ലഘുലേഖ വിതരണം: അവര് ചെയ്തത്...വിസ്ഡം ഗ്ലോബല് മിഷന് ചിലത് പറയാനുണ്ട്
പിടിച്ചെടുത്തവ പരിശോധിക്കാന് പോലും പോലീസ് തയ്യാറായില്ലെന്ന് ആരോപണം
എറണാകുളം: വീടുകളില് ലഘുലേഖ വിതരണം ചെയ്തതിനെ തുടര്ന്ന് കഴിഞ്ഞ ദിവസം പറവൂരില് വച്ച് നിരവധി പേരെ അറസ്റ്റ് ചെയ്തിരുന്നു. മുജാഹിദിന്റെ സംഘടനയായ വിസ്ഡം ഗ്ലോബല് മിഷന് പ്രവര്ത്തകരെയാണ് പോലീസ് അറസ്റ്റ് ചെയ്തത്. എന്നാല് തീവ്രവാദ സംഘടനയായ ഐസിസിനെതിരേ പ്രചാരണം നടത്തിയവരെയാണ് അറസ്റ്റ് ചെയ്തിരിക്കുന്നതെന്ന് വിസ്ഡം ഗ്ലോബല് മിഷന് അറിയിച്ചു. പിടിച്ചെടുത്ത ലഘുലേഖകള് പരിശോധിക്കാന് പോലും പോലീസ് തയ്യാറായില്ലെന്നും അവര് ആരോപിച്ചു.
സ്പീക്കര് ജി കാര്ത്തികേയന് ഉദ്ഘാടനം ചെയ്ത് വിഎസ് അച്യുതാനന്ദന്, ഒ രാജഗോപാല്, കെ സുരേന്ദ്രന് എന്നിവരടക്കമുള്ള നേതാക്കള്ക്കു വിതരണം ചെയ്ത ലഘുലേഖ തന്നെയാണ് വീടുകളിലും വിതരണം ചെയ്തതെന്ന് വിസ്ഡം ഗ്ലോബല് മിഷന്ചൂണ്ടിക്കാട്ടുന്നു.
മതവിദ്വേഷമുണ്ടാക്കാന് ശ്രമം നടത്തിയെന്ന കുറ്റം ചുമത്തിയാണ് 39 മുജാഹിദ് പ്രവര്ത്തകരെ അറസ്റ്റ് ചെയ്തത്. അറസ്റ്റ് ചെയ്യപ്പെട്ട മുഴുവന് പേരെയും കോടതി റിമാന്ഡ് ചെയ്തതിനെ തുടര്ന്നു ജയിലിലേക്കു മാറ്റി.