നാ​യ്ക്ക​ളെ വ​ള​ര്‍ത്താൻ ലൈ​സ​ന്‍സ് നിർബന്ധമാക്കാനൊരുങ്ങി കൊല്ലം കോർപറേഷൻ

കൊ​ല്ലം: വളർത്തു നായകൾക്ക് ലൈസൻസ് നി‍ർബന്ധമാക്കാൻ ഒരു കൊല്ലം കോർപ്പറേഷൻ.വ​ള​ർത്തു​നാ​യ്ക്ക​ളെ തെ​രു​വി​ൽ ഉ​പേ​ക്ഷി​ക്കു​ന്ന രീ​തി വ​ർ​ധി​ച്ച​തോ​ടെ ആണ് വീ​ട്ടി​ൽ വ​ള​ർത്തു​ന്ന നാ​യ്ക്ക​ൾക്ക് ലൈ​സ​ൻസ് നി​ർബ​ന്ധ​മാ​ക്കിയിരിക്കുന്നത്.

ഇ​തി​നാ​യി മൈ​ക്രോ​ചി​പ്പ് ഘ​ടി​പ്പി​ക്ക​ൽ, പേ​വി​ഷ​ബാ​ധ നി​ർമാ​ർജ​ന​ത്തി​ന്​ തെ​രു​വു​നാ​യ്ക്ക​ൾക്കും വ​ള​ർത്തു​നാ​യ്ക്ക​ൾക്കും പേ​വി​ഷ പ്ര​തി​രോ​ധ കു​ത്തി​വെ​പ്പ്​​ ന​ൽക​ൽ, തെ​രു​വു​നാ​യ്ക്ക​ളെ ദ​ത്തെ​ടു​ത്ത് വ​ള​ർത്തി പ​രി​പാ​ലി​ക്കാ​ൻ താ​ൽ​പ​ര്യ​മു​ള്ള​വ​ർക്ക് സൗ​ക​ര്യം ഒ​രു​ക്കി ന​ൽക​ൽ എ​ന്നി​വ​യും കോ​ർപ​റേ​ഷ​ൻ ന​ട​പ്പാ​ക്കും.

വ​ള​ർത്തു​നാ​യ്ക്ക​ൾക്ക് പേ​വി​ഷ പ്ര​തി​രോ​ധ കു​ത്തി​വെ​പ്പെ​ടു​ത്തെ​ന്ന് ഉ​റ​പ്പാ​ക്കും. ലൈ​സ​ൻസ് നി​ർബ​ന്ധ​മാ​ക്കു​ന്ന​തോ​ടെ വ​ള​ർത്തു​നാ​യ്ക്ക​ളെ തെ​രു​വി​ൽ ഉപേ​ക്ഷി​ക്കു​ന്ന പ്ര​വ​ണ​ത കു​റ​യും എന്നു തന്നെയാണ് കോ​ർപ​റേ​ഷ​ൻ ക​ണ​ക്കു​കൂ​ട്ടു​ന്ന​ത്.

തെരുവുനായ് ശല്യത്തിന് പരിഹാരം; എ.​ബി.​സി പ​ദ്ധ​തി പു​ന​രാ​രം​ഭി​ക്കാ​നൊ​രു​ങ്ങി കോ​ർപ​റേ​ഷ​ൻ

ന​ഗ​ര​ത്തി​ൽ രൂ​ക്ഷ​മാ​യി​ക്കൊ​ണ്ടി​രി​ക്കു​ന്ന തെ​രു​വു​നാ​യ് ശ​ല്യ​ത്തി​ന് പ​രി​ഹാ​ര​മാ​കു​ന്നു. ഏ​റെ​ക്കാ​ല​മാ​യി ന​ഗ​ര​ത്തി​ലെ കാ​ൽന​ട​യാ​ത്ര​ക്കാ​ർക്കും ഇ​രു​ച​ക്ര വാ​ഹ​ന​യാ​ത്രി​ക​ർക്കും ഭീ​ഷ​ണി​യാ​യി​രു​ന്നു തെ​രു​വു​നാ​യ്ക്ക​ൾ. ക​ഴി​ഞ്ഞ​മാ​സം എ​സ്.​എ​ൻ കോ​ള​ജ് ജ​ങ്ഷ​നി​ൽ സ്‌​കൂ​ൾ വി​ദ്യാ​ർ​ഥി​ക​ള​ട​ക്കം 13 പേ​ർക്ക് നാ​യു​ടെ ക​ടി​യേ​റ്റ​തോ​ടെ ശ​ല്യ​ത്തി​ന് പ​രി​ഹാ​രം കാ​ണ​ണ​മെ​ന്ന് ആ​വ​ശ്യ​മു​യ​ർന്നെ​ങ്കി​ലും കോ​ർ​പ​റേ​ഷ​ൻ അ​ധി​കൃ​ത​രു​ടെ ഭാ​ഗ​ത്തു​നി​ന്ന് ന​ട​പ​ടി​യു​ണ്ടാ​യി​രു​ന്നി​ല്ല.

