Click it and Unblock the Notifications
Just In
Don't Miss
-
T20 World Cup 2024: ഹാര്ദിക്കാണോ ശരിക്കും ലോകകപ്പില് വേണ്ടത്? കണക്കുകള് നോക്കൂ, ആരെന്ന് വ്യക്തം -
വിഷം കുത്തിവെച്ച് പഴുപ്പിച്ച മാങ്ങ എങ്ങനെ തിരിച്ചറിയാം, അവ ഉണ്ടാക്കുന്ന ആരോഗ്യപ്രശ്നങ്ങള് എന്തെല്ലാം? -
പണത്തിന് ആവശ്യമുണ്ടോ, 5 ലക്ഷം പേഴ്സണൽ ലോണെടുക്കാം, കുറഞ്ഞ പലിശ ഈ ബാങ്കിലാണ് -
'മൊയന്താണ് ഗബ്രി, അവന് വേണ്ടി ജാസ്മിൻ എന്തിന് ഫൈറ്റ് ചെയ്യുന്നുവെന്ന് അറിയില്ല, ഗബ്രി ഔട്ടായിരുന്നെങ്കിൽ..!' -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും! -
പുത്തൻ എമിഷൻ ചട്ടം വന്നാൽ പണി ആർക്കൊക്കെ, എണ്ണകമ്പനികളും വാഹന നിർമാതാക്കളും ഒന്നിച്ചു നിന്നാൽ ഗുണമുണ്ട് -
ഈ സെറ്റപ്പൊന്നും ഐഫോണിൽ പോലും ഇല്ലകേട്ടോ! PolarAce ഇമേജിംഗ് സിസ്റ്റവുമായി ടെക്നോ 5G ഫോൺ എത്തി
തിരുവനന്തപുരത്ത് വീട്ടമ്മ ആത്മഹത്യ ചെയ്തു; കാരണം കുരങ്ങനും!അന്തം വിടേണ്ട, സംഗതി സത്യമാണ്...
കത്തിപ്പാറ പ്രദേശത്ത് കുരങ്ങ് ശല്യം രൂക്ഷമാണെന്ന് നേരത്തെ പരാതിയുയര്‍ന്നിരുന്നു.
തിരുവന്തപുരം: തിരുവനന്തപുരത്ത് വീട്ടമ്മ ആത്മഹത്യ ചെയ്തത് കുരങ്ങു ശല്യം കാരണമെന്ന് ബന്ധുക്കള്‍. നെയ്യാറ്റിന്‍കര കത്തിപ്പാറ സ്വദേശിനിയും തെക്കേക്കര പുത്തന്‍വീട്ടില്‍ പരേതനായ മുത്തയ്യന്റെ ഭാര്യയുമായ പുഷ്പാഭായി(52)യാണ് ആത്മഹത്യ ചെയ്തത്. ഫെബ്രുവരി 9 വെള്ളിയാഴ്ച പുലര്‍ച്ചെയാണ് ഇവരെ വീട്ടിനുള്ളില്‍ ആസിഡ് കഴിച്ച് ആത്മഹത്യ ചെയ്ത നിലയില്‍ കണ്ടെത്തിയത്.
കത്തിപ്പാറ പ്രദേശത്ത് കുരങ്ങ് ശല്യം രൂക്ഷമാണെന്ന് നേരത്തെ പരാതിയുയര്‍ന്നിരുന്നു. ഈ പ്രദേശത്തെ നിരവധി പേര്‍ക്ക് കുരങ്ങുകളുടെ ആക്രമണത്തില്‍ പരിക്കേല്‍ക്കുകയും ചെയ്തിരുന്നു. കുരങ്ങന്മാര്‍ വീട്ടിനുള്ളില്‍ കയറി ആഹാര സാധനങ്ങള്‍ നശിപ്പിക്കുന്നതും ഇവിടെ നിത്യസംഭവമാണെന്ന് നാട്ടുകാര്‍ പറയുന്നു. പുഷ്പാഭായിയുടെ വീട്ടിലും കുരങ്ങു ശല്യം രൂക്ഷമായിരുന്നു. ഇവരുടെ വീട്ടിലെ ആഹാര സാധനങ്ങളും മറ്റും കുരങ്ങന്മാര്‍ ദിവസവും നശിപ്പിച്ചിരുന്നു. ഇതുകാരണമുണ്ടായ മനോവിഷമത്തെ തുടര്‍ന്നാണ് വീട്ടമ്മ ആത്മഹത്യ ചെയ്തതെന്നാണ് പോലീസും പറയുന്നത്.
മകനോടൊപ്പം താമസം...
ഒരു വര്‍ഷം മുന്‍പുണ്ടായ അപകടത്തിലാണ് പുഷ്പാഭായിയുടെ ഭര്‍ത്താവ് മുത്തയ്യന്‍ മരണപ്പെടുന്നത്. തുടര്‍ന്ന് മകന്റെ വരുമാനത്തിലാണ് ഇവര്‍ ജീവിച്ചിരുന്നത്. ഇതിനിടയിലാണ് മേഖലയില്‍ വാനര ശല്യം രൂക്ഷമാകുന്നത്.
പലരും വീട് വിട്ടു പോയി...
കത്തിപ്പാറ മേഖലയിലെ കുരങ്ങ് ശല്യം അതിരൂക്ഷമാണ്. വീടുകളിലെ ആഹാര സാധനങ്ങള്‍ നശിപ്പിക്കുന്നതും മറ്റു സാധനങ്ങള്‍ക്ക് കേടുപാടുണ്ടാക്കുന്നതും നിത്യസംഭവമാണ്. കുരങ്ങു ശല്യം അസഹനീയമായതോടെ പലരും വീടും സ്ഥലവും ഉപേക്ഷിച്ച് പോകുകയും ചെയ്തു.
കൃഷിയും നശിപ്പിച്ചു...
അടുത്തിടെ പുഷ്പാഭായിയുടെ വീടിന്റെ മേല്‍ക്കൂര വാനരസംഘം തകര്‍ത്തിരുന്നു. ഇതുകൂടാതെ ഇവരുടെ കൃഷിയിടത്തിലും കുരങ്ങന്മാര്‍ കനത്ത നാശനഷ്ടമാണുണ്ടാക്കിയത്.
ആത്മഹത്യ ചെയ്തു...
കുരങ്ങന്മാരുടെ ശല്യം രൂക്ഷമായതോടെ പുഷ്പാഭായി മനോവിഷമത്തിലായിരുന്നെന്ന് ബന്ധുക്കള്‍ പറഞ്ഞു. ഇതിനെ തുടര്‍ന്നാകാം ഇവര്‍ ആത്മഹത്യ ചെയ്തത്. സംഭവത്തെ കുറിച്ച് പ്രാഥമികാന്വേഷണം നടത്തിയ പോലീസും കാരണമായി പറയുന്നത് ഇതുതന്നെയാണ്. പോസ്റ്റ്‌മോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുകൊടുത്തു.
