പഠിച്ച പണി പതിനെട്ടും പയറ്റിയിട്ടും ഇഡി തോറ്റ് പിന്മാറിയില്ലേ റബ്ബേ!; അബ്ദുറബ്ബ്- ജലീല് പോര് മുറുകുന്നു
മലപ്പുറം: മുന് മന്ത്രി കെ ടി ജലീലും മുസ്ലീം ലീഗ് നേതാവ് പി കെ അബ്ദുറബ്ബും തമ്മിലുള്ള വാക്പോര് വീണ്ടും രൂക്ഷമാകുന്നു. നേരത്തെ കെ ടി ജലീലിന് മറുപടിയുമായി അബ്ദുറബ്ബ് രംഗത്തെത്തിയിരുന്നു. ഇതിന് പിന്നാലെ മറുപടിയുമായി ഇപ്പോള് കെ ടി ജലീല് മറ്റൊരു പോസ്റ്റ് പങ്കുവച്ചിരിക്കുകയാണ്. കെ ടി ജലീലിന്റെ സിമി ബന്ധം ചൂണ്ടിക്കാട്ടിയാണ് നേരത്തെ അബ്ദുറബ്ബ് രംഗത്തെത്തിയത്. ഇതിന് വ്യക്തമായ മറുപടിയാണ് പുതിയ പോസ്റ്റില് കെ ടി ജലീല് പറഞ്ഞുവയ്ക്കുന്നത്. തനിക്കെതിരെയുള്ള ആരോപണങ്ങള്ക്കുള്ള മറുപടിയും കുറിപ്പില് പറയുന്നുണ്ട്.
മുസ്ലിം യൂത്ത് ലീഗിന്റെ സംസ്ഥാന ജനറല് സെക്രട്ടറിയായത് മറന്നു പോയോ റബ്ബേ! അതേ സിമിയുടെ നേതാവായ സമദാനി ലീഗിന്റെ മലപ്പുറത്തെ എം.പിയാണെന്ന കാര്യം ഓര്മ്മയില്ലേ റബ്ബേ എന്നാണ് ജലീല് പോസ്റ്റിലൂടെ ചോദിക്കുന്നത്. 25 കൊല്ലം എം എല് എആയിട്ടും തുടങ്ങിയേടത്ത് നിന്ന് ഒരിഞ്ച് പോലും മുന്നോട്ട് പോകാന് കഴിയാതെ പാര്ലമെന്ററി ജീവിതം അവസാനിപ്പിച്ചതില് എന്തു മഹത്വമിരിക്കുന്നെന്നും കെ ടി ജലീല് കുറിപ്പില് ചോദിക്കുന്നു. പരിഹാസ രൂപേണയാണ് കെ ടി ജലീല് കുറിപ്പ് പങ്കുവച്ചിരിക്കുന്നത്. കുറിപ്പ് ഇങ്ങനെ,
റബ്ബാണ് റബ്ബേ റബ്ബ്!
ഗംഗയില് നിന്ന് പോയ മെസ്സേജുകള് വിശുദ്ധ ഖുര്ആനും റംസാന് കിറ്റുകളും വിതരണം ചെയ്യാന് സഹായം തേടിയതിനുള്ള മറുപടികളായിരുന്നു റബ്ബേ! അല്ലാതെ ആരുടെയും ശരീര ലാവണ്യം വര്ണ്ണിച്ചുള്ള കവിതകളായിരുന്നില്ല റബ്ബേ!
ഗംഗയില് നിന്ന് ഒഴുകിയ സന്ദേശങ്ങളില് ഒരു 'ലൗ' ചിഹ്നം പോലും ഉണ്ടായിരുന്നില്ലെന്ന് സാക്ഷാല് റബ്ബിനറിയാം റബ്ബേ!
'തലയില് മുണ്ടിട്ട്' ചെന്നയാളെ തലങ്ങും വിലങ്ങും ചോദ്യശരങ്ങള് ഉയര്ത്തി അമ്പെയ്ത് വീഴ്ത്താന് പഠിച്ച പണി പതിനെട്ടും പയറ്റിയിട്ടും ഇ.ഡി തോറ്റ് പിന്മാറിയില്ലേ റബ്ബേ!
തന്റെ ഉറ്റ ബന്ധു അഭയ കേസിലെ ഒന്നാം പ്രതി ഫാദര് കോട്ടൂരിനെ രക്ഷിക്കാന് ലോകായുക്താ പദവി ദുരുപയോഗം ചെയ്ത സിറിയക് ജോസഫിനെ ഉപയോഗിച്ച് ലീഗ് നടത്തിയ കള്ളക്കളിയില് ചതിച്ച് വീഴ്ത്താന് ശ്രമിച്ചിട്ടും ജനകീയ കോടതിയില് ജയിച്ചു വന്നില്ലേ റബ്ബേ! കള്ളച്ചൂതിന് ഒരുമ്പെട്ട 'യുവസിങ്കം' താനൂര് കടപ്പുറത്ത് തോറ്റ് മലച്ച് കിടക്കുന്നത് കണ്ടില്ലേ റബ്ബേ!
