Click it and Unblock the Notifications
Just In
Don't Miss
-
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
പ്രശ്നം നിങ്ങളുടേതായിരിക്കില്ല, പക്ഷേ പങ്കാളി എത്ര പ്രകോപിപ്പിച്ചാലും ഈ ഒരു കാര്യം ചെയ്യരുത് -
ഞാനും അണ്ഡം ശീതികരിച്ച് വെക്കുകയാണ്! പിന്നീട് കുഞ്ഞിന് ജന്മം കൊടുക്കാൻ ഉദ്ദേശിക്കുന്നതിനെ പറ്റി മൃണാൽ താക്കൂർ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
വയനാട്, പാലക്കാട്, മലപ്പുറം; രാജ്യത്തെ നക്സൽ ബാധിത ജില്ലകളിൽ മൂന്നെണ്ണം കേരളത്തിൽ
ദില്ലി: വയനാട്, പാലക്കാട്, മലപ്പുറം എന്നീ മൂന്ന് ജില്ലകളെ കഴിഞ്ഞ വർഷമാണ് കേന്ദ്ര സർക്കാർ രാജ്യത്തെ നക്സൽ ബാധിത പ്രദേശങ്ങളുടെ പട്ടികയിൽ ഉൾപ്പെടുത്തിയത്. കേരളത്തിൽ നിന്നുള്ള ജില്ലകൾ ആദ്യമായായിരുന്നു ഈ പട്ടികയിൽ ഉൾപ്പെടുന്നത്. കേരളത്തിലെ മൂന്ന് ജില്ലകൾ ഉൾപ്പെടെ 8 ജില്ലകളെയാണ് ആഭ്യന്തര മന്ത്രാലയം പുതിയതായി പട്ടികയിൽ ഉൾപ്പെടുത്തിയത്.
126 പ്രദേശങ്ങളെയാണ് നക്സസൽ ബാധിത പ്രദേശങ്ങളായി കേന്ദ്ര സർക്കാർ കണക്കാക്കിയിരുന്നു. നക്സൽ സാന്നിധ്യം കുറഞ്ഞ് വരുന്നത് കണക്കിലെടുത്ത് 44 ജില്ലകളെ പട്ടികയിൽ നിന്നും ഒഴിവാക്കിയിരുന്നു.
നക്സൽ ഭീഷണി നേരിടാനായി കേന്ദ്ര സർക്കാർ അനുവദിക്കുന്ന ഫണ്ട് തുക ലഭിക്കേണ്ട സംസ്ഥാനങ്ങളെ തീരുമാനിക്കാനാണ് പട്ടികയുണ്ടാക്കുന്നത്. പ്രദേശത്തെ നക്സൽ ഗ്രൂപ്പുകളുടെ പ്രവർത്തനം, സംഘടനയിലെ അംഗ ബലം , സ്വാധീനം എന്നിവ വിലയിരുത്തിയാണ് പട്ടിക തയാറാക്കിയത്. നക്സൽ ബാധിത പട്ടികയിൽ ഉൾപ്പെടുത്തിയ പ്രദേശങ്ങളിൽ വാർത്താ വിനിമയ സംവിധാനം മെച്ചപ്പെടുത്തതിന്റെ ഭാഗമായി 4,000 മൊബൈൽ ടവറുകൾ സ്ഥാപിക്കാനും നിരീക്ഷണം ശക്തമാക്കാനും കേന്ദ്ര സർക്കാർ നിർദ്ദേശം നൽകിയിരുന്നു.
അതേസമയം മലബാർ മേഖലയിൽ മാവോയിസ്റ്റ് ഒളിത്താവളങ്ങൾ ശക്തി പ്രാപിച്ച് വരികയാണെന്ന് റിപ്പോർട്ടുണ്ടായിരുന്നു. കോഴിക്കോട്, വയനാട് , മലപ്പുറം എന്നീ ജില്ലകളിലെ വനപ്രദേശങ്ങൾ കേന്ദ്രീകരിച്ചാണ് ഇവരുടെ പ്രവർത്തനമെന്നാണ് സൂചന. മുൻ കാലങ്ങളിൽ നിന്ന് വ്യത്യസ്തമായി കൂടുതൽ ആയുധങ്ങൾ ഇവരുടെ പക്കലുണ്ടെന്നാണ് റിപ്പോർട്ട്. സാമൂഹിക പ്രശ്നങ്ങളിലെ ഇടപെടുകൾക്കൊപ്പം ശക്തിയും സ്വാധീനവും തെളിയിക്കാൻ കൂടുതൽ സായുധ നീക്കത്തിലേക്ക് മാവോയിസ്റ്റുകൾ കടക്കാൻ സാധ്യതയുണ്ടെന്ന സൂചനകൾ നേരത്തെ പുറത്ത് വന്നിരുന്നു.
ഇതിന്റെ ഭാഗമായിരുന്നു കണ്ണൂരിലെ അമ്പായത്തോട് നടന്ന മാവോയിസ്റ്റുകളുടെ സായുധ പ്രകടനമെന്നാണ് വിലയിരുത്തപ്പെടുന്നത്. അമ്പായത്തോട് നാലംഗ സംഘം തോക്കുമായി പ്രകടനം നടത്തുകയായിരുന്നു. ഇതിന് മുൻപ് വയനാട്, കണ്ണൂർ, പാലക്കാട്, തൃശൂർ ജില്ലകളിലെ വനാതിർത്തിയിൽ മാവോയിസ്റ്റുകൾ സാന്നിധ്യം അറിയിച്ചിരുന്നു. കീഴടങ്ങുന്ന മാവോയിസ്റ്റുകൾക്ക് പണവും , തൊഴിലും അഞ്ച് ലക്ഷം രൂപ വരെ ഉൾപ്പെടുന്ന പുനരധിവാസ പാക്കേജ് സർക്കാർ പ്രഖ്യാപിച്ചിട്ടും ആരും ഇതുവരെ കീഴടങ്ങാൻ തയാറായിട്ടില്ല.
