സംസ്ഥാനത്തെ ബാങ്കുകളുടെ പ്രവൃത്തി സമയം നാളെ മുതല് സാധാരണ നിലയിലേക്ക്
തിരുവനന്തപുരം: കൊറോണ പ്രതിരോധത്തിന്റെ ഭാഗമായി സംസ്ഥാനത്ത് ഏര്പ്പെടുത്തിയ നിയന്ത്രണങ്ങള് ഘട്ടം ഘട്ടമായി പിന്വലിക്കുകയാണ്. ഇതാടെ സംസ്ഥാനത്തെ ബാങ്കുകള്ക്ക് നാളെ മുതല് സാധാരണ പ്രവൃത്തി ദിവസമായിരിക്കും. സംസ്ഥാനത്തെ എല്ലാ ജില്ലകളിലെയും ബാങ്കുകള്ക്ക് നാളെ മുതല് രാവിലെ പത്ത് മണി മുതല് നാലു മണി വരെ ബിസിനസ് സമയവും അഞ്ച് മണിവരെ പ്രവൃത്തി സമയവുമായിരിക്കും.
ഇത് സംബന്ധിച്ച് സ്റ്റേറ്റ് ലെവല് ബാങ്കേഴ്സ് സമിതി സംസ്ഥാന സര്ക്കാരുമായി കൂടിയാലോചിച്ച് പുതിയ അഡിവൈസറി പുറത്തിറക്കി. കൊറോണ നിയന്ത്രണങ്ങള് തുടരുന്ന സാഹചര്യത്തില് ജില്ലാ ഭരണകൂടത്തിന്റെ പ്രത്യേക നിര്ദേശങ്ങള് അനുസരിച്ചായിരിക്കും ബാങ്കുകള് കുറക്കുകയും പ്രവര്ത്തിക്കുകയും ചെയ്യുന്നത്.
കടകള് ഉള്പ്പെടെ തുറന്ന് പ്രവര്ത്തിക്കുന്നതിലും വലിയ നിയന്ത്രണങ്ങളൊന്നുമില്ല. അതേസമയം കേരളത്തിലെ മദ്യശാലകള് തുറക്കേണ്ടതില്ലായെന്നാണ് സര്ക്കാര് തീരുമാനം. കേരളത്തില് ഇന്നും ആര്ക്കും കൊറോണ വൈറസ് രോഗം സ്ഥിരീകരിച്ചിട്ടില്ലയെന്നത് ആശ്വസിക്കാന് കഴിയുന്നതാണ്. 401 പേരാണ് സംസ്ഥാനത്ത് ഇതുവരേയും കൊറോണ മുക്തി നേടിയത്. 95 പേരാണ് നിലവില് സംസ്ഥാനത്തെ വിവിധ ആശുപത്രികളില് ചികിത്സയിലുള്ളത്.
സംസ്ഥാനത്തെ വിവിധ ജില്ലകളിലായി 21,720 പേര് നിരീക്ഷണത്തിലാണ്. ഇവരില് 21,332 പേര് വീടുകളിലും 388 പേര് ആശുപത്രികളിലും നിരീക്ഷണത്തിലാണ്. 63 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. ഇതുവരെ 32,217 വ്യക്തികളുടെ (ഓഗ്മെന്റഡ് സാമ്പിള് ഉള്പ്പെടെ) സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 31,611 സാമ്പിളുകളുടെ പരിശോധനാഫലം നെഗറ്റിവ് ആണ്.
ഇതുകൂടാതെ സെന്റിനല് സര്വൈലന്സിന്റെ ഭാഗമായി ആരോഗ്യപ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 2391 സാമ്പിളുകള് ശേഖരിച്ചതില് ലഭ്യമായ 1683 സാമ്പിളുകള് നെഗറ്റീവ് ആയി.
സംസ്ഥാനത്ത് ഇന്ന് 4 പുതിയ ഹോട്ട് സ്പോട്ടുകള് കൂടി ഉള്പ്പെടുത്തി. വയനാട് ജില്ലയിലെ മാനന്തവാടി, എറണാകുളം ജില്ലയിലെ എടക്കാട്ടുവയല് പഞ്ചായത്ത്, മഞ്ഞള്ളൂര് പഞ്ചായത്ത്, ഇടുക്കി ജില്ലയിലെ ശാന്തന്പാറ പഞ്ചായത്ത് എന്നിവയാണ് പുതിയ ഹോട്ട് സ്പോട്ടുകള്. ഇതോടെ ഹോട്ട് സ്പോട്ടുകളുടെ എണ്ണം 84 ആയി.
Click it and Unblock the Notifications
Sign in with Google