8 മുതൽ 4 വരെ ജോലി, അവധിക്ക് അവധി, ശമ്പളത്തിന് ശമ്പളം, പോളണ്ടിനെ കുറിച്ച് ഇവിടെ മിണ്ടിയേ തീരൂ, വൈറൽ വീഡിയോ

കോർപറേറ്റ് രംഗത്ത് ജോലി ചെയ്യുന്നവർക്ക് നല്ല ശമ്പളമൊക്കെ ഉണ്ടാകും. അതിന് അനുസരിച്ചുളള പ്രശ്നങ്ങളും കാണും. ജോലിക്ക് അപ്പുറത്തുളള ജീവിതത്തിന് അവർക്ക് സമയം കിട്ടാറില്ല. ഏത് സമയവും മാനസിക സമ്മർദ്ദവും അനുഭവിക്കേണ്ടി വരും. എന്നാൽ പോളണ്ടിലെ അനുഭവം നേരെ വ്യത്യസ്തമാണ്. പോളണ്ടിൽ ജോലി ചെയ്യുന്ന ഒരു ഇന്ത്യൻ ബാങ്കർ തൻ്റെ സ്ഥാപനത്തിൽ ശമ്പളത്തിനപ്പുറമുള്ള ആനുകൂല്യങ്ങളെക്കുറിച്ച് ഇൻസ്റ്റാഗ്രാമിൽ പങ്കുവെച്ച വീഡിയോ സാമൂഹിക മാധ്യമങ്ങളിൽ വൈറലായിരിക്കുകയാണ്.

ബാങ്കിംഗ് പ്രൊഫഷണലായ അനിരുദ്ധ് ശർമ്മയാണ് താൻ ജോലി ചെയ്യുന്ന കമ്പനി നൽകുന്ന മികച്ച സൗകര്യങ്ങളും തൊഴിൽ സംസ്കാരവും വിശദീകരിച്ച് വീഡിയോ പോസ്റ്റ് ചെയ്തത്. ശമ്പളം ഒരു ഭാഗം മാത്രമാണെന്നും മറ്റ് നിരവധി ആനുകൂല്യങ്ങൾ ലഭ്യമാണെന്നും അദ്ദേഹം പറയുന്നു.

തനിക്ക് ജോലി സമയം രാവിലെ 8 മുതൽ വൈകിട്ട് 4 വരെയാണെന്ന് ശർമ്മ പറയുന്നു. ഇത് ജോലി കഴിഞ്ഞുള്ള സമയങ്ങളിൽ വ്യക്തിപരമായ കാര്യങ്ങൾക്കായി കൂടുതൽ സമയം കണ്ടെത്താൻ സഹായിക്കുന്നു. ആഴ്ചയിൽ രണ്ടോ മൂന്നോ ദിവസങ്ങളിൽ വീട്ടിലിരുന്ന് ജോലി ചെയ്യാനുള്ള ഹൈബ്രിഡ് സൗകര്യവുമുണ്ട്, ഇത് തൊഴിലും വ്യക്തിജീവിതവും ഒരുമിച്ച് കൊണ്ട് പോകാൻ സഹായിക്കുന്നു.

കൂടാതെ, പൊതു അവധി ദിവസങ്ങളിൽ ജോലി ചെയ്താൽ ജീവനക്കാർക്ക് ഇരട്ടി ശമ്പളം ലഭിക്കും. ഓവർടൈം അടിസ്ഥാന ശമ്പളത്തിന്റെ ഒന്നര ഇരട്ടിയായി കണക്കാക്കും. ശമ്പളത്തിനും സമയക്രമത്തിനും പുറമെ, സ്ഥാപനങ്ങളിലെ ജീവനക്കാരുടെ ക്ഷേമ നടപടികളെക്കുറിച്ചും അനിരുദ്ധ് ശർമ്മ വെളിപ്പെടുത്തുന്നു.

