കാറ്റ് വലത്തോട്ട്-യുഡിഎഫ് വടക്കൻ വീരഗാഥ രചിച്ചേക്കും; മലപ്പുറം ‘ക്ലീൻ സ്വീപ്പി’ലേക്കോ?

ഇത്തവണ യുഡിഎഫ് വടക്കൻ വീരഗാഥ രചിച്ചാൽ അത്ഭുതപ്പെടേണ്ടതില്ല എന്നാണ് അവസാന ലാപ്പിലെ ട്രെൻഡ് സൂചിപ്പിക്കുന്നത്. വടക്കൻ ജില്ലകളിൽ കാറ്റിന് പ്രിയം വലത്തോട്ട് വീശാനാണ്. ലോ​ക്സ​ഭ-തദ്ദേശ തെ​ര​ഞ്ഞെ​ടു​പ്പുകൾക്ക് സമാനമായി ഇവിടങ്ങളിൽ ശക്തമായ തിരിച്ചുവരവിന്റെ പാതയിലാണ് യുഡിഎഫ്. ഇടത് ശ​ക്തി​കേ​ന്ദ്ര​ങ്ങ​ളാ​യ ക​ണ്ണൂ​രും കോ​ഴി​ക്കോ​ടു​മെ​ല്ലാം ശക്താമയ മ​ത്സ​രമാണ് ഇത്തവണ. മലപ്പുറം 'ക്ലീൻ സ്വീപ്പി’ലേക്ക് പോയാലും അത്ഭുതപ്പെടേണ്ടതില്ല. കാ​സ​ർ​കോ​ട്, വ​യ​നാട് ജില്ലകളിൽ വ​ലി​യ മാ​റ്റ​ങ്ങ​ൾ പ്ര​തീ​ക്ഷിക്കേണ്ടതുമില്ല.

മലബാർ മേ​ഖ​ല​യി​ൽ അ​ഞ്ച്​ ജി​ല്ല​ക​ളി​ലാ​യി മൊ​ത്തം 48 മ​ണ്ഡ​ല​ങ്ങ​ളു​ള്ള​തി​ൽ 24 ഇടത്തും സാഹചര്യങ്ങൾ യു​ഡി​എ​ഫി​ന് അനുകൂലമാണ്. 10 മ​ണ്ഡ​ല​ങ്ങളിലെ ജയം സംബന്ധിച്ച് ഇടതിന് സംശയിക്കേണ്ടതേയില്ല. 14 മ​ണ്ഡ​ല​ങ്ങ​ളി​ൽ ഇ​രു മു​ന്ന​ണി​ക​ളും ബ​ലാ​ബ​ല​ത്തി​ലാ​ണ്. കാസർകോട് അ​ഞ്ചു​ മ​ണ്ഡ​ല​ങ്ങളിലും നി​ല​വി​ലെ അ​വ​സ്ഥ തു​ട​രാ​നാ​ണ്​ സാ​ധ്യ​ത. കാ​സ​ർ​കോ​ടും മ​ഞ്ചേ​ശ്വ​ര​വും യു​ഡി​എ​ഫി​നെ കൈ​വി​ടി​ല്ലെ​ന്ന​ സൂചനകളാണുള്ളത്. ഉ​ദു​മ​, കാ​ഞ്ഞ​ങ്ങാട്, തൃ​ക്ക​രി​പ്പൂർ മണ്ഡലങ്ങളിൽ അ​ട്ടി​മ​റി പ്ര​തീ​ക്ഷി​ക്കു​ന്നി​ല്ലെ​ങ്കി​ലും തൃ​ക്ക​രി​പ്പൂ​രി​ൽ സ​ന്ദീ​പ്​ വാ​​ര്യ​ർ ഉണ്ടാക്കുന്ന ഓളം ഇടത് പാളയത്തിൽ അസ്വസ്ഥതക്ക് ഇടയാക്കുന്നുണ്ട്.

