Click it and Unblock the Notifications
Just In
Don't Miss
-
IPL 2024: ആദ്യ 16 ബോളില് 31, അടുത്ത 21 ബോളില് 19! വീണ്ടും ഫിഫ്റ്റിക്കു കളിച്ച് കോലി, വിമര്ശനം -
നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം -
'അഞ്ച് ദിവസമായി ആശുപത്രിയിലായിരുന്നു, ഹെൽത്ത് ഇഷ്യു ഇല്ലായിരുന്നുവെങ്കിൽ ചിലപ്പോൾ കപ്പ് അടിച്ചേനെ' -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പലിശക്കുവാങ്ങിയ പണത്തിന്റെ പേരില്‍ യുവതിയെ കെട്ടിയിട്ട് മര്‍ദിച്ച കേസില്‍ വിചാരണ തുടങ്ങി
കാഞ്ഞങ്ങാട്: പലിശക്കുവാങ്ങിയ പണത്തിന്റെ പേരില്‍ യുവതിയെ ജനലില്‍ കെട്ടിയിട്ട് മര്‍ദ്ദിക്കുകയും ഭീഷണിപ്പെടുത്തുകയും ചെയ്ത കേസിന്റെ വിചാരണ കോടതിയില്‍ ആരംഭിച്ചു. നീലേശ്വരം കരുവാച്ചേരിയിലെ നവാസിന്റെ ഭാര്യ കെ.പി ഹസീനയെ(23) മര്‍ദ്ദിച്ച കേസിലാണ് അമ്പലത്തറ പാറപ്പള്ളിയിലെ ഷാഫി(34), ഭാര്യ ഷെമീമ(23), പാറപ്പള്ളിയിലെ നൗഷാദിന്റെ ഭാര്യ ഷെഹര്‍ബാനു(21) എന്നിവര്‍ക്കെതിരെ ഹൊസ്ദുര്‍ഗ് ജുഡീഷ്യല്‍ ഒന്നാംക്ലാസ് മജിസ്‌ട്രേട്ട് (ഒന്ന്) കോടതിയില്‍ വിചാരണ ആരംഭിച്ചത്. 2014 ഫെബ്രുവരി മൂന്നിനാണ് കേസിനാസ്പദമായ സംഭവം.
ഹസീന ഭര്‍ത്താവിനും രണ്ട് മക്കള്‍ക്കുമൊപ്പമാണ് താമസം. സഹോദരിയുടെ വിവാഹാവശ്യത്തിനായി ഹസീന ഇളയമ്മയായ പാറപ്പള്ളിയിലെ നഫീസയില്‍ നിന്നും നാല് ലക്ഷം രൂപയും സ്വര്‍ണവും പലിശപ്രകാരം വാങ്ങിയിരുന്നു. മുതലടക്കം ആറുലക്ഷത്തോളം രൂപ ഹസീന നഫീസക്ക് തിരിച്ചുനല്‍കി. ഇനിയും പലിശ നല്‍കാനുണ്ടെന്ന് നഫീസ പറഞ്ഞപ്പോള്‍ ഹസീന അത് നിഷേധിച്ചു. ഇതോടെ നഫീസയുടെ മകളായ ഷെമീമയും ഷെഹര്‍ബാനുവും ഹസീനയെ തടഞ്ഞുവെച്ച് ചില മുദ്രപത്രങ്ങളില്‍ ഒപ്പുവെക്കാന്‍ ആവശ്യപ്പെട്ടു.
വിസമ്മതിച്ചപ്പോള്‍ ഇരുവരും ചേര്‍ന്ന് ഹസീനയുടെ കൈകള്‍ ഷാള്‍ കൊണ്ട് ജനലില്‍ ബന്ധിക്കുകയും മര്‍ദ്ദിക്കുകയും ചവിട്ടുകയും ചെയ്തു. ഷാഫി ഹസീനയുടെ മുടി കുത്തിപ്പിടിച്ച് തല ചുമരിനിടിക്കുകയായിരുന്നു. പിന്നീട് അന്വേഷണം പൂര്‍ത്തിയാക്കിയ ശേഷം കോടതിയില്‍ കുറ്റപത്രം സമര്‍പ്പിക്കുകയായിരുന്നു.