ശമ്പളത്തിനും പ്രവൃത്തി സമയത്തിനും പുറമെ ജീവനക്കാരുടെ ക്ഷേമത്തിനായി സ്ഥാപനങ്ങൾ സ്വീകരിക്കുന്ന നടപടികളെക്കുറിച്ചും ശർമ്മ സംസാരിക്കുന്നു. രോഗാവധിയെടുക്കുമ്പോൾ ശമ്പളത്തിൻ്റെ ഏകദേശം 80 ശതമാനം ലഭിക്കും, ചില കമ്പനികൾ മുഴുവൻ ശമ്പളവും നൽകുന്നുണ്ട്. ജീവനക്കാരുടെ ശാരീരികവും മാനസികവുമായ ആരോഗ്യം ഉറപ്പാക്കാൻ ഔട്ട്‌ഡോർ ആക്ടിവിറ്റികൾ, ടീം ഔട്ടിംഗുകൾ, വെൽനസ് പ്രോഗ്രാമുകൾ തുടങ്ങിയ നിരവധി പരിപാടികൾ തൊഴിലുടമകൾ സംഘടിപ്പിക്കാറുണ്ട്. ജിം, നീന്തൽ അടക്കമുള്ള സൗകര്യങ്ങൾക്ക് മൾട്ടിസ്പോർട്ട് കാർഡുകളും ചില സ്ഥാപനങ്ങളിൽ പ്രഭാതഭക്ഷണവും ലഭ്യമെന്നും അദ്ദേഹം ചൂണ്ടിക്കാട്ടി.

അവധികളുടെ കാര്യത്തിൽ, ജീവനക്കാർക്ക് അവരുടെ പരിചയസമ്പത്തിൻ്റെ അടിസ്ഥാനത്തിൽ 20 മുതൽ 26 ദിവസം വരെ ശമ്പളത്തോടുകൂടിയ വാർഷിക അവധിക്ക് അർഹതയുണ്ട്. ചില സ്ഥാപനങ്ങളിൽ തുടർച്ചയായി രണ്ടാഴ്ച അവധിയെടുക്കൽ നിർബന്ധമാണ്.സ്വകാര്യ ആവശ്യങ്ങൾക്കും സാമൂഹിക പ്രവർത്തനങ്ങൾക്കുമായി കമ്പനികൾക്ക് കുറച്ച് അധിക അവധികൾ നൽകാം. പ്രത്യേക സാഹചര്യങ്ങളിൽ, പൊതു അവധികൾക്ക് തൊട്ടുമുൻപ് അര ദിവസത്തെ അവധിയും ജീവനക്കാർക്ക് ലഭിക്കാറുണ്ടെന്ന് ശർമ്മ അറിയിച്ചു.

മറ്റൊരു പ്രധാന കാര്യത്തെക്കുറിച്ച് അദ്ദേഹം ഇപ്രകാരം പറഞ്ഞു: "ഏറ്റവും മികച്ച ഭാഗങ്ങളിൽ ഒന്ന് അവധിയെടുക്കാൻ മാനേജരോട് ഔപചാരികമായി അനുവാദം ചോദിക്കുന്നതിന് പകരം അറിയിച്ചാൽ മാത്രം മതിയെന്നതാണ്." "അവധി എടുക്കുന്നതിന് ഔപചാരികമായ അനുമതി ചോദിക്കുന്നതിന് പകരം മാനേജരെ അറിയിച്ചാൽ മാത്രം മതി എന്നതാണ് ഏറ്റവും മികച്ച ഭാഗങ്ങളിലൊന്ന്," അദ്ദേഹം കൂട്ടിച്ചേർത്തു. 'പോളണ്ടിലെ കോർപ്പറേറ്റ് കമ്പനികളിൽ ജോലി ചെയ്യുന്നതിന്റെ പ്രയോജനങ്ങൾ' എന്ന അടിക്കുറിപ്പോടെ പങ്കുവെച്ച ഈ വീഡിയോയ്ക്ക് സമൂഹമാധ്യമങ്ങളിൽ സ്വീകാര്യതയാണ് ലഭിക്കുന്നത്.