• search
  • Live TV
കൊല്ലം വാർത്തകൾക്ക്
നോട്ടിഫിക്കേഷൻ അനുവദിക്കൂ  

2 പേർക്ക് സമ്പർക്കത്തിലൂടെ രോഗം, കൊല്ലത്ത് കൊവിഡ് സ്ഥിരീകരിച്ചത് 16 പേർക്ക് കൂടി

കൊല്ലം: കൊല്ലം ജില്ലയില്‍ ഇന്ന് കോവിഡ് സ്ഥിരീകരിച്ചത് 16 പേർക്ക്. 11 പേര്‍ വിദേശത്ത് നിന്നെത്തിയവരും 3 പേർ ഇതര സംസ്ഥാനങ്ങളിൽ നിന്നും എത്തിയവരുമാണ്. 2 പേർക്ക് യാത്രാചരിതമില്ല. ഇന്ന് ജില്ലയില്‍ നിന്നും 26 പേർ രോഗമുക്തി നേടി. ഇന്ന് രോഗം സ്ഥിരീകരിച്ചവരുടെ വിവരങ്ങൾ അറിയാം:

കൊട്ടാരക്കര പുലമൺ സ്വദേശിയായ 81 വയസുളള പുരുഷൻ. യാത്രാചരിതമില്ല. ജൂൺ 23 ന് മൂത്രാശയ സംബന്ധമായ അസുഖങ്ങൾ പ്രകടിപ്പിച്ചു. തുടർന്ന് ജൂൺ 24 ന് മകളും ജൂൺ 7 ന് മഹാരാഷ്ട്രയിൽ നിന്നുമെത്തി ജൂൺ 22 ന് ക്വാറന്റൈൻ പൂർത്തിയാക്കിയതും ജൂൺ 26 ന് കോവിഡ് ടെസ്റ്റിൽ നെഗറ്റീവായി കണ്ടെത്തിയതുമായ മറ്റൊരു അകന്ന ബന്ധുവുമായി ഗോകുലം മെഡിക്കൽ കോളേജിൽ പോയിരുന്നു. തിരികെയെത്തി വീണ്ടും ജൂൺ 29 ന് ഗോകുലം മെഡിക്കൽ കോളേജിൽ പോയി. ജൂൺ 30 ന് വീണ്ടും ചില രോഗലക്ഷണങ്ങൾ പ്രത്യക്ഷപ്പെട്ടതിനെ തുടർന്ന് ഗോകുലം മെഡിക്കൽ കോളേജിലെ അത്യാഹിത വിഭാഗത്തിൽ പ്രവേശിപ്പിച്ച് സ്രവ പരിശോധന നടത്തിയിരുന്നു. കോവിഡ് പോസിറ്റീവായി സ്ഥിരീകരിച്ച് തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചു. കൊട്ടാക്കരയിലെ ചില കടകളിലും കുന്നിക്കോടുളള ഒരു ബേക്കറിയിലും സന്ദർശനം നടത്തിയതായി പ്രാഥമിക വിവരമുണ്ട്.

കൊല്ലം ചിതറ സ്വദേശിയായ 61 വയസുള്ള പുരുഷൻ. ജൂണ്‍ 20 ന് സൗദി അറേബ്യയിൽ നിന്നും AI 1942 നമ്പർ ഫ്ലൈറ്റിൽ തിരുവനന്തപുരത്തും അവിടെ നിന്നും എയർപോർട്ട് ടാക്സിയിൽ കൊല്ലത്തുമെത്തി ഗൃഹനിരീക്ഷണത്തിൽ പ്രവേശിച്ചു. രോഗലക്ഷണങ്ങൾ പ്രകടിപ്പിച്ചിരുന്നില്ലെങ്കിലും സ്രവപരിശോധനയിൽ ഫലം പോസിറ്റീവ് ആയി കണ്ടെത്തി പാരിപ്പളളി ഗവണ്‍മെന്റ് മെഡിക്കല്‍ കോളേജില്‍ പ്രവേശിപ്പിച്ചു.

