ആരാണ് കേരളത്തിന്റെ പുതിയ ​ഗവർണർ‌ രാജേന്ദ്ര വിശ്വനാഥ് ആർലെകർ? വിശദമായി അറിയാം

കേരളത്തിന്റെ പുതിയ ​ഗവർണറായി രാജേന്ദ്ര വിശ്വനാഥ് ആർലെകർ നിയമിതനായിരിക്കുകയാണ്. ബീഹാറിന്റെ ​ഗവർണർ പദവിയിൽ നിന്നാണ് 70കാരനായ ആർലെകർ കേരള ​ഗവർണറായി എത്തുന്നത്. ചെറുപ്പം മുതൽ തന്നെ ആർ എസ് എസുമായി ബന്ധപ്പെട്ട പ്രവർത്തിക്കുന്ന വ്യക്തിയാണ് ആർലെകർ. 1989 ൽ ആണ് അദ്ദേഹം ബി ജെ പിയിൽ ചേർന്നത്.

1980 മുതൽ ​ഗോവയിലെ ബി ജെ പിയുടെ സജീവ അം​ഗമാണ്. ഗോവയിലെ ബി ജെ പിയുടെ ജനറൽ സെക്രട്ടറി സ്ഥാനം ഉൾപ്പെടെ പ്രധാനപ്പെട്ട പദവികൾ ആർലെകർ വഹിച്ചിട്ടുണ്ട്. ഗോവ വ്യാവസായിക വികസന കോർപ്പറേഷൻ ചെയർമാൻ, ​ഗോവ സംസ്ഥാമ പട്ടിക ജാതി - മറ്റ് പിന്നാക്ക വിഭാ​ഗങ്ങളുടെ സാമ്പത്തിക വികസന കോർപ്പറേഷൻ ചെയർമാൻ‌, ​ഗോവയിലെ ബി ജെ പി ജനറൽ സെക്രട്ടറി , സൗത്ത് ​ഗോവയിലെ ബി ജെ പി പ്രസിഡന്റ് എന്നി പദവികളും ആർലെകർ വഹിച്ചു.

2014 ൽ മനോഹർ പരീക്കർ കേന്ദ്ര പ്രതിരോധ മന്ത്രിയായപ്പോൾ അർലെക്കറെ അടുത്ത മുഖ്യമന്ത്രിയായി പരി​ഗണിച്ചിരുന്നുവെങ്കിലും ആർലെക്കറിന് പകരം ലക്ഷ്മികാന്ത് പാർസെക്കറെ പാർട്ടി തിരഞ്ഞെടുത്തു. ആർലെകർ സ്പീക്കറായിരുന്ന സമയത്താണ് രാജ്യത്തെ ആദ്യ കടലാസ് രഹതി നിയമസഭയായി ​ഗോവ മാറിയത്.

2015 ൽ മന്ത്രിസബാ പുന സംഘടാ വേളയിൽ അദ്ദേഹം പരിസ്ഥിതി, വനം മന്ത്രിയായി. 2021 ജൂലായ് 6 ന് ബന്ദാരി ദത്താത്രേയയെ ഹരിയാന ​ഗവർണറായി നിയമിച്ചപ്പോൾ അദ്ദേഹം ഹിമാചൽ പ്രദേശ് ​ഗവർണറായി. തുടർന്ന് ബീഹാറിന്റെ 29 ാമത് ​ഗവർണറായി. പ്രധാനമന്ത്രി നരേന്ദ്ര മോദിയുമായും ബി ജെ പി കേന്ദ്ര നേതൃത്വവുമായും വളരെ അടുത്ത ബന്ധം പുലർത്തുന്ന വ്യക്തിയാണ് ആർലെകർ.

അതേ സമയം, ദിവസങ്ങൾക്ക് മുൻപ് ആർലെകർ നടത്തിയ പരാമർശം വിവാദമായിരുന്നു. സത്യാ​ഗ്രഹം നടത്തിയത് കൊണ്ടോ പടച്ചട്ടകൾ കൊണ്ടോ അല്ല ബ്രിട്ടീഷുകാർ രാജ്യം വിട്ടത്, സാധരാണക്കാരായ ജനങ്ങളുടെ കൈകളിൽ തോക്കും ആയുധങ്ങളും കണ്ടോപ്പാഴാണ് എന്നായിരുന്നു അദ്ദേഹം പറഞ്ഞത്.

അതേ സമയം, കേരള ​ഗവർണറായി അഞ്ച് വർഷം തികച്ച ശേഷമാണ് ആരിഫ് മുഹമ്മദ് ഖാൻ ബീഹാർ ​ഗവർണറായി പോകുന്നത്. കേരള സൿക്കാറുമായി പല വിഷയങ്ങളിലും അദ്ദേഹത്തിന് എതിർപ്പ് ഉണ്ടായിരുന്നു. പലപ്പോഴും പരസ്യമായി തന്നെ എതിർപ്പ് പ്രകടിപ്പിക്കുകയും ചെയ്തിരുന്നു.