കടലാക്രമണ ഭീഷണി: അധികാരികൾക്ക് താക്കീതായി കോഴിക്കോട് വടകരയിൽ ബഹുജന മാർച്ച്
വടകര: കടലാക്രമണ ഭീഷണി നേരിടുന്ന വടകര തീരദേശ മേഖലയായ അഴിത്തല, പുറങ്കര, കൊയിലാണ്ടി വളപ്പ്, മുകച്ചേരിഭാഗം, ആവിക്കൽ, എന്നീ പ്രദേശങ്ങളിൽ കടൽഭിത്തി നിർമ്മിക്കണമെന്നാവശ്യപ്പെട്ട് വടകര ടൗൺ മുസ്ലിം ലീഗ് കമ്മിറ്റിയുടെ ആഭിമുഖ്യത്തിൽ വടകര താലൂക്ക് ഓഫീസിലേക്ക് ബഹുജന മാർച്ച് നടത്തി. വടകര പി സി സൗധത്തിൽ നിന്നാരംഭിച്ച മാർച്ച് ജില്ലാ മുസ്ലിം ലീഗ് വൈസ് പ്രസിഡണ്ട് സി പി അസീസ് മാസ്റ്റർ ഉൽഘാടനം ചെയ്തു.
വടകര മുനിസിപ്പൽ ഏരിയാ മുസ്ലിം ലീഗ് പ്രസിഡണ്ട് പ്രൊഫ കെ കെ മഹമൂദ് അദ്ധ്യക്ഷത വഹിച്ചു. സംസ്ഥാന മുസ്ലിം ലീഗ് സിക്രട്ടറി വി വി മുഹമ്മദലി മുഖ്യ പ്രഭാഷണം നടത്തി. എം പി അബ്ദുൽ കരീം, എം ഫൈസൽ, വി കെ അസീസ്, വി ഫൈസൽ, ടി കെ അശ്മർ, പി സഫിയ പി വി ഹാഷിം എന്നിവർ സംസാരിച്ചു. ടി ഐ നാസർ സ്വാഗതവും പി കെ ജലാൽ നന്ദിയും പറഞ്ഞു. എൻ പി എം നഫ്സൽ, വി പി മുഹമ്മദ് റാഫി, പി എം മുസ്തഫ, കെ എം ബുഷറ, അൻസാർ മുകച്ചേരി, കെ സി അക്ബർ, പി ടി കെ റഫീഖ്, പി കെ സി അഫ്സൽ, സി പി ഹമീദ്, ടി പി ഹമീദ്, ടി പി അഷ്റഫ്, എൻ കെ റഷീദ്, പി സി നജീബ്, എ വി റഫീഖ്, അബ്ദുറബ്ബ് നിസ്താർ, പി വി അൻസാർ, കെ അൻസാർ, ആർ സിറാജ്, എന്നിവർ നേതൃത്വം നൽകി.
നഗരസഭ പരിധിയിലെ അഴിത്തല മുതൽ കുരിയാടി വരെയുള്ള തീരദേശ വാർഡുകളോടുള്ള അധികാരവർഗ്ഗത്തിന്റെ നിരന്തര അവഗണനക്കെതിരെ തീരദേശവാസികൾ ശക്തമായ സമരത്തിലേക്ക്. ആദ്യഘട്ടമെന്ന നിലക്ക് മെയ് 10ന് താലൂക്ക് ഓഫീസ് മാർച്ച് നടത്താൻ സമര പ്രഖ്യാപന കൺവെൻഷൻ തീരുമാനിച്ചു. വടകര മുനിസിപ്പൽ ഏരിയ മുസ്ലിം ലീഗ് പ്രസിഡണ്ട് പ്രൊഫ കെ. കെ മഹമൂദ് സമര പ്രഖ്യാപന കൺവെൻഷൻ ഉൽഘാടനം ചെയ്തു. പി കെ ജലാൽ അദ്ധ്യക്ഷത വഹിച്ചു. വി പി മുഹമ്മദ് റാഫി, പി സഫിയ, വി കെ അസീസ്, വി ഫൈസൽ, എം ഫൈസൽ, കെ വി ഖാലിദ് മാസ്റ്റർ, കെ സി അക്ബർ, എന്നിവർ സംസാരിച്ചു. പി വി ഹാഷിം സ്വാഗതവും പി സി നജീബ് നന്ദിയും പറഞ്ഞു.