• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

നിറപറയില്‍ അനുപമയെ മാറ്റാന്‍ കൊതി... പക്ഷേ ഭയം സോഷ്യല്‍ മീഡിയയെ?

തിരുവനന്തപുരം: കഴിഞ്ഞ ദിവസം മന്ത്രിസഭ യോഗം കഴിയുമ്പോള്‍ ഏവരും പ്രതീക്ഷിച്ചിരുന്ന ഒരു വാര്‍ത്തയുണ്ടായിരുന്നു- ഭക്ഷ്യ സുരക്ഷ കമ്മീഷണര്‍ ടിവി അനുപമ ഐഎഎസിനെ സ്ഥാനത്ത് നിന്ന് മാറ്റുമെന്ന്. എന്നാല്‍ അത് സംഭവിച്ചില്ല. എന്തായിരിയ്ക്കാം അതിന് കാരണം?

നിറപറയുടെ കറി പൗഡറുകളില്‍ മായം കണ്ടെത്തിയതും ഉത്പന്നങ്ങള്‍ നിരോധിച്ച് ഉത്തരവിട്ടതും ആയിരുന്നു അനുപമയെ നീക്കാന്‍ ചരടുവലികള്‍ നടക്കാന്‍ കാരണം. എന്നാല്‍ നവമാധ്യമങ്ങളില്‍ അനുപമയ്ക്ക് ലഭിച്ച പിന്തുണ സര്‍ക്കാരിനെ സമ്മര്‍ദ്ദങ്ങള്‍ക്ക് മുന്നില്‍ കീഴ്‌പെടുത്തുന്നതില്‍ നിന്ന് പിറകോട്ട് വലിച്ചു എന്ന് തന്നെ പറയാവുന്നതാണ്.

അനുപമയെ സ്ഥാനത്ത് നിന്ന് നീക്കാന്‍ കറിപൗഡറിന്റെ ബ്രാന്‍ഡ് അംബാസഡറായ ഒരു നടികൂടി ഇടപെട്ടിരുന്നു എന്നാണ് ചില മാധ്യമങ്ങള്‍ റിപ്പോര്‍ട്ട് ചെയ്യുന്നത്.

നിറപറയെ പൂട്ടി

നിറപറയെ പൂട്ടി

നിറപറയുടെ കറി പൗഡറുകള്‍ക്കെതിരെ വ്യാപക പരാതി ഉയര്‍ന്നതിനെ തുടര്‍ന്നാണ് പരിശോധന നടത്തിയത്. മുളക് പൊടിയിലും മഞ്ഞള്‍ പൊടിയിലും മല്ലിപ്പൊടിയിലും മായം കണ്ടെത്തുകയും ചെയ്തു.

പിന്‍വലിയ്ക്കാന്‍ ഉത്തരവ്

പിന്‍വലിയ്ക്കാന്‍ ഉത്തരവ്

ഇതേ തുടര്‍ന്നാണ് ഈ മൂന്ന് ഉത്പന്നങ്ങളും വിപണിയില്‍ നിന്ന് പിന്‍വലിയ്ക്കാന്‍ ഭക്ഷ്യസുരക്ഷ കമ്മീഷണല്‍ ടിവി അനുപമ ഉത്തരവിട്ടത്.

വിഷപച്ചക്കറി

വിഷപച്ചക്കറി

നിറപറയ്‌ക്കെതിരെ നടപടിയെടുക്കുന്നത് മുമ്പ് തന്നെ അനുപമ പലരുടേയും നോട്ടപ്പുള്ളിയാണ്. അമിത അളവില്‍ കീടനാശിനി ഉപയോഗിച്ച പച്ചക്കറികള്‍ കേരളത്തിലേയ്ക്ക് കടത്തുന്നതിനെതിരെ നടപടിയെടുക്കാന്‍ തുനിഞ്ഞതും അനുപമ തന്നെ ആയിരുന്നു.

ശക്തമായ ലോബികള്‍

ശക്തമായ ലോബികള്‍

പച്ചക്കറി ലോബിയും നിറപറയ്ക്ക വേണ്ടിയുള്ള മറ്റൊരു ലോബിയും അനുപമയെ സ്ഥാനത്ത് നിന്ന് നീക്കാന്‍ സര്‍ക്കാരിന് മേല്‍ ശക്തമായ സമ്മര്‍ദ്ദം ചെലുത്തിയിരുന്നു എന്നാണ് റിപ്പോര്‍ട്ടുകള്‍.

ആരാണ് ആ നടി?

ആരാണ് ആ നടി?

നിറപറയുടെ ബ്രാന്‍ഡ് അംബാസഡര്‍മാരില്‍ ഒരാളും പ്രമുഖ തെന്നിന്ത്യന്‍ നടിയും ആയ ഒരാളും സംസ്ഥാന സര്‍ക്കാരില്‍ സമ്മര്‍ദ്ദം ചെലുത്തിയെന്ന് ആക്ഷേപം ഉയരുന്നുണ്ട്.

രക്ഷിച്ചത് ടോമിന്‍ തച്ചങ്കരിയോ

രക്ഷിച്ചത് ടോമിന്‍ തച്ചങ്കരിയോ

കണ്‍സ്യൂമര്‍ഫെഡ് എംഡി ആയ ടോമിന്‍ തച്ചങ്കരിയെ മാറ്റുന്നത് സംബന്ധിച്ച വിവാദം കത്തി നില്‍ക്കുന്ന സമയത്താണ് അനുപമയെ മാറ്റാനും സമ്മര്‍ദ്ദം വരുന്നത്. തച്ചങ്കരി വിഷയത്തിനിടയില്‍ ഈ പ്രശ്‌നം മുങ്ങിപ്പോയതാണോ?

നവമാധ്യമങ്ങള്‍

നവമാധ്യമങ്ങള്‍

പച്ചക്കറി പരിശോധനയിലും, നിറപറ വിഷയത്തിലും നവമാധ്യമങ്ങളും സോഷ്യല്‍ മീഡിയയും അനുപയ്ക്ക് അകമഴിഞ്ഞ പിന്തുണയാണ് നല്‍കിയത്. സ്ഥാനത്ത് നിന്ന് മാറ്റാതിരിയ്ക്കാനുള്ള കാരണങ്ങളില്‍ ഒന്ന് ഇതാണെന്നും പറയാവുന്നതാണ്.

അങ്ങനെ ഒരു നീക്കമില്ല

അങ്ങനെ ഒരു നീക്കമില്ല

ഭക്ഷ്യ സുരക്ഷ കമ്മീഷണറെ മാറ്റുന്നതിനുള്ള ഒരു നീക്കവും നടക്കുന്നില്ലാണ് ആരോഗ്യമന്ത്രി പറയുന്നത്. കമ്മീഷണര്‍ എടുത്ത നടപടികളെല്ലാം തന്നെ തന്റെ ഓഫീസിന്റെ അറിവോടെയാണെന്നും അദ്ദേഹം പറഞ്ഞു.

English summary
What will happen to the Food Safety Commissioner of Kerala?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more