രാഹുലും രശ്മിയും ഒന്നുമല്ല, ഇതാ അച്ചായന്‍ ജോഷി... പെണ്‍വാണിഭത്തിന്റെ തലതൊട്ടപ്പന്‍

അച്ചായന്‍ ജോഷിയുമായി തങ്ങള്‍ക്ക് അടുത്ത ബന്ധമുണ്ടെന്ന് രാഹുലും രശ്മിയും പോലീസിനോട് പറഞ്ഞതായി റിപ്പോര്‍ട്ടുകളുണ്ടായിരുന്നു. എന്നാല്‍ ഇക്കാര്യത്തില്‍ ഇപ്പോഴും വ്യക്തതയില്ല.

ജോഷി ജോസഫിന്റെ തൊഴില്‍ പെണ്‍വാണിഭം തന്നെയാണെന്ന് പറയേണ്ടി വരും. ഇയാള്‍ വര്‍ഷങ്ങളായി ഇതുതന്നെയാണ് ചെയ്തുവരുന്നത്.

പ്രായപൂര്‍ത്തിയാകാത്ത പെണ്‍കുട്ടിയെ മാതാപിതാക്കള്‍ തന്നെ പെണ്‍വാണിഭത്തിലേയ്ക്ക് വലിച്ചിഴച്ച പറവൂര്‍ പെണ്‍വാണിഭ കേസിലും ഇയാള്‍ പ്രതിയാണ്. അഞ്ചാം പ്രതിയായിരുന്നു ജോഷി.

കോളിളക്കം സൃഷ്ടിച്ച വരാപ്പുഴ പെണ്‍വാണിഭ കേസിലും ജോഷി ജോസഫ് പ്രതിയായിരുന്നു. ഈ കേസില്‍ പെണ്‍കുട്ടിയെ എത്തിയ്ക്കുക മാത്രമല്ല, പീഡിപ്പിയ്ക്കുകയും ചെയ്തിട്ടുണ്ട് ഇയാള്‍.

രണ്ട് പെണ്‍വാണിഭ കേസുകളിലുമായി ഇയാള്‍ അഞ്ച് മാസത്തോളം ജയിലില്‍ കിടന്നിട്ടുണ്ട്. ജയില്‍ മോചിതനായ ശേഷം മറ്റൊരു പെണ്‍വാണിഭ കേസിലും ഇയാള്‍ ഉള്‍പെട്ടിട്ടുണ്ടെന്നാണ് റിപ്പോര്‍ട്ടുകള്‍.

പ്രായപൂര്‍ത്തിയാകാത്ത പെണ്‍കുട്ടികളെ എത്തിയ്ക്കുന്നവരില്‍ പ്രധാനിയാണ് ഇയാള്‍. ഇയാളുള്‍പ്പെട്ട കേസുകളെല്ലാം തന്നെ ഇത്തരത്തിലുള്ളതാണ്.

ജോഷി ജോസഫും മകന്‍ ജോയി ജോസഫും ഒരുമിച്ചാണ് പെണ്‍വാണിഭം നടത്തിയിരുന്നതെന്നും റിപ്പോര്‍ട്ടുകളുണ്ട്. തളിപ്പറമ്പില്‍ വച്ച് അച്ഛനും മകനും പെണ്‍വാണിഭത്തിന് അറസ്റ്റിലായിട്ടുണ്ടെന്നാണ് റിപ്പോര്‍ട്ടുകള്‍.

അച്ചായന്‍ ജോഷി കീഴടങ്ങിയത് സംബന്ധിച്ചും ചില കഥകള്‍ പ്രചരിയ്ക്കുന്നുണ്ട്. പറവൂര്‍ പെണ്‍വാണിഭ കേസിന്റെ വിചാരണയില്‍ ഹാജരാകേണ്ടതുകൊണ്ടാണത്രെ ജോഷി കീഴങ്ങിയത്.

അച്ചായന്‍ ജോഷി മാത്രമല്ല, മകനും പെണ്‍വാണി സംഘത്തിലുണ്ടെന്നാണല്ലോ റിപ്പോര്‍ട്ടുകള്‍. ഇയാള്‍ ഇപ്പോള്‍ എവിടെയാണെന്ന് അറിയില്ല.