കണ്ണൂരിൽ ഇത്തവണ വിമത നേതാക്കളുണ്ടാക്കുന്ന ഭീഷണി എൽഡിഎഫിന്, പ്രത്യേകിച്ച് സിപിഎമ്മിന്, പിരിമുറുക്കം സമ്മാനിച്ചിട്ടുണ്ട്. എങ്കിലും ജില്ലയിലെ 11 മണ്ഡലങ്ങളിലും വലിയ അട്ടിമറികളൊന്നും നടന്നേക്കില്ല. ഇരിക്കൂറും പേരാവൂരും നിലനിർത്തുന്നതിനൊപ്പം കണ്ണൂർ പിടിച്ചെടുക്കാനാകുമെന്ന ആത്മവിശ്വാസത്തിലാണ് യുഡിഎഫ്. വി​മ​ത സ്ഥാ​നാ​ർ​ഥി​ക​ളു​ടെ സാ​ന്നി​ധ്യം​കൊ​ണ്ട്​ ശ്ര​ദ്ധേ​യ​മാ​യ പ​യ്യ​ന്നൂ​രും ത​ളി​പ്പ​റ​മ്പും കടുത്ത മത്സരമാണ് യുഡിഎഫ് കാഴ്ചവെക്കുന്നത്. പാർട്ടിക്കകത്തെ അസംതൃപ്തരുടെ വോട്ട് യുഡിഎഫ് പ്രതീക്ഷിക്കുന്നുമുണ്ട്. കൂത്തുപറമ്പിൽ മുസ്ലിം ലീഗിന്റെ വനിത സ്ഥാനാർഥി ജയന്തി രാജൻ ശക്തമായ വെല്ലുവിളി ഉയർത്തുന്നുണ്ടെങ്കിലും മു​ൻ​തൂ​ക്കം എ​ൽഡി​എ​ഫിന്റെ പ്ര​വീ​ൺ​കു​മാ​റി​നു ത​ന്നെ​യാ​ണ്. അ​ഴീ​ക്കോ​ട് മണ്ഡലത്തിലും​ എ​ൽ​ഡി​എ​ഫി​ലെ കെ.​വി. സു​മേ​ഷും യു​ഡി​എ​ഫിലെ അ​ബ്​​ദു​ൽ ക​രീം ചേ​ലേ​രിയും കടുത്ത പോരാട്ടത്തിലാണ്. ഇടത് കയ്യാളുന്ന ക​ല്യാ​ശ്ശേ​രി, ത​ല​ശ്ശേ​രി, മു​ഖ്യ​മ​ന്ത്രി മത്സരിക്കുന്ന ധ​ർ​മ​ടം, മ​ട്ട​ന്നൂ​ർ മ​ണ്ഡ​ല​ങ്ങ​ൾ​ക്ക്​ ഭീ​ഷ​ണി​​യൊ​ന്നു​മി​ല്ല.

വ​യ​നാ​ട്ടി​ൽ നിലവിലെ 2-1 എ​ന്ന അ​വ​സ്ഥയിൽ മാറ്റം വരാൻ സാധ്യതയില്ല. ക​ൽ​പ​റ്റ​യി​ൽ ടി. ​സി​ദ്ദീ​ഖി​നും സു​ൽ​ത്താ​ൻ ബ​ത്തേ​രി​യി​ൽ ഐ.​സി. ബാ​ല​കൃ​ഷ്ണ​നും തുടരാനിടയുണ്ട്. മാനന്തവാടിയിൽ ഉഷ വിജയൻ നല്ല മത്സരം കാഴ്ച വെക്കുന്നുണ്ടെങ്കിലും മ​ന്ത്രി ഒ.​ആ​ർ. കേ​ളു മൂ​ന്നാം വ​ട്ട​വും മണ്ഡലം നി​ല​നി​ർ​ത്തു​മെ​ന്നാ​ണ്​ ക​രു​തു​ന്ന​ത്. മലപ്പുറത്തെ 16 മണ്ഡലങ്ങളിലെയും ട്രെൻഡ് പരിശോധിച്ചാൽ ജയിക്കുമെന്ന് എൽഡിഎഫിന് ഉറപ്പുള്ള ഒരു മണ്ഡലം പോലും ഇല്ല എന്ന് ത​ന്നെ വിലയിരുത്തേണ്ടി വരും.

