വിറങ്ങലിച്ച് കൊല്ലം; കല്ലടയാറ്റിൽ 3 മൃതദേഹങ്ങൾ കണ്ടെത്തി; ദുരൂഹത
അമ്മയും മക്കളുമാണ് മരിച്ചതെന്ന സംശയത്തിലാണ് പൊലീസ്
കൊല്ലം: കൊല്ലം പുനലൂരിൽ മൂന്ന് മൃതദേഹങ്ങൾ കണ്ടെത്തി. കൊല്ലം പുനലൂരിൽ കല്ലടയാറ്റിലാണ് മൂന്നുപേരെ മരിച്ചനിലയിൽ കണ്ടെത്തിയത്. ഒരു സ്ത്രീയുടേയും രണ്ട് കുട്ടികളുടേയും മൃതദേഹങ്ങളാണ് കണ്ടെത്തിയത്. മരിച്ചവരെ തിരിച്ചറിഞ്ഞിട്ടില്ല.
അമ്മയും മക്കളുമാണ് മരിച്ചതെന്ന സംശയത്തിലാണ് പൊലീസ്. മുക്കടവ് റബ്ബർ പാർക്കിന് സമീപമാണ് ഇവരെ കണ്ടെത്തിയത്. കുട്ടികളുടെ മൃതദേഹം കണ്ട നാട്ടുകാരാണ് വിവരം പൊലീസിനെ അറിയിച്ചത്.
തുടര്ന്ന് നടത്തിയ തിരച്ചിലിലാണ് യുവതിയുടെ മൃതദേഹം കണ്ടെത്തിയത്. യുവതിക്ക് ഏതാണ്ട് മുപ്പതുവയസു പ്രായം വരുമെന്ന് പൊലീസ് പറഞ്ഞു.മൃതദേഹം പുനലൂര് താലൂക്ക് ആശുപത്രിയിലേക്ക് മാറ്റിയിട്ടുണ്ട്. സ്ഥലത്തെത്തിയ പൊലീസ് സംഭവത്തില് പൊലീസ് വിശദമായ അന്വേഷണം ആരംഭിച്ചു.
Click it and Unblock the Notifications
Sign in with Google