അഞ്ചൽ സ്വദേശിയായ 35 വയസുളള യുവാവ്. ജൂണ്‍ 13 ന് കുവൈറ്റിൽ നിന്നും

6E 9488 നമ്പർ ഫ്ലൈറ്റിൽ (സീറ്റ് നം. 22 C) കൊച്ചിയിലും അവിടെ നിന്നും KSRTC ബസിൽ കൊല്ലത്തും തുടർന്ന് കാറിൽ വീട്ടിലുമെത്തി ഗൃഹനിരീക്ഷണത്തിൽ പ്രവേശിച്ചു. സ്രവപരിശോധനയിൽ ഫലം പോസിറ്റീവ് ആയി കണ്ടെത്തി. ആലുംമൂട് ചെറിയേല സ്വദേശിയായ 44 വയസുളള പുരുഷൻ. ജൂണ്‍ 18 ന് നൈജീരിയയിൽ നിന്നും AI 1906 നമ്പർ ഫ്ലൈറ്റിൽ തിരുവനന്തപുരത്തെത്തി. പിന്നീട് കോവിഡ് പോസിറ്റീവായി കണ്ടെത്തിയ മറ്റ് 3 പേരോടൊപ്പമായിരുന്നു വിമാനയാത്ര. ജൂൺ 18 മുതൽ ഗൃഹനിരീക്ഷണത്തിലായിരുന്നു. രോഗലക്ഷണങ്ങൾ പ്രകടിപ്പിച്ചിരുന്നില്ലെങ്കിലും സ്രവപരിശോധനയിൽ ഫലം പോസിറ്റീവ് ആയി കണ്ടെത്തി.

നീണ്ടകര സ്വദേശിയായ 33 വയസുളള യുവാവ്. യാത്രാചരിതമില്ല. പുലമൺ ജംഗ്ഷനിൽ ഒരു കട നടത്തുകയായിരുന്നു. ജൂൺ 1 ന് പനി, തലവേദന തുടങ്ങിയ രോഗലക്ഷണങ്ങൾ പ്രകടിപ്പിച്ചു. കൊല്ലം ജില്ലാ ആശുപത്രിയിൽ സ്രവപരിശോധന നടത്തി. ഫലം പോസിറ്റീവ് ആയതിനാൽ ഇന്നേ ദിവസം പാരിപ്പളളി ഗവണ്‍മെന്റ് മെഡിക്കല്‍ കോളേജില്‍ പ്രവേശിപ്പിച്ചു. കൊല്ലം വെട്ടിക്കവല തലച്ചിറ സ്വദേശിയായ 35 വയസുളള യുവാവ്. ജൂണ്‍ 30 ന് സൗദി അറേബ്യയിൽ നിന്നും SV 3776 നമ്പർ ഫ്ലൈറ്റിൽ കൊച്ചിയിലെത്തി. വിമാനത്താവളത്തിൽ വച്ചുതന്നെ റാപ്പിഡ് ടെസ്റ്റ് പോസിറ്റീവായിരുന്നു. തുടർന്ന് സ്ഥാപനനിരീക്ഷണത്തിൽ പ്രവേശിച്ചു. രോഗലക്ഷണങ്ങൾ പ്രകടിപ്പിച്ചിരുന്നില്ലെങ്കിലും സ്രവപരിശോധനയിൽ ഫലം സ്ഥിരീകരിച്ചു.

കൊറ്റങ്കര പുനുക്കന്നൂർ സ്വദേശിയായ 33 വയസുളള യുവാവ്. ജൂണ്‍ 25 ന് ആഫ്രിക്കയിൽ നിന്നും ET8934 നമ്പർ ഫ്ലൈറ്റിൽ കൊച്ചിയിലും അവിടെ നിന്ന് ടാക്സിയിൽ കൊല്ലത്തുമെത്തി ഗൃഹനിരീക്ഷണത്തിൽ പ്രവേശിച്ചു. രോഗലക്ഷണങ്ങൾ പ്രകടിപ്പിച്ചിരുന്നില്ലെങ്കിലും സ്രവപരിശോധനയിൽ ഫലം പോസിറ്റീവ് ആയി കണ്ടെത്തി. അഞ്ചാലുംമൂട് കാഞ്ഞാവെളി സ്വദേശിയായ 33 വയസുളള യുവാവ്. ജൂണ്‍ 30 ന് ഡൽഹിയിൽ നിന്നും രാജധാനി എക്സ്പ്രെസ്സിൽ തിരുവനന്തപുരത്തും തുടർന്ന് KSRTC ബസിൽ കൊല്ലത്തുമെത്തി സ്ഥാപനനിരീക്ഷണത്തിൽ പ്രവേശിച്ചു. സ്രവപരിശോധനയിൽ ഫലം പോസിറ്റീവ് ആയി കണ്ടെത്തി.

തൃക്കോവിൽവട്ടം ചെറിയേല ആലുംമൂട് സ്വദേശിയായ 25 വയസുളള യുവാവ്. ജൂണ്‍ 28 ന് ദുബായിൽ നിന്നും IX 1540 നമ്പർ ഫ്ലൈറ്റിൽ തിരുവനന്തപുരത്തും അവിടെ നിന്ന് ടാക്സിയിൽ കൊല്ലത്തുമെത്തി സ്ഥാപനനിരീക്ഷണത്തിൽ പ്രവേശിച്ചു. സ്രവപരിശോധനയിൽ ഫലം പോസിറ്റീവ് ആയി കണ്ടെത്തി. കൊല്ലം കരിക്കോട് സ്വദേശിയായ 18 വയസുളള യുവാവ്. ജൂണ്‍ 17 ന് മോൾഡോവയിൽ നിന്നും 8Q 6602 നമ്പർ ഫ്ലൈറ്റിൽ കൊച്ചിയിലും അവിടെ നിന്ന് KSRTC ബസിൽ കൊല്ലത്തുമെത്തി ഗൃഹനിരീക്ഷണത്തിൽ പ്രവേശിച്ചു. രോഗലക്ഷണങ്ങൾ പ്രകടിപ്പിച്ചിരുന്നില്ലെങ്കിലും സ്രവപരിശോധനയിൽ ഫലം പോസിറ്റീവ് ആയി കണ്ടെത്തി.