വി​ഷ​യ​ത്തി​ൽ പ്ര​തി​ഷേ​ധം ശ​ക്ത​മാ​യ​തോ​ടെ​യാ​ണ് പ്ര​ശ്‌​നം പ​രി​ഹ​രി​ക്കാ​ൻ ന​ട​പ​ടി​ക​ളു​മാ​യി കോ​ർപ​റേ​ഷ​ൻ രം​ഗ​ത്തെ​ത്തി​യി​രി​ക്കു​ന്ന​ത്. തെ​രു​വു​നാ​യ്ക്ക​ളെ വ​ന്ധ്യം​ക​രി​ക്കു​ന്ന എ.​ബി.​സി പ​ദ്ധ​തി​ക്ക് സെ​പ്റ്റം​ബ​ർ ആ​ദ്യം തു​ട​ക്ക​മാ​കും.

പ​ദ്ധ​തി പ്ര​കാ​രം നാ​യ്ക്ക​ളെ പി​ടി​കൂ​ടാ​നാ​യി ര​ണ്ടം​ഗ​സം​ഘ​ത്തെ​യാ​ണ് നി​യോ​ഗി​ക്കു​ക. സം​ഘ​ത്തി​ൽ പ്ര​ത്യേ​ക പ​രി​ശീ​ല​നം ല​ഭി​ച്ച വെ​റ്റ​റി​ന​റി സ​ർജ​ൻ, മൃ​ഗ​പ​രി​പാ​ല​ക​ർ, നാ​ലു​വീ​തം തി​യ​റ്റ​ർ സ​ഹാ​യി​യും നാ​യ് പി​ടു​ത്ത​ക്കാ​ർ എ​ന്നി​വ​രു​ണ്ടാ​കും. ഇ​വ​രെ തെ​ര​ഞ്ഞെ​ടു​ക്കാ​നു​ള്ള അ​ഭി​മു​ഖം ചൊ​വ്വാ​ഴ്ച ജി​ല്ല വെ​റ്റ​റി​ന​റി ആ​ശു​പ​ത്രി​യി​ൽ ന​ട​ക്കും. പി​ടി​കൂ​ടി​യ നാ​യ്ക്ക​ളെ പ്ര​ത്യേ​കം സ​ജ്ജീ​ക​രി​ച്ച എ.​ബി.​സി സെ​ന്റ​റി​ൽ എ​ത്തി​ക്കു​ക​യും വ​ന്ധ്യം​ക​ര​ണ ശ​സ്ത്ര​ക്രി​യ ന​ട​ത്തി നാ​ലു​മു​ത​ൽ അ​ഞ്ചു​ദി​വ​സം വ​രെ തു​ട​ർചി​കി​ത്സ ന​ൽകു​ക​യും ചെ​യു​മെ​ന്ന് അ​ധി​കൃ​ത​ർ അ​റി​യി​ച്ചു.

2022-2023 സാ​മ്പ​ത്തി​ക വ​ർഷ​ത്തി​ലെ എ.​ബി.​സി പ​ദ്ധ​തി ന​ട​പ്പാ​ക്കാ​ൻ 40 ല​ക്ഷം രൂ​പ​യാ​ണ് കോ​ർപ​റേ​ഷ​ൻ വ​ക​യി​രു​ത്തി​യി​രി​ക്കു​ന്ന​ത്. ഇ​തി​ന് വി​ക​സ​ന​സ​മി​തി​യു​ടെ അം​ഗീ​കാ​രം ല​ഭി​ക്കു​ക​യും ചെ​യ്തി​ട്ടു​ണ്ട്.

പേ​വി​ഷ പ്ര​തി​രോ​ധ കു​ത്തി​വെ​പ്പ്, ചെ​ള്ള്, ത്വ​ഗ്​ രോ​ഗ​ങ്ങ​ൾക്കെ​തി​രെ​യു​ള്ള മ​രു​ന്ന് എ​ന്നി​വ ന​ൽകി​യ​ശേ​ഷം പി​ടി​ച്ച​സ്ഥ​ല​ങ്ങ​ളി​ൽ തി​രി​കെ​എ​ത്തി​ച്ച് തു​റ​ന്നു​വി​ടും. 2015-16 വ​ർഷം മു​ത​ൽ ഇ​തു​വ​രെ എ.​ബി.​സി പ​ദ്ധ​തി വ​ഴി 8744 തെ​രു​വു​നാ​യ്ക്ക​ളെ​യാ​ണ് വ​ന്ധ്യം​ക​രി​ച്ച് പേ​വി​ഷ​ബാ​ധ പ്ര​തി​രോ​ധ കു​ത്തി​വെ​പ്പ്​ ന​ൽകി​യി​ട്ടു​ള്ള​ത്.

English summary

Kollam Corporation is going to make license to breed dogs mandatory