ഗണേഷ് ഇല്ലെങ്കിലും ജഗദീഷ് വന്നേക്കും; 24500 വോട്ടിന്റെ ആ തോല്വി... താരമണ്ഡലമാകും പത്തനാപുരം
കൊല്ലം: 2016ലെ നിയമസഭാ തിരഞ്ഞെടുപ്പില് ഏറെ കൗതുകത്തോടെ മലയാളികള് നോക്കിയ മണ്ഡലമായിരുന്നു പത്തനാപുരം. സിനിമാ താരങ്ങള് നേരിട്ട് ഏറ്റുമുട്ടിയ താരമണ്ഡലം. ഗണേഷ് കുമാര് തുടര്ച്ചയായ മൂന്നാംതവണയും അന്ന് തിരഞ്ഞെടുക്കപ്പെട്ടപ്പോള് കോണ്ഗ്രസ് സ്ഥാനാര്ഥിയായി ജനവിധി തേടിയ ജഗദീഷ് രണ്ടാംസ്ഥാനത്തേക്ക് പിന്തള്ളപ്പെട്ടു. എങ്കിലും ശക്തമായ ഇളക്കം മണ്ഡലത്തിലുണ്ടാക്കാന് ജഗദീഷിന് സാധിച്ചു എന്ന കാര്യത്തില് തര്ക്കമില്ല. ഇത്തവണ ഗണേഷ് കൊട്ടാരക്കരയിലേക്ക് മാറുമെന്ന വാര്ത്തകള് വരുന്നതിനിടെയാണ് ജഗദീഷ് എത്തുമോ എന്ന ചോദ്യം ഉയരുന്നത്. വിശദാംശങ്ങള് ഇങ്ങനെ...
മൂന്നും സിനിമാ താരങ്ങള്
കോണ്ഗ്രസ് ബി നേതാവ് ഗണേഷ് കുമാര് എല്ഡിഎഫ് സ്ഥാനാര്ഥിയായി മല്സരിച്ച പത്താനാപുരം 2016ല് താരമണ്ഡലമായിരുന്നു. കോണ്ഗ്രസിന് വേണ്ടി ജഗദീഷും ബിജെപിക്ക് വേണ്ടി ഭീമന് രഘുവും രംഗത്തിറങ്ങിയതോടെ ഏറെ കൗതുകമായിരുന്നു ഫലം അറിയാന്. പ്രതീക്ഷിച്ച പോലെ തന്നെ ഗണേഷ് കുമാര് മികച്ച വിജയം ആവര്ത്തിച്ചു.
വീറും വാശിയും
2016ല് ജഗദീഷിന് ലഭിച്ചത് 49867 വോട്ടുകളാണ്. ഇതിനേക്കാള് 24562 വോട്ടുകള് അധികം നേടി ഗണേഷ് കുമാര് ജയിച്ചു. ഭീമന് രഘുവിന് പക്ഷേ കാര്യമായ മുന്നേറ്റത്തിന് സാധിച്ചില്ല. സിനിമാ മേഖലയിലെ പരിചിത മുഖങ്ങളാണെങ്കിലും വീറും വാശിയും നിലനിര്ത്തി തന്നെയായിരുന്നു പത്താനപുരത്തെ തിരഞ്ഞെടുപ്പ് പ്രചാരണം.
ജഗദീഷിന്റെ പ്രതികരണം
ഇത്തവണ ജഗദീഷ് കോണ്ഗ്രസ് സ്ഥാനാര്ഥിയാകുമോ എന്ന കാര്യത്തില് അന്തിമ തീരുമാനം ആയിട്ടില്ല. എങ്കിലും അദ്ദേഹം തന്നെ എത്തുമെന്നാണ് സൂചനകള്. സാധ്യത തള്ളാതെയാണ് ജഗദീഷിന്റെ പ്രതികരണം. വരും ദിവസങ്ങളില് എല്ലാം അറിയാമെന്ന് ജഗദീഷ് പ്രതികരിച്ചു. വൈകാതെ മാധ്യമങ്ങളെ കാണുമെന്നും അദ്ദേഹം പറഞ്ഞു.
ഗണേഷ് കുമാര് മണ്ഡലം മാറുമോ
ഐഷാ പോറ്റി എംഎല്എ ഇത്തവണ കൊട്ടാരക്കരയില് മല്സരിക്കില്ലെന്നാണ് വിവരം. യുവാക്കള് വരട്ടെ എന്ന് അവര് പറയുന്നു. ഈ സാഹചര്യത്തില് ഗണേഷ് കുമാറിനെ കൊട്ടാരക്കരയിലേക്ക് മാറ്റാന് എല്ഡിഎഫ് ആലോചിക്കുന്നു എന്ന വാര്ത്ത വന്നിരുന്നു. പത്താനപുരത്ത് കെഎന് ബാലഗോപാലിനെ മല്സരിപ്പിക്കാനുള്ള ആലോചനകള് ആണത്രെ നടക്കുന്നത്.
ഗണേഷിന്റെ നിലപാട്
പത്തനാപുരത്ത് നിന്ന് മാറില്ല എന്നാണ് ഈ വാര്ത്തകളോട് ഗണേഷ് കുമാര് പ്രതികരിച്ചത്. ദിലീപ് ഉള്പ്പെട്ട നടി ആക്രമിക്കപ്പെട്ട കേസുമായി ബന്ധപ്പെട്ട് പോലീസ് അന്വേഷണവും മറ്റും ഗണേഷിന്റെ സെക്രട്ടറിക്കെതിരെ നടന്നിരുന്നു. ഈ സാഹചര്യത്തിലാണോ ഗണേഷിനെ മണ്ഡലം മാറ്റാന് ആലോചിക്കുന്നത് എന്ന കാര്യം സിപിഎം നേതാക്കള് പറയുന്നില്ല.
താരങ്ങളെ ഇറക്കാന് മുന്നണികള്
ഗണേഷ് പത്താനപുരത്ത് മല്സരിക്കുകയും ജഗദീഷ് വീണ്ടും എതിരാളിയായി എത്തുകയും ചെയ്താല് ഈ മണ്ഡലം വീണ്ടും ശ്രദ്ധിക്കപ്പെടും. താരങ്ങളെ മല്സരിപ്പിക്കാന് എല്ലാ മുന്നണികളും ശ്രമിക്കുന്നുണ്ട്. കോണ്ഗ്രസ് സ്ഥാനാര്ഥിയായി കോഴിക്കോട്ടെ ബാലുശേരിയില് ധര്മജന് ബോള്ഗാട്ടി മല്സരിക്കുമെന്ന വാര്ത്തകളും വന്നിട്ടുണ്ട്. ബിജെപിക്കു വേണ്ടിയും സിനിമാ മേഖലയിലുള്ളവരുണ്ടാകുമെന്നാണ് സൂചന.
-
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ -
ആത്മവിശ്വാസവും പ്രതീക്ഷയും സ്വപ്നവും ഒഴുകി നടക്കുന്ന എറണാകുളം -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ
Click it and Unblock the Notifications
Sign in with Google