കൊല്ലം വാർത്തകൾക്ക്
നോട്ടിഫിക്കേഷൻ അനുവദിക്കൂ  
Oneindia App Download

കൊല്ലം:മദ്യപിച്ചെത്തിയ ഭര്‍ത്താവ് ഭാര്യയെ കൊന്നു

  • By Soorya Chandran
Google Oneindia Malayalam News

കൊല്ലം:മദ്യപിച്ച് ലക്കുകെട്ട ഭര്‍ത്താവ് ഭാര്യയെ കുത്തിക്കൊന്നു. ഭാര്യയെ കത്തികൊണ്ട് കുത്തിയ ഉടനെ ഇയാള്‍ പോലീസ് സ്‌റ്റേഷനിലെത്തി കീഴടങ്ങുകയും ചെയ്തു.

കൊല്ലം ജില്ലയിലെ കുണ്ടറക്കടുത്ത് കാഞ്ഞിരംകുഴിയില്‍ ആണ് സംഭവം. ഞാറക്കല്‍ വയലില്‍ പുത്തന്‍വീട്ടില്‍ സുശീലയാണ് കുത്തേറ്റ് മരിച്ചത്. ഭര്‍ത്താവ് തങ്കരാജനെ പോലീസ് അറസ്റ്റ് ചെയ്തു.

Knife Blood

ഏപ്രില്‍ 28 തിങ്കളാഴ്ച ഉച്ചക്ക് ഒന്നരയോടെയാണ് സംഭവം നടന്നത്. മദ്യലഹരിയിലാണ് തങ്കരാജ് വീട്ടിലെത്തിയത്. ഇവര്‍ തമ്മില്‍ പതിവായി വഴക്കുകൂടാറുണ്ടായിരുന്നു എന്നാണ് വിവരം. തിങ്കളാഴ്ചയും പരസ്പരം വഴക്കുകൂടി. ഇതിനൊടുവില്‍ തങ്കരാജ് സുശീലയെ കത്തിയെടുത്ത് കുത്തുകയായിരുന്നു.

സുശീലയെ കുത്തിയതിന് ശേഷം തങ്കരാജ് ഓട്ടോറിക്ഷയില്‍ അഞ്ചാലുമൂട് പോലീസ് സ്‌റ്റേഷനിലെത്തി കീഴടങ്ങി. പരിക്കേറ്റ സുശീലയെ നാട്ടുകാര്‍ ആദ്യം സ്വകാര്യ ആശുപത്രിയിലും പിന്നീട് കൊല്ലം ജില്ലാ ആശുപത്രിയിലും പ്രവേശിപ്പിച്ചു. വിദഗ്ധ ചികിത്സക്കായി തിരുവനന്തപുരം മെഡിക്കല്‍ കോളേജില്‍ എത്തിച്ചെങ്കിലും മരിച്ചു.

തങ്കരാജിന്റെ നാലാം ഭാര്യയാണ് സുശീല. ഇവര്‍ക്ക് രണ്ട് മക്കളുണ്ട്. സുശീലയുടെ ആദ്യ ഭര്‍ത്താവ് മരണപ്പെട്ടിരുന്നു. പിന്നീടാണ് തങ്കരാജിനെ വിവാഹം കഴിച്ചത്.

English summary
Drunken husband stabbed wife to death.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X