ലോക മുലയൂട്ടല് വാരാചരണം: കൊല്ലത്ത് ജില്ലാതല ഉദ്ഘാടനം, ഒരാഴ്ച വിപുലമായ പരിപാടികള്!
കൊല്ലം: വനിത ശിശുക്ഷേമ വികസന വകുപ്പ് ഓഗസ്റ്റ് ഒന്നു മുതല് ഏഴുവരെ ലോക മുലയൂട്ടല്വാരം ആചരിക്കും. ജില്ലാതല ഉദ്ഘാടനം ബുധനാഴ്ച (ഓഗസ്റ്റ് 1) രാവിലെ 10ന് ടി.എം. വര്ഗ്ഗീസ് ഹാളില് പി. അയിഷാ പോറ്റി എം.എല്.എ നിര്വഹിച്ചു. ജില്ലാ പഞ്ചായത്ത് പ്രസിഡന്റ് സി. രാധാമണി അധ്യക്ഷയായിരുന്നു.എം.എല്.എ മാരായ എം. മുകേഷ്, എം. നൗഷാദ്, കെ.ബി. ഗണേഷ്കുമാര്, ജി.എസ്. ജയലാല്, കോവൂര് കുഞ്ഞുമോന്, മുല്ലക്കര രത്നാകരന്, ആര്. രാമചന്ദ്രന്, എന്. വിജയന്പിള്ള, മേയര് അഡ്വ. വി. രാജേന്ദ്രബാബു, ജില്ലാ പഞ്ചായത്ത് വൈസ് പ്രസിഡന്റ് അഡ്വ. എസ്. വേണുഗോപാല്, ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് ഇ.എസ്. രമാദേവി, കോര്പ്പറേഷന് ക്ഷേമകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് എസ്. ഗീതാകുമാരി, ജില്ലാ പഞ്ചായത്ത് സെക്രട്ടറി കെ. പ്രസാദ്, ജില്ലാ വനിതാ ശിശുവികസന ഓഫീസര് എസ്. സബീനാ ബീഗം, ഐ.സി.ഡി.എസ് പ്രോഗ്രാം ഓഫീസര് എം. വേണുക്കുട്ടന് തുടങ്ങിയവര് പങ്കെടുക്കും.
'മുലയൂട്ടല് ജീവിതത്തിന്റെ അടിത്തറ' എന്ന സന്ദേശം എല്ലാ അമ്മമാരിലും എത്തിക്കുന്നതിന് അങ്കണവാടിതലം മുതല് ജില്ലാതലംവരെ വിപുല പരിപാടികള് സംഘടിപ്പിക്കും. ജനപ്രതിനിധികള്, കുടുംബശ്രീ പ്രതിനിധികള്, ആരോഗ്യ, വിദ്യാഭ്യാസ വകുപ്പുകളിലെ ഉദ്യോഗസ്ഥര്, സന്നദ്ധ സംഘടനകള്, വിദ്യാര്ഥികള് തുടങ്ങിയവരെ പങ്കെടുപ്പിച്ച് ബോധവത്ക്കരണ പരിപാടികളും നടത്തി.