വയനാടിന് രാഹുല്‍ ഗാന്ധിയുടെ കൈത്താങ്ങ്; ഒരു മാസത്തെ ശമ്പളം സംഭവന നൽകി

ന്യൂഡൽഹി: ഉരുൾപൊട്ടലിനെ തുടർന്ന് കനത്ത നാശനഷ്ടം ഉണ്ടായ വയാനാടിന്റെ പുനരധിവാസ പ്രവർത്തനങ്ങൾക്കായി തൻ്റെ ഒരു മാസത്തെ ശമ്പളമായ 2.3 ലക്ഷം രൂപ സംഭവാന ചെയ്ത് ലോക്‌സഭ പ്രതിപക്ഷ നേതാവ് രാഹുൽ ഗാന്ധി. കോൺഗ്രസിന്റെ വയനാട് പുനരധിവാസ ഫണ്ടിലേക്കാണ് രാഹുൽ സംഭവാന ചെയ്തത്.

വയനാട്ടിലെ നമ്മുടെ സഹപൗരന്മാർക്ക് കടുത്ത ദുരന്തം നേരിടേണ്ടി വന്നിട്ടുണ്ട്, അവർക്കുണ്ടായ ഗണ്യമായ നഷ്ടം മറികടക്കാൻ നമ്മുടെ സഹായം ആവശ്യമാണ്. ദുരിതബാധിതർക്കുള്ള ദുരിതാശ്വാസ പുനരധിവാസ സംരംഭങ്ങളെ പിന്തുണയ്ക്കാൻ എൻ്റെ ഈ മാസത്തെ മുഴുവൻ ശമ്പളവും ഞാൻ നൽകിയിട്ടുണ്ട്.

എല്ലാ ഇന്ത്യക്കാരെയും തങ്ങളാൽ കഴിയുന്നതെന്തും സംഭാവന ചെയ്യാൻ ഞാൻ ആത്മാർത്ഥമായി പ്രോത്സാഹിപ്പിക്കുന്നു-എല്ലാ സംഭാവനകളും പ്രധാനമാണ്. വയനാട് നമ്മുടെ രാജ്യത്തിൻ്റെ അതിശയകരമായ ഒരു പ്രദേശമാണ്, വളരെയധികം സഹിച്ച അവിടുത്തെ നിവാസികളുടെ ജീവിതം പുനഃസ്ഥാപിക്കാൻ കൂട്ടായി നമുക്ക് സഹായിക്കാനാകും, അദ്ദേഹം പറഞ്ഞു.

ഉരുൾപൊട്ടലിൽ നാശനഷ്ടം സംഭവിച്ചവർക്ക് 100 വീടുകൾ നിർമ്മിച്ച് നൽകാനുള്ള കോൺഗ്രസ് പാർട്ടിയുടെ വലിയ സംരംഭത്തിൻ്റെ ഭാഗമാണ്
രാഹുൽ ഗാന്ധിയുടെ സംഭാവനയെന്ന് കെപിസിസി ജനറൽ സെക്രട്ടറി എം ലിജു പറഞ്ഞു. ധനസമാഹരണം സുഗമമാക്കുന്നതിന്, 'സ്റ്റാൻഡ് വിത്ത് വയനാട് - ഐഎൻസി' എന്ന പേരിൽ ഒരു മൊബൈൽ ആപ്പ് പുറത്തിറക്കി.

ധനസമാഹരണ യജ്ഞത്തിന് നേതൃത്വം നൽകുന്നതിനും പുനർനിർമാണ പ്രവർത്തനങ്ങൾക്ക് മേൽനോട്ടം വഹിക്കുന്നതിനുമായി കെപിസിസി ഒമ്പതംഗ കമ്മിറ്റിക്കും രൂപം നൽകിയിട്ടുണ്ട്. ഈ കമ്മിറ്റി ഫണ്ട് കാര്യക്ഷമമായി ശേഖരിക്കുകയും പുനർനിർമ്മാണ ശ്രമങ്ങൾക്കായി ഫലപ്രദമായി ഉപയോഗിക്കുകയും ചെയ്യും.

കോൺഗ്രസ് പ്രവർത്തകർക്കും അനുഭാവികൾക്കും നേതാക്കൾക്കും മൊബൈൽ ആപ്പ് വഴി നേരിട്ട് സംഭാവന നൽകാമെന്ന് പ്രസ്താവനയിൽ പറയുന്നു. ബാങ്ക് അക്കൗണ്ടിൽ ഒരു സംഭാവന ലഭിച്ചാൽ, കെപിസിസി പ്രസിഡൻ്റ് കെ സുധാകരനും സംസ്ഥാന നിയമസഭയിലെ പ്രതിപക്ഷ നേതാവ് വി ഡി സതീശനും ഒപ്പിട്ട ഡിജിറ്റൽ രസീതിനൊപ്പം ഒരു എസ്എംഎസ് അറിയിപ്പും ദാതാക്കൾക്ക് ലഭിക്കും.

കൂടാതെ വയനാട്ടിലെ പുനരധിവാസ പ്രവർത്തനങ്ങളുടെ പുരോഗതി കോൺഗ്രസ് എംപി കെ സുധാകരൻ നേരിട്ട് നിരീക്ഷിക്കുന്നുണ്ട്.

പ്രാദേശിക ദുരിതാശ്വാസ പ്രവർത്തനങ്ങളിൽ ശ്രദ്ധ കേന്ദ്രീകരിക്കുന്നതിനായി വയനാട് ജില്ലയിലെ മണ്ഡലം കമ്മിറ്റികളെ ധനസമാഹരണ പ്രവർത്തനങ്ങളിൽ നിന്ന് കെപിസിസി ഒഴിവാക്കിയിട്ടുണ്ട്. പാർട്ടി യൂണിറ്റുകൾ, ഉപസ്ഥാപനങ്ങൾ, എംപിമാർ, എംഎൽഎമാർ എന്നിവരെ ഈ ലക്ഷ്യത്തെ പിന്തുണയ്ക്കുന്നതിനായി അവർ പ്രതീക്ഷിക്കുന്ന സംഭാവനകളെക്കുറിച്ച് അറിയിച്ചിട്ടുണ്ട്.