കൊല്ലം തേവലക്കര അരിനല്ലൂർ സ്വദേശിയായ 28 വയസുളള യുവാവ്. ഇന്ന് രോഗം സ്ഥിരീകരിച്ച ഭാര്യ സഹോദരനായ P 391 നോടൊപ്പം ജൂണ്‍ 27 ന് ഹൈദ്രാബാദിൽ നിന്നും കാർ മാർഗം വീട്ടിലെത്തി ഗൃഹനിരീക്ഷണത്തിലായിരുന്നു. രോഗലക്ഷണങ്ങൾ പ്രകടിപ്പിച്ചിരുന്നില്ലെങ്കിലും സ്രവപരിശോധനയിൽ ഫലം പോസിറ്റീവ് ആയി കണ്ടെത്തി. കൊല്ലം തേവലക്കര അരിനല്ലൂർ സ്വദേശിയായ 43 വയസുളള പുരുഷൻ. ഇന്ന് രോഗം സ്ഥിരീകരിച്ച സഹോദരീ ഭർത്താവായ P 390 നോടൊപ്പം ജൂണ്‍ 27 ന് ഹൈദ്രാബാദിൽ നിന്നും കാർ മാർഗം വീട്ടിലെത്തി ഗൃഹനിരീക്ഷണത്തിലായിരുന്നു. രോഗലക്ഷണങ്ങൾ പ്രകടിപ്പിച്ചിരുന്നില്ലെങ്കിലും സ്രവപരിശോധനയിൽ ഫലം പോസിറ്റീവ് ആയി കണ്ടെത്തി.

കൊല്ലം ചന്ദനത്തോപ്പ് സ്വദേശിനിയായ 22 വയസുളള യുവതി. ജൂൺ 30 ന് ദോഹയിൽ നിന്ന് ഗോ എയർ G8 7200 ഫ്ലൈറ്റിൽ കൊച്ചിയിലെത്തി. രോഗലക്ഷണങ്ങൾ പ്രകടിപ്പിച്ചിരുന്നില്ലെങ്കിലും ആന്റിബോഡി ടെസ്റ്റിൽ പോസിറ്റീവായതിനെ തുടർന്ന് സ്രവപരിശോധന നടത്തിയതിൽ രോഗം സ്ഥിരീകരിച്ചു. കരുനാഗപ്പളളി പടനായർകുളങ്ങര സ്വദേശിയായ 56 വയസുളള പുരുഷൻ. ജൂൺ 30 ന് ദോഹയിൽ നിന്ന് ഗോ എയർ G8 7200 ഫ്ലൈറ്റിൽ (സീറ്റ് നം. 24 D) കൊച്ചിയിലെത്തി. രോഗലക്ഷണങ്ങൾ പ്രകടിപ്പിച്ചിരുന്നില്ലെങ്കിലും ആന്റിബോഡി ടെസ്റ്റിൽ പോസിറ്റീവായതിനെ തുടർന്ന് സ്രവപരിശോധന നടത്തിയതിൽ രോഗം സ്ഥിരീകരിച്ചു.

കൊല്ലം കാവനാട് സ്വദേശിയായ 25 വയസുളള യുവാവ്. യു.എ.ഇ യിൽ നിന്നുമെത്തി. സ്രവപരിശോധന നടത്തിയതിൽ രോഗം സ്ഥിരീകരിച്ച് പാരിപ്പളളി ഗവണ്‍മെന്റ് മെഡിക്കല്‍ കോളേജില്‍ പ്രവേശിപ്പിച്ചു. കൊല്ലം പെരിനാട് പനയം സ്വദേശിയായ 49 വയസുളള പുരുഷൻ. ആഫ്രിക്കയിൽ നിന്നുമെത്തി. രോഗലക്ഷണങ്ങൾ പ്രകടിപ്പിച്ചിരുന്നില്ല. സ്രവപരിശോധന നടത്തിയതിൽ രോഗം സ്ഥിരീകരിച്ച് പാരിപ്പളളി ഗവണ്‍മെന്റ് മെഡിക്കല്‍ കോളേജില്‍ പ്രവേശിപ്പിച്ചു.

English summary
16 New Covid positive cases in Kollam district
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more