തിരുവനന്തപുരത്ത് വന്‍ മയക്കുമരുന്ന് വേട്ട

തിരുവനന്തപുരം: തിരുവനന്തപുരം അന്താരാഷ്ട്ര വിമാനത്താവളത്തില്‍ വന്‍ മയക്കുമരുന്ന് വേട്ട. 10 കോടിയുടെ മയക്കുമരുന്നാണ് പിടികൂടിയത്. സംഭവവുമായി ബന്ധപ്പെട്ട് സിംബാവെ സ്വദേശിയായ വനിത അറസ്റ്റിലായി. മയക്കുമരുന്ന് കടത്തിന് പിന്നില്‍ വന്‍ റാക്കറ്റുള്ളതായ സംശയം.ദോഹയില്‍ നിന്ന് ജോഹ്നാസ് ബര്‍ഗിലേക്ക് പോകുന്ന ഖത്തര്‍ എയര്‍വെയ്‌സില്‍ നിന്നാണ് 25കിലോ മയക്കുമരുന്ന് കണ്ടെടുത്തത്.

10കോടി വിലമതിയ്ക്കുന്ന എഫഡ്രിന്‍ ആണ് കണ്ടെത്തിയത്. മയക്കുമരുന്ന്് കടത്താന്‍ ശ്രമിച്ച സിംബാവെ യുവതിയെയും കസ്റ്റഡിയിലെടുത്തു. ദില്ലിയില്‍ നിന്നാണ് താന്‍ എഫഡ്രിന്‍ വാങ്ങിയതെന്നും സിംബാവെയിലേക്ക് കടത്താന്‍ ശ്രമിയ്ക്കുകയായിരുന്നെന്നും യുവതി മൊഴി നല്‍കു. പിടിയിലായ ശേഷം യുവതിയുടെ ഫോണിലേയ്ക്ക് വധഭീഷണി ഉണ്ടായതായും പിന്നില്‍ വന്‍ റാക്കറ്റാണെന്ന് സംശയിക്കുന്നതായും പൊലീസ്.

സംഭവത്തെപ്പറ്റി കൂടുതല്‍ അന്വേഷണം നടത്തിയ ശേഷം മാത്രമേ വിവരങ്ങള്‍ ലഭ്യമാകൂ. രഹസ്യവിവരത്തെത്തുടര്‍ന്ന് കസ്റ്റംസും ഇന്റലിജന്‍സും നടത്തിയ പരിശോധനയിലാണ് കോടികള്‍ വില വരുന്ന മയക്കുമരുന്ന് പിടികൂടിയത്.

English summary

Zimbabwe Woman arrested with Ephedrine at Thiruvananthapuram.