Wayanad Election Result Live: കന്നിയങ്കത്തിൽ വെന്നിക്കൊടി പാറിച്ച് പ്രിയങ്ക, രാഹുലിനെ കടത്തി വെട്ടുന്ന വിജയം

കല്‍പ്പറ്റ: വയനാട് ലോക്സഭാ ഉപതിരഞ്ഞെടുപ്പിൽ കൂറ്റൻ വിജയം നേടി യുഡിഎഫ് സ്ഥാനാർത്ഥി പ്രിയങ്ക ഗാന്ധി. 4 ലക്ഷത്തിന് മുകളിൽ ഭൂരിപക്ഷം നേടിയാണ് പ്രിയങ്ക ഗാന്ധി പാർലമെന്റ് പ്രവേശനത്തിന് ഒരുങ്ങുന്നത്. രാഹുല്‍ ഗാന്ധി വിട്ടൊഴിഞ്ഞ മണ്ഡലത്തില്‍ അദ്ദേഹത്തിന്റെ ഭൂരിപക്ഷം പ്രിയങ്ക മറികടന്നിരിക്കുകയാണ്.

2019ലേതിനേക്കാള്‍ കുറഞ്ഞ പോളിംഗ് ആണ് ഇത്തവണ വയനാട്ടിലുണ്ടായത്. 73.57 ശതമാനത്തില്‍ നിന്നും പോളിംഗ് 64.72 ശതമാനമായി കുറഞ്ഞു. അതുകൊണ്ട് തന്നെ രാഹുല്‍ ഗാന്ധിക്ക് ലഭിച്ച ഭൂരിപക്ഷം പ്രിയങ്കയ്ക്ക് മറികടക്കാന്‍ സാധിക്കുമോ എന്നുളള സംശയം നേരത്തെ ഉണ്ടായിരുന്നു. എന്നാൽ അത്തരം ആശങ്കകളെ നിഷ്പ്രഭമാക്കിയാണ് പ്രിയങ്കയുടെ പ്രകടനം.

എതിർ സ്ഥാനാർത്ഥികളായ സത്യൻ മൊകേരിയും നവ്യ ഹരിദാസും പ്രിയങ്കയേക്കാൾ ഏറെ പിന്നിലാണ്. വയനാട് ഉപതിരഞ്ഞെടുപ്പ് വോട്ടെണ്ണലിന്റെ ഏറ്റവും പുതിയ വിവരങ്ങള്‍ തത്സമയം അറിയാം.