Click it and Unblock the Notifications
Just In
Don't Miss
-
അരക്കപ്പ് വെണ്ടക്കയില് കിടിലന് പക്കവട: റെസിപ്പി വളരെ എളുപ്പം -
കുടുംബത്തിന്റെ ഭദ്രതയ്ക്ക് വേണ്ടിയാണെങ്കിലും വിഷമമുണ്ട്; മഞ്ജുവിനെക്കുറിച്ച് ഉർവശി പറഞ്ഞത് -
ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
IPL 2024: മുംബൈയും ചെന്നൈയുമല്ല; വസീം അക്രമിന്റെ ഇഷ്ട ഐപിഎല് ടീം മറ്റൊന്ന് -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
നിലന്പൂരില്‍ മന്ത്രിപുത്രന്‍ ഭൂമിതട്ടിയെടുക്കാന്‍ ശ്രമിക്കുന്നുവെന്ന്
കൊച്ചി: മന്ത്രി പുത്രന്‍ ഭൂമി തട്ടിയെടുക്കാന്‍ ശ്രമിക്കുന്നു എന്ന ആക്ഷേപവുമായി വീട്ടമ്മ രംഗത്ത്. വൈദ്യുതി മന്ത്രി ആര്യാടന്‍ മുഹമ്മദിന്റെ മകന്‍ ആര്യാടന്‍ ഷൗക്കത്തിന് എതിരെയാണ് ആരോപണം.
നിലമ്പൂര്‍ റെയില്‍വേ സ്റ്റേഷനടുത്തുള്ള ഒരേക്കറിലധികമുള്ള സ്ഥലം ആര്യാടന്‍ ഷൗക്കത്ത് തട്ടിയെടുക്കാന്‍ ശ്രമിക്കുന്നതായാണ് ആക്ഷേപം. എറണാകുളം കലൂര്‍ സ്വദേശിനിയായ ഫാത്തിമ ബീവി ആണ് ആരോപണം ഉന്നയിച്ചത്. പത്ര സമ്മേളനം വിളിച്ചായിരുന്നു മന്ത്രി പുത്രനെതിരെ ഫാത്തിമ ബീവി ആക്ഷേപം ഉന്നയിച്ചത്.
സിനിമ സംവിധായകനും നിലമ്പൂര്‍ നഗരസഭ അധ്യക്ഷനും ആണ് ആര്യാടന്‍ ഷൗക്കത്ത്. തനിക്ക് പൂര്‍വ്വിക സ്വത്തായി ലഭിച്ച സ്ഥലമാണ് നിലമ്പൂരിലേത് എന്നാണ് ഫാത്തിമ ബീവിയുടെ അവകാശവാദം.
തന്റെ സ്ഥലത്ത് പ്രവേശിക്കാന്‍ ഇപ്പോള്‍ കഴിയുന്നില്ലെന്നും ഫാത്തിമ ബീവി പറയുന്നു. കോടതി ഉത്തരവുണ്ടായിട്ടും ഇക്കാര്യത്തില്‍ മലപ്പുറം ജില്ലാ ഭരണകൂടവും പോലീസും നടപടിയെടുക്കുന്നില്ലെന്നും ഇവര്‍ ആക്ഷേപം ഉന്നയിക്കുന്നുണ്ട്.
മുമ്പൊരിക്കല്‍ തന്റെ ഭൂമി കയ്യേറാന്‍ നടത്തിയ ശ്രമത്തെ എതിര്‍ത്തപ്പോള്‍ ആര്യാടന്‍ ഷൗക്കത്തിന്റെ സഹായികള്‍ തന്നെ മര്‍ദ്ദിച്ചതായി ഫാത്തിമ പറഞ്ഞു. ഈ കേസില്‍ പ്രതികള്‍ക്ക് കോടതി ശിക്ഷ വിധിച്ചിട്ടുണ്ടത്രെ.
നിലമ്പൂര്‍ രാധ കൊലക്കേസിലും ആര്യാടന്‍ ഷൗക്കത്തിനെതിരെ ആരോപണങ്ങള്‍ ഉയര്‍ന്നിരുന്നു. ഇതിന് പിറകേയാണ് ഇപ്പോള്‍ ഭൂമി തട്ടിയെടുക്കാന്‍ ശ്രമം നടക്കുന്നതായുള്ള ആരോപണവും ഉയര്‍ന്നിരിക്കുന്നത്.
