കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ചെലവിന് നല്‍കിയില്ല: യുവതി ഭര്‍ത്താവിന്റെ വീട് തകര്‍ത്തു

  • By Aswathi
Google Oneindia Malayalam News

തലശ്ശേരി: ചെലവിന് പണം നല്‍കാത്ത ഭര്‍ത്താവിന്റെ വീട് അടിച്ചു തകര്‍ത്ത് യുവതി പോലീസ് സ്‌റ്റേഷനില്‍ ഹാജരായി. കഴിഞ്ഞ ദിവസം വൈകിട്ടാണ് സംഭവം. തനിക്കും മകള്‍ക്കും ചെലവിന് പണം നല്‍കാത്ത ഭര്‍ത്താവിന്റെ വീട് യുവതി അടിച്ചു തകര്‍ത്തു.

കോഴിക്കോട് നിന്ന് തലശ്ശേരി എത്തിയ യുവതി വീടിന്റെ ചില്ല് പൂര്‍ണമായും അടിച്ചു തകര്‍ക്കുകയും നിലത്തെ ഗ്രാനൈറ്റുകള്‍ കുത്തിപൊട്ടിക്കുകയും ചെയ്തു. പിന്നീട് തലശ്ശേരി പൊലീസ് സ്റ്റേഷനിലെത്തി കാര്യങ്ങള്‍ പറഞ്ഞ ശേഷം മടങ്ങിപ്പോയി.

attack

ഭര്‍ത്താവ് തനിക്കും മകള്‍ക്കും ചെലവിന് നല്‍കുന്നില്ലെന്ന് പറഞ്ഞ് യുവതി തലശ്ശേരി പൊലീസ് സ്റ്റേഷനില്‍ നേരത്തെ പരാതി നല്‍കിയിരുന്നു. ഇതേ തുടര്‍ന്ന് പൊലീസ് ഇരുവരെയും സ്റ്റേഷനില്‍ വിളിച്ചുവരുത്തി ചെലവിന് പണം നല്‍കുന്നത് സംബന്ധിച്ച ധാരണയിലെത്തുകയും ചെയ്തു. എന്നിട്ടും പണം നല്‍കാത്തതിന് തുടര്‍ന്നാണ് യുവതിയുടെ പരാക്രമം.

തിങ്കളാഴ്ച യുവതി ഭര്‍തൃവീട്ടുകാരെ ഫോണില്‍ വിളിച്ച് അടുത്ത ദിവസം താന്‍ അങ്ങോട്ട് വരും എന്ന് അറിയിച്ചിരുന്നുവത്രെ. എന്നാല്‍ ചൊവ്വാഴ്ച യുവതി വീട്ടില്‍ വന്നപ്പോള്‍ വാതില്‍ അടഞ്ഞുകിടക്കുകയായിരുന്നു. ഇതോടെ പ്രകോപിതയായ യുവതി വീട് ആക്രമിക്കുകയായിരുന്നു.

സംഭവത്തിനെതിരെ ഭര്‍ത്താവിന്റെ വീട്ടുകാര്‍ പരാതി നല്‍കി. തങ്ങള്‍ അമ്പലത്തില്‍ പോയിരിക്കുകയായിരുന്നെന്നും തിരികെ വന്നപ്പോഴാണ് വീട് ആക്രമിക്കപ്പെട്ട നിലയില്‍ കണ്ടതെന്നും ഭര്‍തൃമാതാവ് ടൗണ്‍ പൊലീസില്‍ പരാതി നല്‍കി.

English summary
Woman attacked husband's home, he didn't gave money for their expense
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X