ഓണാഘോഷങ്ങള് മഴയില് കുളിക്കുമോ? പുതിയ ന്യുനമര്ദം: വരും ദിവസങ്ങളിലെ മഴ അലേര്ട്ടുകള് അറിയാം
തിരുവനന്തപുരം: സംസ്ഥാനത്ത് ഇനി ഓണാഘോഷത്തിന്റെ നാളുകളാണ്. എല്ലാവരും ഉറ്റുനോക്കുന്നത് വരും ദിവസങ്ങളിലെ കാലാവസ്ഥാ പ്രവചനത്തിലേക്കാണ്. കാരണം ഈ ആഴ്ച്ചയിലാണ് സ്കൂളുകളിലും വിവിധ സ്ഥാപനങ്ങളിലുമൊക്കെ ഓണാഘോഷം നടക്കാനിരിക്കുന്നത്. ഓണാഘോഷങ്ങള്ക്ക് മഴ ഒരു തടസമാകുമോ എന്നാണ് എല്ലാവരുടെയും ആശങ്ക. ഈ ആശങ്ക ശരിവച്ചുകൊണ്ട് നാളെ മുതല് മഴ ശക്തമാകുമെന്ന മുന്നറിയിപ്പാണ് കേന്ദ്ര കാലാവസ്ഥ വകുപ്പ് പുറപ്പെടുവിക്കുന്നത്.
അടുത്ത 48 മണിക്കൂറിനുള്ളില് വടക്കു പടിഞ്ഞാറന് ബംഗാള് ഉള്ക്കടലില് ഒഡീഷ-പശ്ചിമ ബംഗാള് തീരത്തിനു സമീപം പുതിയ ന്യുനമര്ദം രൂപപ്പെടാന് സാധ്യതയുള്ളതിനാല് സംസ്ഥാനത്ത് നാളെ (ചൊവ്വാഴ്ച്ച) മുതല് മഴ ശക്തമാകും. കേരളത്തില് അടുത്ത അഞ്ചു ദിവസം ഒറ്റപ്പെട്ട ശക്തമായ മഴയ്ക്ക് സാധ്യതയെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പുള്ളത്.
ഇന്ന് എല്ലാ ജില്ലകളിലും നേരിയ മഴയ്ക്ക് സാധ്യതയുണ്ട്. 26,27,28 തീയതികളില് കേരളത്തിലെ വിവിധ ജില്ലകളില് യെല്ലോ അലര്ട്ട് പ്രഖ്യാപിച്ചു. ചൊവ്വാഴ്ച (നാളെ) ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലും ബുധനാഴ്ച എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്. അതേസമയം, അതിതീവ്ര മഴ മുന്നറിയിപ്പുകളായ ഓറഞ്ച്, റെഡ് അലേര്ട്ടുകള് പ്രഖ്യാപിച്ചിട്ടില്ല എന്നതാണ് ഏറെ ആശ്വാസകരം.
27-ന് എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് എന്നീ ജില്ലകളിലും 28-ന് കോഴിക്കോട്, വയനാട്, കണ്ണൂര്, കാസര്ഗോഡ്
എന്നീ ജില്ലകളിലും യെല്ലോ അലര്ട്ടാണ് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്.
24 മണിക്കൂറിനുള്ളില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നതു കൊണ്ട് അര്ത്ഥമാക്കുന്നത്.
മത്സ്യത്തൊഴിലാളികള്ക്ക് ജാഗ്രതാ നിര്ദേശം
കേരള-കര്ണാടക-ലക്ഷദ്വീപ് തീരങ്ങളില് നാളെ മുതല് 28 വരെ മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഈ ദിവസങ്ങളില് കേരള-കര്ണാടക-ലക്ഷദ്വീപ് തീരങ്ങളില് മണിക്കൂറില് 40 മുതല് 50 കിലോമീറ്റര് വരെയും ചില അവസരങ്ങളില് 60 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. അതിനാലാണ് ജാഗ്രതാ നിര്ദേശം.
Click it and Unblock the Notifications
Sign in with Google