അയ്യപ്പന്റേയും വാവരുടേയും സൗഹൃദം നോക്കൂ; പള്ളി നിര്മാണത്തിനെതിരായ ഹര്ജി തള്ളി ഹൈക്കോടതി
കൊച്ചി: കേരളത്തിലെ മതസൗഹാര്ദം തകര്ക്കാന് ആരും ശ്രമിക്കുമെന്ന് കരുതുന്നില്ലെന്ന് ഹൈക്കോടതി. കരുനാഗപ്പള്ളി ക്ലാപ്പന ഗ്രാമ പഞ്ചായത്തില് മുസ്ലിം പള്ളിക്ക് നിര്മാണ അനുമതി നല്കിയതു ചോദ്യം ചെയ്തു നല്കിയ ഹര്ജി തള്ളിയാണ് ഹൈക്കോടതിയുടെ പരാമര്ശം. കരുനാഗപ്പള്ളി സ്വദേശികളായ 2 പേരാണ് ഹര്ജി നല്കിയത്.
അയ്യപ്പസ്വാമിയും വാവരും വെളുത്തച്ചനും തമ്മിലുള്ള സൗഹൃദം സംബന്ധിച്ച ഐതിഹ്യം എടുത്തുകാട്ടിയായിരുന്നു കോടതിയുടെ നിരീക്ഷണം. കേരളത്തിലെ മതസൗഹാര്ദം ജനങ്ങള്ക്കുള്ളില് ആഴത്തില് വേരൂന്നിയതാണെന്ന് ഹൈക്കോടതി പറഞ്ഞു. ചീഫ് ജസ്റ്റിസ് എസ് മണികുമാര്, ജസ്റ്റിസ് ഷാജി പി ചാലി എന്നിവരുള്പ്പെട്ട ഡിവിഷന് ബെഞ്ചാണ് ഹര്ജി തള്ളിയത്. കേരളത്തിലെ മത ഐക്യത്തെക്കുറിച്ച് ഓര്മിപ്പിച്ചായിരുന്നു ഡിവിഷന് ബെഞ്ച് ഹര്ജി തള്ളിയത്.
അയ്യപ്പ സ്വാമിയും മുസ്ലിം വിഭാഗത്തിലെ വാവരും ക്രിസ്ത്യന് വിഭാഗത്തിലെ അര്ത്തുങ്കല് വെളുത്തച്ചനും തമ്മിലുള്ള സൗഹൃദം സംബന്ധിച്ച ഐതിഹ്യം കേരളത്തിലെ സാമുദായിക ഐക്യത്തെക്കുറിച്ചു വിവരിക്കുന്നതാണെന്ന് ഹൈക്കോടതി പറഞ്ഞു. കോടതി. തീര്ത്ഥാടന കാലത്ത് ഭക്തര് ശബരിമല കൂടാതെ, വാവരുടെ പള്ളിയും അര്ത്തുങ്കല് ബസിലിക്കയും സന്ദര്ശിക്കുന്നു. ഇവര് അയ്യപ്പ ഭക്തര്ക്കു ആതിഥേയത്വം നല്കാന് ഹൃദയപൂര്വം ഒരുക്കങ്ങള് നടത്തുന്നുവെന്നും കോടതി പറഞ്ഞു.
തീര്ത്ഥാടന കാലത്തിന്റെ അവസാനം മുസ്ലിം പള്ളി ചന്ദനക്കുടം നടത്തുന്നു. ശബരിമല ക്ഷേത്രത്തില് വാവര് നടയുമുണ്ട്. ഇത്തരം ആചാരങ്ങള് കേരളത്തില് പല ഉത്സവങ്ങളിലും പിന്തുടരുന്നുമുണ്ടെന്ന് ഹൈക്കോടതി നിരീക്ഷിച്ചു. കേരളത്തിന്റെ സാംസ്കാരിക, മത പ്രകൃതിയില് ഈ രീതിയിലുള്ള മതസൗഹാര്ദം പരന്നു കിടക്കുകയാണ്. മതങ്ങള് തമ്മിലുള്ള കേരളത്തിലെ ശക്തമായ ഈ ബന്ധം തകര്ക്കാന് ഏതെങ്കിലും പൗരന്മാര് ശ്രമിക്കുമെന്ന് തോന്നുന്നില്ലെന്നും ഡിവിഷന് ബെഞ്ച് പറഞ്ഞു.
മതമൈത്രി രാജ്യപുരോഗതിക്കും മൗലികാവകാശ സംരക്ഷണത്തിനും നല്കുന്ന സംഭാവന വളരെ വലുതാണെന്ന് ഹൈക്കോടതി പറഞ്ഞു. കൊല്ലം ക്ലാപ്പന ഗ്രാമപഞ്ചായത്തില് മുസ്ലിം പള്ളി നിര്മിക്കാന് അനുമതി നല്കിയതിനെതിരെ കരുനാഗപ്പള്ളി സ്വദേശികളായ മോഹനന്, ശശി എന്നിവരാണ് ഹര്ജി നല്കിയത്.
പത്തനംതിട്ട ജില്ലയിലെ എരുമേലിയില് സ്ഥിതി ചെയ്യുന്ന വാവര് പള്ളി പന്തളത്ത് രാജാവ് പണികഴിപ്പിച്ചുകൊടുത്തതാണെന്നാണ് പരമ്പരാഗതമായി വിശ്വസിച്ചു പോരുന്നത്. മുസ്ലിങ്ങളും ഹിന്ദുക്കളും ഒരുപോലെ ആരാധന നടത്തുന്ന ലോകത്തിലെ അപൂര്വം ആരാധനാലയമാണ് ഇത്. ശബരിമല തീര്ത്ഥാടകര് ഇവിടെയെത്തിയ ശേഷമാണ് പൊതുവേ ക്ഷേത്രദര്ശനത്തിനായി പോകുന്നത്.
-
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
സ്വർണ വില കുറഞ്ഞിട്ടും മലയാളികൾ വാങ്ങുന്നില്ല, ഒരേയൊരു കാരണം; പ്രതിസന്ധി പങ്കുവെച്ച് വ്യാപാരികൾ -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
73 മിനുറ്റ് കൊണ്ട് ബുള്ളറ്റ് ട്രൈയിനിൽ ബെംഗളൂരുവിലെത്താം, ഇതൊക്കെ നടക്കുന്ന കാര്യമാണോ? സോഷ്യൽ മീഡിയാ ചർച്ച -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
ബെംഗളൂരു രണ്ടാം എയർപോർട്ട്: ഇത്തവണ കർണാടക രണ്ടും കൽപ്പിച്ച്, പരിഗണനയിൽ ഈ 3 സ്ഥലങ്ങൾ
Click it and Unblock the Notifications
Sign in with Google