അഭിഗേലിനെ തട്ടിക്കൊണ്ടുപോകുന്ന ദൃശ്യം പുറത്ത്, കാറിലേക്ക് വലിച്ച് കയറ്റി; എല്ലാത്തിനും സാക്ഷിയായി ഒരാള്..!
കൊല്ലം: ഓയൂരില് നിന്ന് ആറ് വയസുകാരിയെ കാറില് തട്ടിക്കൊണ്ടു പോകുന്ന സി സി ടി വി ദൃശ്യങ്ങള് പുറത്ത്. അബിഗേല് സാറ റെജിയെ സംഘം കാറിലേക്ക് വലിച്ച് കയറ്റുന്ന ദൃശ്യങ്ങളാണ് പുറത്ത് വന്നിരിക്കുന്നത്. സഹോദരനെയും വാഹനത്തിലേക്ക് കയറ്റാന് ശ്രമിക്കുന്നതും വീഡിയോയില് വ്യക്തമാണ്. അതേസമയം കുട്ടിയെ തട്ടിക്കൊണ്ട് പോകുന്നത് ഒരാള് നോക്കി നില്ക്കുന്നതും പുറത്ത് വന്ന വീഡിയോയില് ഉണ്ട്.
ഇതാരാണ് എന്ന് വ്യക്തമായിട്ടില്ല. താനാണ് ദൃക്സാക്ഷിയെന്ന് അവകാശപ്പെട്ട് ഈ സമയം വരെ പൊലീസിനെ ആരും സമീപിച്ചിട്ടില്ല. ഈ വ്യക്തിയെ കണ്ടെത്തിയാല് പ്രതികളെ കുറിച്ച് കൂടുതല് വിവരങ്ങള് ലഭിക്കും. കുട്ടിയുമായി പിടിവലി നടക്കുന്നതും ബലമായി കാറില് കയറ്റി കൊണ്ടുപോകുന്നതിന്റേയും ദൃശ്യങ്ങളാണ് ഇപ്പോള് പുറത്ത് വന്നത്. ഈ വാഹനം കുട്ടികളെ കാത്ത് നില്ക്കുന്നതും യൂ ടേണ് എടുക്കുന്നതും ദൃശ്യങ്ങളില് വ്യക്തമാണ്.
അതേസമയം കുട്ടിയെ കാണാതായി 13 മണിക്കൂര് പിന്നിട്ടിരിക്കുകയാണ്. സംഭവത്തില് അന്വേഷണം ഊര്ജിതമായി തുടരുകയാണെന്ന് ഐ ജി സ്പര്ജന് കുമാര് പറഞ്ഞു. അതിനിടെ സംഭവത്തിലെ പ്രതിയെന്ന് സംശയിക്കുന്ന ഒരാളുടെ രേഖാ ചിത്രവും പൊലീസ് പുറത്ത് വിട്ടിട്ടുണ്ട്. പാരിപ്പള്ളിയിലെ കടയുടമയായ സ്ത്രീയുടെ മൊഴിയുടെ അടിസ്ഥാനത്തിലാണ് രേഖാ ചിത്രം തയ്യാറാക്കിയത്.
ഇന്നലെ വൈകീട്ട് 4.45 നാണ് അഭിഗേല് സാറ റെജിയെന്ന ആറ് വയസുകാരിയെ തട്ടിക്കൊണ്ടുപോകുന്നത്. സഹോദരന് ജോനാഥനൊപ്പം ട്യൂഷന് കഴിഞ്ഞ് മടങ്ങി വരവെയായിരുന്നു സംഭവം. വെള്ള നിറത്തിലുള്ള ഹോണ്ട അമേസ് കാറിലെത്തിയ നാലംഗ സംഘമാണ് കുട്ടിയെ തട്ടിക്കൊണ്ട് പോയത്. സഹോദരനേയും കാറില് കയറ്റാന് ശ്രമിച്ചെങ്കിലും നടന്നില്ല. കാറില് മൂന്ന് പുരുഷന്മാരും ഒരു സ്ത്രീയും ഉണ്ടായിരുന്നു എന്നാണ് സഹോദരന് പറയുന്നത്.
ഒരു പേപ്പര് തന്ന് അമ്മയ്ക്ക് കൊടുക്കുമോ എന്ന് കാറിലുള്ളവര് കുട്ടികളോട് പറയുകയായിരുന്നു. ഇത് വാങ്ങാനായി അടുത്തെത്തിയപ്പോള് കുട്ടിയെ കാറിലേക്ക് വലിച്ചിടുകയായിരുന്നു. അതിനിടെ സംഭവം നടന്ന് ഇത്രയും സമയത്തിനിടെ രണ്ട് തവണ അക്രമി സംഘം മോചനദ്രവ്യം ആവശ്യപ്പെട്ട് വിളിച്ചിരുന്നു. ഇന്ന് 10 മണിക്കുള്ളില് 10 ലക്ഷം രൂപ തയ്യാറാക്കി വെക്കണം എന്നാണ് സംഘം ആവശ്യപ്പെട്ടത്.
അതേസമയം കുട്ടിയെ തട്ടിക്കൊണ്ട് പോയ സംഭവത്തില് പൊലീസ് ആസ്ഥാനത്ത് പ്രത്യേക കണ്ട്രോള് റൂം തുറന്നിട്ടുണ്ട്. വിവരം ലഭിക്കുന്നവര് 112 എന്ന നമ്പറില് അറിയിക്കണം എന്ന് പൊലീസ് അറിയിച്ചു. എല്ലാ ജില്ലകളിലും പരിശോധന നടത്താനാണ് ക്രമസമാധാനച്ചുമതലയുള്ള എ ഡി ജി പി ഉത്തരവ് പുറപ്പെടുവിച്ചിരിക്കുന്നത്.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google