം ആരോപിച്ചു. പ്രതിപക്ഷ നേതാവിന്റെ പ്രസ്താവനയുടെ പൂര്ണ്ണ രൂപം ഇങ്ങനെ..
നാഷണൽ ക്രൈം റെക്കോർഡ്സ് ബ്യൂറോയുടെ കണക്കുകൾ പ്രകാരം ഇന്ത്യയിൽ ലൈംഗീക പീഡനത്തിന് ഇരയാകുന്ന കുഞ്ഞുങ്ങളിൽ 95 ശതമാനവും അത് നേരിടുന്നത് അവരുമായി ഏതെങ്കിലും തരത്തിലുള്ള ബന്ധം പുലർത്തുന്ന ബന്ധുക്കൾ, സ്വന്തക്കാർ, അയൽവാസികൾ, നാട്ടുകാർ ഇവരിൽ ആരിൽ നിന്നെങ്കിലുമാണ്. വാളയാറിലെ പ്രതികൾ ആരെന്നും, അവർക്കെതിരെയുള്ള തെളിവുകൾ എന്തെന്നും വസ്തുതാപരമായി പെൺകുട്ടികളുടെ മാതാപിതാക്കൾ പറഞ്ഞുകഴിഞ്ഞു.
ഒൻപതും പതിമൂന്നും വയസ്സുള്ള കുഞ്ഞുങ്ങൾ ആത്മഹത്യ ചെയ്തതാണെന്ന പോലീസ് ഭാഷ്യം മാതാപിതാക്കളുടെ മൊഴിയിൽ തിരുകികയറ്റാൻ ശ്രമിക്കുകയാണ് അന്വേഷണ ഉദ്യോഗസ്ഥർ ആദ്യം ചെയ്തത്. പ്രതികളെ അർദ്ധരാത്രിയിൽ പോലീസ് സ്റ്റേഷനിൽ നിന്ന് ഇറക്കികൊണ്ടുവന്ന സിപിഎം പ്രാദേശിക നേതൃത്ത്വത്തെ തള്ളിപ്പറയാൻ തയ്യാറാകാതെ, അന്വേഷണ ഉദ്യോഗസ്ഥന് ഐ പി എസ് നൽകി പരിപാലിച്ചു കൊണ്ട്, പ്രതികൾക്ക് വേണ്ടി ഹാജരായ വക്കീലിനു ശിശുക്ഷേമ സമിതിയിൽ നിയമനം നൽകിക്കൊണ്ട് ഇക്കാലമത്രയും രണ്ട് പെൺകുഞ്ഞുങ്ങളുടെ ജീവന് മേൽ നെറികെട്ട രാഷ്ട്രീയം കളിക്കുകയും കേസ് അട്ടിമറിക്കുകയുമാണ് പിണറായി സർക്കാർ ചെയ്തുകൊണ്ടിരുന്നത്.
കീഴ്കോടതി പ്രതികളെ വെറുതെവിടാനിടയായ സാഹചര്യം സൃഷ്ടിച്ചത് കേസ് അന്വേഷിച്ച പോലീസാണ്. ഹൈക്കോടതിയിൽ പോലീസിന് വീഴ്ചപറ്റിയെന്ന് തുറന്ന് സമ്മതിക്കേണ്ടി വന്ന സർക്കാർ, ഇനിയും ഈ കേസിന്റെ പുനരന്വേഷണത്തിന് പഴയ പോലീസിന്റെ നടപടി ക്രമങ്ങളെയും, കണ്ടെത്തലുകളെയും ആശ്രയിക്കുന്നത് അനീതിക്ക് കുട പിടിക്കാൻ തന്നെയാണ്.
പെൺകുഞ്ഞുങ്ങളുടെ ജീവനും സ്വത്തിനും വിലയില്ലാത്ത നാടായി കേരളത്തെ മാറ്റിയത് പിണറായി വിജയന്റെ നേതൃത്വത്തിലുള്ള ഇടതുപക്ഷ സർക്കാരാണ്.
പോലീസിന്റെ സർവ്വാധികാരം ഉപയോഗിച്ച് നടത്തുന്ന നീതിനിഷേധം തങ്ങളെ തിരഞ്ഞെടുത്തയച്ച ജനങ്ങളെ വഞ്ചിക്കലാണ്. ആ വഞ്ചനയ്ക്കെതിരെ ജനകീയ സമരങ്ങൾ നയിക്കുക എന്നത് പ്രതിപക്ഷ ധർമ്മവുമാണ്. വാളയാറിലെ പെൺകുട്ടികളുടെ മാതാപിതാക്കളെ വഞ്ചിച്ച സർക്കാരിനെതിരെ നവംബർ 1 UDF വഞ്ചനാദിനമായി ആചരിക്കുന്നു
-
ഉരുൾപ്പോരും ഉശിരൻ പോരുമായി വയനാട് -
100 വയസ്സ് കഴിഞ്ഞ 1,555 വോട്ടര്മാര്; വീട്ടിലിരുന്നും വോട്ട് ചെയ്യാം -
ആർക്കും തെരഞ്ഞെടുപ്പ് നിരീക്ഷകനാകാം, 100 മിനിറ്റിനുള്ളിൽ നടപടി ഉറപ്പാക്കി ‘സി-വിജിൽ’ -
പോസ്റ്റൽ വോട്ടിങ്ങിൽ മാറ്റം, ചെയ്യേണ്ടത് ഇങ്ങനെ -
വിദേശത്തുളളവർ ജോലി പോയി നാട്ടിലേക്ക് മടങ്ങേണ്ടി വരും, വീട് പണി നിർത്തേണ്ടി വരും, നാൾഫലം അറിയാം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
ആഗ്രഹിക്കുന്നതെല്ലാം നടക്കും... ഈ രാശിക്കാരുടെ ശുക്രനുദിച്ചു, നിങ്ങളുമുണ്ടോ?
Click it and Unblock the Notifications
Sign in with Google