'ഇന്ത്യയുടെ മോചനം ഇസ്ലാമിലൂടെ' എന്ന വര്ഗീയ മുദ്രാവാക്യം മുഴക്കിയ സിമിയില് നിന്ന് നേര്ബുദ്ധി തോന്നിയപ്പോള് പുറത്ത് ചാടി മുസ്ലിംയൂത്ത് ലീഗിന്റെ സംസ്ഥാന ജനറല് സെക്രട്ടറിയായത് മറന്നു പോയോ റബ്ബേ! അതേ സിമിയുടെ നേതാവായ സമദാനി ലീഗിന്റെ മലപ്പുറത്തെ എം.പിയാണെന്ന കാര്യം ഓര്മ്മയില്ലേ റബ്ബേ!
എക്സ്പ്രസ് ഹൈവേയുടെ പേരില് കുടിയിറക്കപ്പെടുന്നവരുടെ പുനരധിവാസത്തെക്കുറിച്ച് ഒരക്ഷരം പറയാതെ, സ്വന്തക്കാര്ക്കും ബന്ധുക്കള്ക്കും റിയല് എസ്റ്റേറ്റ് ബിസിനസ്സിന് അവസരമൊരുക്കി, യുഡിഎഫ് ഒളിച്ചു കളി നടത്തിയപ്പോള് അതിനെയല്ലേ ശക്തിയുക്തം എതിര്ത്തത് റബ്ബേ!
ഇഹലോകത്ത് നന്മ ചെയ്യുന്ന എല്ലാവര്ക്കുമാണ് സ്വര്ഗ്ഗമെന്ന് പ്രഖ്യാപിച്ച പ്രവാചക സന്ദേശം ഉയര്ത്തിപ്പിടിച്ച് മാലോകരെല്ലാം നരകക്കുണ്ടിലാണെന്ന് ശഠിക്കാന് മാത്രം ക്രൂരനല്ലാതെ പോയത് തെറ്റാണോ റബ്ബേ! യു ഡി എഫ് സര്ക്കാരിന്റെ അഴിമതികള്ക്കെതിരെ നിയമസഭക്കകത്തും പുറത്തും കൊടുങ്കാറ്റായ് ആഞ്ഞടിച്ചത് എങ്ങിനെയാണ് ഗുണ്ടായിസമാവുക റബ്ബേ!
25 കൊല്ലം എം എല് എആയിട്ടും തുടങ്ങിയേടത്ത് നിന്ന് ഒരിഞ്ച് പോലും മുന്നോട്ട് പോകാന് കഴിയാതെ പാര്ലമെന്ററി ജീവിതം അവസാനിപ്പിച്ചതില് എന്തു മഹത്വമിരിക്കുന്നു റബ്ബേ! സ്വാശ്രയ മെഡിക്കല് കോളേജില് പി.ജി സീറ്റ് വര്ധിപ്പിച്ച് സ്വന്തം മകന്റെ സീറ്റ് സുരക്ഷിതമാക്കിയ റബ്ബ് കൊച്ചാപ്പയല്ല സാക്ഷാല് ബാപ്പ തന്നെയാണ് റബ്ബേ! ''റബ്ബാണ് റബ്ബേ റബ്ബ്'
-
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
പ്രഹസനം സമ്മതിച്ചല്ലോയെന്ന് വിടി ബൽറാം, ഒന്നും അറിയില്ലല്ലേയെന്ന് എംബി രാജേഷ്..ഫേസ്ബുക്ക് പോര് കനക്കുന്നു -
ഇടുക്കിയിൽ മിടുക്ക് തെളിയിക്കാൻ പുതുമുഖങ്ങളും പരിചിതമുഖങ്ങളും -
എണ്ണയും സെറവുമൊന്നും ഇനി വേണ്ട, മുടി തഴച്ച് വളരാൻ ഈ 5 അത്ഭുതകരമായ പൂക്കൾ മാത്രം മതി -
മേടം രാശിഫലം: ഭാഗ്യം നിങ്ങൾക്കൊപ്പം, ചെറിയ കാര്യങ്ങളിൽ പോലും വിജയം, വ്യാപാരികൾക്ക് നല്ല ലാഭം പ്രതീക്ഷിക്കാം -
വൈറോളജി ഇന്സ്റ്റിറ്റ്യൂട്ടില് അക്കൗണ്ടന്റ്, ഓഫീസ് അസിസ്റ്റന്റ് ഒഴിവുകള്; ശമ്പളം ഇത്ര -
ആപ്പിൾ കൊടുക്കും ജനങ്ങൾ വാങ്ങും; ഐഫോൺ 16 പ്രോയുടെ ഡിസ്കൗണ്ട് കേട്ടാൽ ഞെട്ടും..! വില എത്ര? -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
"മോഹൻലാൽ ജീവിക്കുന്നത് ശരിക്കും ഒരു രാജാവിനെ പോലെ, ഗുഡ് മോർണിംഗ് പറഞ്ഞിട്ടും മമ്മൂട്ടി മൈൻഡ് ചെയ്തില്ല" -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും!
Click it and Unblock the Notifications
Sign in with Google