3600 രൂപ ഒന്നിച്ച് കൈയ്യിലെത്തും; സാമ്പത്തിക തന്ത്രം ഇങ്ങനെ, ക്ഷേമ പെന്ഷന് വിതരണം വ്യാഴാഴ്ച മുതല്
തിരുവനന്തപുരം: സംസ്ഥാന സര്ക്കാര് നല്കുന്ന സാമൂഹിക സുരക്ഷാ പെന്ഷന് കുടിശ്ശിക ഉള്പ്പെടെ ഉടന് അര്ഹരിലേക്ക്. വ്യാഴാഴ്ച മുതല് ഓരോ പെന്ഷന്കാര്ക്കും 3600 രൂപ വീതം കൈകളിലെത്തും. കുടിശ്ശിക ഇനത്തില് നല്കാനുണ്ടായിരുന്ന 1600 രൂപയും പുതുക്കിയ പെന്ഷന് തുകയായ 2000 രൂപയും ചേര്ത്താണ് നല്കുന്നത്.
നേരത്തെ 1600 രൂപയാണ് പെന്ഷനായി നല്കിയിരുന്നത്. നവംബര് മുതല് 400 കൂടി വര്ധിപ്പിച്ച് പെന്ഷന് 2000 രൂപയാക്കിയിരുന്നു. തദ്ദേശ തിരഞ്ഞെടുപ്പിന് തൊട്ടുമുമ്പ്, നിയമസഭാ തിരഞ്ഞെടുപ്പ് അടുത്തുവരവെ പെന്ഷന് തുക കൂട്ടിയത് രാഷ്ട്രീയ ലക്ഷ്യത്തോടെയാണ് എന്നാണ് പ്രതിപക്ഷത്തിന്റെ വിലയിരുത്തല്. 2500 രൂപയാക്കി ഉയര്ത്തുമെന്ന് ഇടതുപക്ഷം നല്കിയ വാഗ്ദാനവും അവര് ഓര്മിപ്പിക്കുന്നു.
3600 രൂപ ഒരുമിച്ച് ലഭിച്ചാല് പെന്ഷന് ഇനത്തില് ഗുണഭോക്താക്കള്ക്ക് കിട്ടേണ്ട മുഴുവന് തുകയും കൈയ്യിലെത്തും. കുടിശ്ശിക ഇല്ലാതെ കാലാവധി പൂര്ത്തിയാക്കണം എന്നാണ് സര്ക്കാര് തീരുമാനം. നേരത്തെ പെന്ഷന് നല്കുന്നതിന് നീക്കിവച്ചിരുന്നത് 900 കോടി രൂപയായിരുന്നു. നവംബര് മുതല് 1050 കോടി രൂപയാണ് ആവശ്യമായി വരുന്നത്.
പെന്ഷന് വിതരണത്തിന് വേണ്ടി 1864 കോടി രൂപ ധനവകുപ്പ് കഴിഞ്ഞ മാസം അവസാനത്തില് അനുവദിച്ചിരുന്നു. സംസ്ഥാനത്ത് മൊത്തം 6377935 പേര്ക്കാണ് പെന്ഷന് ലഭിക്കുന്നത്. പകുതി പേര്ക്ക് ബാങ്ക് അക്കൗണ്ട് വഴിയും മറ്റുള്ളവര്ക്ക് വീട്ടിലെത്തിച്ചുമാണ് പെന്ഷന് വിതരണം. നടപ്പാക്കാന് സാധിക്കുന്ന കാര്യങ്ങളാണ് സര്ക്കാര് പ്രഖ്യാപിക്കുന്നതെന്ന് ധനമന്ത്രി കെഎന് ബാലഗോപാല് പറഞ്ഞു.
പെന്ഷന്റെ പിന്നിലുള്ള സാമ്പത്തിക തന്ത്രം
പെന്ഷന് നല്കുന്നതില് ഒന്നിലധികം തലങ്ങളുണ്ട്. മാനവികമായ തലമാണ് പ്രധാനം. മരുന്നിനും മറ്റു അവശ്യകാര്യങ്ങള്ക്കും പ്രയാസപ്പെടുന്നവര്ക്ക് വലിയ ആശ്വാസമാണ് സര്ക്കാര് അനുവദിക്കുന്ന ക്ഷേമ പെന്ഷന്. അതേസമയം, പണം ജനങ്ങളുടെ കൈവശമെത്തുമ്പോള് വിപണി കൂടുതല് സജീവമാകുന്നു എന്നതാണ് അതിന് പിന്നിലെ സാമ്പത്തിക തന്ത്രം.
ഏതൊരു സാമ്പത്തിക രംഗവും സജീവമാകണം എങ്കില് പണത്തിന്റെ ക്രയവിക്രയം നടക്കണം. പണം കെട്ടിക്കിടക്കുന്നതും ബാങ്കില് ഒതുങ്ങുന്നതും വിപണിക്ക് കാര്യമായ ഗുണം ചെയ്യില്ല. ക്ഷേമ പെന്ഷന് ഉള്പ്പെടെയുള്ള പദ്ധതികളിലൂടെ ജനങ്ങളുടെ കൈവശം പണം എത്തുമ്പോള് വിപണികള് ഉണരും. ആളുകള് കൂടുതലായി പണം ചെലവഴിക്കും. ഇത് മറ്റു മേഖലയ്ക്കും ഗുണം ചെയ്യും. സാധാരണക്കാരുടെ കൈവശം പണമെത്തുമ്പോള് ഗ്രാമീണ മേഖലയിലെ വിപണികളാണ് കൂടുതല് സജീവമാകുക.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google