ക്ലബ്ബിന്റെ ഓണാഘോഷത്തിനിടെ തര്ക്കം... യുവാവ് കുത്തേറ്റ് മരിച്ചു, സംഭവം തിരുവനന്തപുരത്ത്
ഒരാളെ പോലീസ് കസ്റ്റഡിയിലെടുത്തതായി സൂചന
കിളിമാനൂര്: ഓണാഘോഷവുമായി ബന്ധപ്പെട്ട പരിപാടിയെ തുടര്ന്നുണ്ടായ തര്ക്കത്തില് യുവാവ് കുത്തേറ്റ് മരിച്ചു. തിരുവനന്തപുരത്താണ് സംഭവം. തണ്ണിക്കോത്ത് വൃന്ദാവനില് സുനില് ദത്തിന്റെയും ഷെര്ളിയുടെയും മകനായ ശിവദത്താണ് (22) കൊല്ലപ്പെട്ടത്. നഗരൂരില് ഒരു ക്ലബ്ബ് സംഘടിപ്പിച്ച ഓണാഘോഷത്തെ തുടര്ന്നുണ്ടായ തര്ക്കമാണ് കൊലപാതകത്തില് കലാശിച്ചത്.
ആഘോഷ പരിപാടികളുമായി ബന്ധപ്പെട്ട് ഇതിന്റെ ഒരുക്കങ്ങള്ക്കായി ശിവദത്തും സുഹൃത്തുക്കളും ശനിയാഴ്ച രാത്രി മുഴുവന് ക്ലബ്ബില് തങ്ങിയിരുന്നു. ഞായറാഴ്ച രാവിലെ ശിവദത്തും മറ്റൊരാളും തമ്മില് ആഘോഷ പരിപാടിയുടെ കണക്കു പുസ്തകത്തെ ചൊല്ലി തര്ക്കമുണ്ടായി. തുടര്ന്നാണ് ശിവദത്തിനു കുത്തേറ്റതെന്നാണ് വിവരം.
ആറ്റിങ്ങല് പോലീസ് സംഭവത്തെക്കുറിച്ച് കേസെടുത്ത് അന്വേഷണം തുടങ്ങിയിട്ടുണ്ട്. ഒരാളെ പോലീസ് കസ്റ്റഡിയിലെടുത്തതായി സ്ഥിരീകരിക്കാത്ത റിപ്പോര്ട്ടുകളുണ്ട്.
Click it and Unblock the Notifications
Sign in with Google