രാഹുല്‍ പശുപാലനേയും 'കൊച്ചു സുന്ദരി'യേയും പൂട്ടിച്ചതാര്? എസ്എഫ്എം... ഇതാണ് ഉത്തരം

മലയാളികളുടെ ലൈംഗിക വൈകൃതങ്ങളെ തുറന്ന് കാണിയ്ക്കുന്നതിന് വേണ്ടിയാണ് ഫേസ്ബുക്കില്‍ സെക്ഷ്വലി ഫ്രസ്‌ട്രേറ്റഡ് മല്ലൂസ് എന്ന പേരില്‍ ഒരു പേജ് തുടങ്ങിയത്. ഓണ്‍ലൈനില്‍ മലയാളികള്‍ കാണിയ്ക്കുന്ന പല നാണം കെട്ട പരിപാടികളും ഇവര്‍ തുടര്‍ച്ചയായി പുറത്തുകൊണ്ടുവന്നു.

കൊച്ചു സുന്ദരികള്‍ എന്ന ഫേസ്ബുക്ക് പേജിനെതിരെ ആദ്യം രംഗത്ത് വരുന്നതും എസ്എഫ്എം
തന്നെയാണ്. 2015 മാര്‍ച്ച 14 നാണ് ഇത് സംബന്ധിച്ച് സൈബര്‍ സെല്ലില്‍ പരാതി നല്‍കുന്നത്.

എസ്എഫ്എമിന്റെ നേതൃത്വത്തിലുള്ള പരാതിയുടെ അടിസ്ഥാനത്തില്‍ ആ ഫേസ്ബുക്ക് ഗ്രൂപ്പ് പൂട്ടിയ്ക്കാന്‍ കഴിഞ്ഞു. പക്ഷേ അതിന് പിന്നില്‍ പ്രവര്‍ത്തിച്ചിരുന്നവരെ പിടികൂടാന്‍ കഴിഞ്ഞില്ല.

കൊച്ചു സുന്ദരികള്‍ എന്ന ഫേസ്ബുക്ക് പേജിന്റെ അഡ്മിന്‍ ആയിരുന്നു രാഹുല്‍ പശുപാലന്‍ എന്ന റിപ്പോര്‍ട്ടുകള്‍ തെറ്റാണ്. ഇതിന്റെ അഡ്മിന്‍ മലപ്പുറം സ്വദേശിയാണ്.

സൗദിയില്‍ ജോലി ചെയ്തിരുന്ന മലയാളിയായിരുന്നു കൊച്ചു സുന്ദരികള്‍ എന്ന ഫേസ്ബുക്ക് പേജിന്റെ അഡ്മിന്‍. ഇയാളും ഇപ്പോള്‍ അറസ്റ്റിലായിട്ടുണ്ട്.

രാഹുല്‍ പശുപാലനും രശ്മി ആര്‍ നായരും ഈ കേസില്‍ കുടുങ്ങുന്നത് തികച്ചും അപ്രതീക്ഷിതമായിട്ടാണെന്നും റിപ്പോര്‍ട്ടുകളുണ്ട്. കൊച്ചു സുന്ദരികള്‍ പേജുമായി ബന്ധപ്പെട്ട് നടത്തിയ അന്വേഷണങ്ങളാണ് രാഹുലില്‍ എത്തിയത്.

തങ്ങളുടെ പരാതിയുടെ ഫലമായാണ് ഇപ്പോഴത്തെ സംഭവ വികാസങ്ങളെന്ന് എസ്എഫ്എം തന്നെ വ്യക്തമാക്കുന്നുണ്ട്. രാഹുലും രശ്മിയും പിടിയിലായതില്‍ സന്തോഷവും രേഖപ്പെടുത്തുന്നു