യുഡിഎഫിന്റെ 'ക്ലീൻ സ്വീപ്പ്’ ഒഴിവാക്കാൻ പൊന്നാനി മാത്രമാണ് ഇടതിനെ സഹായിച്ചേക്കുക. ഇവിടെ എൽഡിഎഫിന്റെ എം.​കെ. സ​ക്കീ​റി​ന്​ കടുത്ത വെല്ലുവിളി ഉയർത്താൻ കെ.​പി. നൗ​ഷാ​ദ​ലി​ക്ക്​ ക​ഴിയുന്നു​ണ്ട്. തവനൂരിൽ കെ.​ടി. ജ​ലീ​ലിന്റെ ആത്മവിശ്വാസം കെടുത്തി യുഡി​എ​ഫി​ന്‍റെ വി.​എ​സ്. ജോ​യ്​ ശ​ക്ത​മാ​യ മു​ന്നേ​റ്റ​മാ​ണ്​ ന​ട​ത്തു​ന്ന​ത്. താ​നൂ​രി​ൽ​നി​ന്ന്​ തി​രൂ​രി​ലേ​ക്ക്​ കൂ​ടു​മാ​റി​യ മ​ന്ത്രി വി. ​അ​ബ്​​ദു​റ​ഹ്​​മാ​ന്​ കു​റു​ക്കോ​ളി മൊ​യ്തീ​നെ​തി​രെ വ​ലി​യ ച​ല​ന​മൊ​ന്നും ഉ​ണ്ടാ​ക്കാ​നാ​യി​ട്ടി​ല്ല. എ​ൽ​ഡി​എ​ഫി​ന് പ്രതീക്ഷയുണ്ടായിരുന്ന പെ​രി​ന്ത​ൽ​മ​ണ്ണ ന​ജീ​ബ്​ കാ​ന്ത​പു​രം വിട്ടുകൊടുക്കാനിടയില്ല.

നി​ല​വി​ൽ 11-2 എന്ന അവസ്ഥയിലുള്ള കോഴിക്കോട് ജില്ലയിൽ പല മ​ണ്ഡ​ല​ങ്ങളിലും യുഡിഎഫ് തിരിച്ചുവരവിന്റെ ലക്ഷണങ്ങൾ കാണിക്കുന്നുണ്ട്. കൊ​ടു​വ​ള്ളി​, വ​ട​ക​ര, കു​റ്റ്യാ​ടി എന്നിവിടങ്ങളിൽ കാറ്റ് ​യുഡി​എ​ഫി​ന്​ അ​നു​കൂ​ല​മാണ്. ശ​ക്ത​മാ​യ മ​ത്സ​രം ന​ട​ക്കു​ന്ന കോ​ഴി​ക്കോ​ട്​ നോ​ർ​ത്ത്, സൗ​ത്ത്, കു​ന്ദ​മം​ഗ​ലം, കൊ​യി​ലാ​ണ്ടി, നാ​ദാ​പു​രം, പേ​രാ​മ്പ്ര, എ​ല​ത്തൂ​ർ മ​ണ്ഡ​ല​ങ്ങ​ളി​ൽ എ​ന്തും സം​ഭ​വി​ക്കാം. ബാ​ലു​ശ്ശേ​രി​ എ​ൽ​ഡി​എ​ഫിന്റെ​ സ​ച്ചി​ൻ ദേവ് നിലനിർത്തും. യു​ഡി​എ​ഫ്​ ത​രം​ഗം വീ​ശി​യി​ല്ലെ​ങ്കി​ൽ തി​രു​വ​മ്പാ​ടി ലി​ന്‍റോ ജോ​സ​ഫും ബേപ്പൂർ മന്ത്രി പി.എ. മുഹമ്മദ് റിയാസും​ നി​ല​നി​ർ​ത്തി​യേ​ക്കും. ശ്ര​ദ്ധേ​യ മ​ത്സ​രം ന​ട​ക്കു​ന്ന ​ബേ​പ്പൂ​രി​ൽ ശ​ക്ത​മാ​യ ഭീ​ഷ​ണി ഉ​യ​ർ​ത്താ​ൻ പി.​വി. അ​ൻ​വ​റി​ന് കഴിയുന്നുണ്ടെങ്കിലും അട്ടിമറി പ്രതീക്ഷിക്കേണ്ടതില്ല എന്ന അവസ്ഥയാണ്.

English summary

Wind Blowing To The Right UDF May Script A Northern Comeback; Malappuram Headed For A Clean Sweep?