ടിടി ശാസിച്ചു; സ്ത്രീ ട്രെയിനില് നിന്ന് ചാടി
കുറ്റിപ്പുറം: ട്രെയിനില് വച്ച് ടിടി ശാസിച്ചതിനെത്തുടര്ന്ന് യുവതി ഓടുന്ന ട്രെയിനില് നിന്ന് പുറത്തേയ്ക്ക് ചാടി. തിരുവനന്തപുരം സ്വദേശിനി താജുന്നീസ (42)യാണ് മലപ്പുറം കുറ്റിപ്പുറത്ത് വച്ച് ട്രെയിനില് നിന്ന് പുറത്തേയ്ക്ക് ചാടിയത്.
വീഴ്ചയില് യുവതിയ്ക്ക് ഗുരുതരമായി പരിക്കേറ്റു. കൈയ്ക്കും തലയ്ക്കും പരിക്കേറ്റ ഇവരെ തിരൂര് ജില്ലാ ആശുപത്രിയില് പ്രവേശിപ്പിച്ചു. കണ്ണൂരില് നിന്ന് തിരുവനന്തപുരത്തേയ്ക്കുള്ള ജനശതാബ്ദി എക്്സ്പ്രസില് തിരൂരില് നിന്നാണ്് യുവതി കയറിയത്. റിസര്വേഷന് ടിക്കറ്റ് ഇല്ലാതിരുന്ന താജുന്നീസയോട് ട്രെയിനില് നിന്ന് ഇറങ്ങണമെന്ന് ഇല്ലെങ്കില് പൊലീസില് ഏല്പ്പിയ്ക്കുമെന്നും ഡ്യൂട്ടിയിലുണ്ടായിരുന്ന വനിതാ ടിടി പറഞ്ഞു.മെയ് ഒന്ന് വ്യാഴാഴ്ച വൈകിട്ട് ആറ് മണിയോടെയായിരുന്നു സംഭവം.
തുടര്ന്ന് ഭയന്ന സ്ത്രീ കുറ്റിപ്പുറത്തെത്തിയപ്പോള് ഓടുന്ന ട്രെയിനില് നിന്ന് പുറത്തേയ്ക്ക് ചാടുകയായിരുന്നു. മലപ്പുറത്ത് ഹോംനഴ്സായി ജോലി നോക്കുകയായിരുന്നു താജുന്നീസ്. തിരുവനന്തപുരത്തെ വീട്ടിലേയ്ക്കുള്ള യാത്രയ്ക്കിടെയാണ് ഇവര് പുറത്തേയ്ക്ക് ചാടിയത്.