മതസ്പർദ്ധ വളർത്തുന്ന ലഘുലേഖ; 40 മുജാഹിദ് പ്രവർത്തകർക്ക് കോടതി ജാമ്യം അനുവദിച്ചു...
എറണാകുളം പ്രിൻസിപ്പൽ സെഷൻസ് കോടതിയാണ് അറസ്റ്റിലായ 40 മുജാഹിദ് പ്രവർത്തകർക്ക് ജാമ്യം അനുവദിച്ചത്.
കൊച്ചി: മതസ്പർദ്ധ വളർത്തുന്ന ലഘുലേഖകൾ വിതരണം ചെയ്തെന്ന് ആരോപിച്ച് പോലീസ് അറസ്റ്റ് ചെയ്ത മുജാഹിദ് പ്രവർത്തകർക്ക് ജാമ്യം അനുവദിച്ചു. എറണാകുളം പ്രിൻസിപ്പൽ സെഷൻസ് കോടതിയാണ് അറസ്റ്റിലായ 40 മുജാഹിദ് പ്രവർത്തകർക്ക് ജാമ്യം അനുവദിച്ചത്.
ഗുരുവായൂർ; പാൽപ്പായസത്തിൽ എലിവിഷം കലർത്തി നാലംഗ കുടുംബം ആത്മഹത്യയ്ക്ക് ശ്രമിച്ചു, കുട്ടി മരിച്ചു...
ഒരു കൊച്ചി മെട്രോ പ്രണയകഥ! ഒടുവിൽ വിവാഹവും, നവദമ്പതികൾക്ക് ആശംസകളുമായി കെഎംആർഎൽ...
പറവൂർ വടക്കേക്കര, ചിറ്റാറ്റുകര, ചേന്ദമംഗലം ഭാഗങ്ങളിലെ വീടുകളിൽ കയറി വിസ്ഡം ഗ്ലോബൽ സംഘടനയുടെ നേതൃത്വത്തിൽ മതപ്രചരണ ലഘുലേഖകൾ വിതരണം ചെയ്തതിനാണ് നാൽപ്പതോളം മുജാഹിദ് പ്രവർത്തകരെ പോലീസ് അറസ്റ്റ് ചെയ്തത്. നേരത്തെ പറവൂർ മജിസ്ട്രേറ്റ് കോടതിയിൽ നൽകിയ ജാമ്യാപേക്ഷ തള്ളിയതിനെ തുടർന്നാണ് മുജാഹിദ് പ്രവർത്തകർ എറണാകുളം സെഷൻസ് കോടതിയെ സമീപിച്ചത്.
വടക്കേക്കരയിൽ ലഘുലേഖകൾ വിതരണം ചെയ്ത നാലു മുജാഹിദ് പ്രവർത്തകരെ നാട്ടുകാരിൽ ചിലർ തടഞ്ഞുവെച്ചതോടെയാണ് സംഭവങ്ങളുടെ തുടക്കം. വീടുകളിലെത്തിയ ഇവർ മതസ്പർദ്ധ വളർത്തുന്ന രീതിയിൽ പ്രകോപനപരമായി സംസാരിച്ചെന്നും നാട്ടുകാർ ആരോപിച്ചിരുന്നു. വടക്കേക്കരയിൽ നാലുപേരെ നാട്ടുകാർ തടഞ്ഞുവെച്ചതോടെ സമീപപ്രദേശങ്ങളിൽ പ്രചരണം നടത്തിയിരുന്ന മറ്റു പ്രവർത്തകരെയും തടഞ്ഞുവെച്ച് പോലീസിൽ ഏൽപ്പിക്കുകയായിരുന്നു.
അവസാന ഹിന്ദുവിന്റെ ശവത്തിൽ ചവിട്ടിയിട്ടേ പള്ളി പൊളിക്കൂ! ടിജി മോഹൻദാസിനെ എടുത്തെറിഞ്ഞ് രാഹുൽ ഈശ്വർ
മലപ്പുറത്ത് താലിബാൻ കോടതി പ്രവർത്തിക്കുന്നു! വിപിന്റെ കൊലപാതകം താലിബാൻ കോടതിയുടെ വധശിക്ഷ...
നാട്ടുകാർ വിവരമറിയിച്ചതിനെ തുടർന്ന് സ്ഥലത്തെത്തിയ പോലീസാണ് നാൽപ്പതോളം മുജാഹിദ് പ്രവർത്തകരെ അറസ്റ്റ് ചെയ്തത്. ഇതിനിടെ, പ്രദേശത്തെ ആർഎസ്എസ്-ബിജെപി പ്രവർത്തകർ സംഘം ചേർന്ന് മുജാഹിദുകളെ ആക്രമിക്കുകയും ചെയ്തിരുന്നു. മുജാഹിദുകളെ അക്രമിച്ച ഏഴ് ബിജെപി പ്രവർത്തകരെ പോലീസ് പിന്നീട് അറസ്റ്റ് ചെയ്ത് ജാമ്യത്തിൽ വിട്ടയച്ചിരുന്നു.